Կառավարության 5 միլիարդը «ընտրակաշա՞ռք» է մարզերին. «Փաստ»
«Փաստ» օրաթերթը գրում է.
Դավիթ Լոքյանը կարծում է, որ պետք է ուրախանանք
Փետրվարի 10–ին կառավարությունում հանրապետության մարզպետների մասնակցությամբ տեղի է ունեցել խորհրդակցություն, որի ընթացքում վարչապետ Կարեն Կարապետյանը տեղեկացրել է, թե որոշում է կայացվել պահուստային ֆոնդից մարզերին հատկացնել 5 մլրդ դրամ՝ հրատապ խնդիրների լուծման նպատակով:
«Անհրաժեշտ է ընտրել առաջնահերթություն ու մուլտիպլիկատիվ էֆեկտ ունեցող խնդիրներն ու ծրագրերը: Այդ գումարները պետք է կառավարել շատ խիստ, բաց, թափանցիկ, հասկանալի: Մենք ծրագրերի իրականացման արդյունքներով լրացուցիչ գումարներ ևս հատկացնելու ենք՝ հաշվի առնելով կատարված աշխատանքների էֆեկտիվությունը, արագությունը, թափանցիկությունը և այլն: Նշված հինգ միլիարդ դրամը բյուջեում չկար, սա այն օպտիմալացման արդյունքն է, որը մենք արել ենք»,– ընդգծել է Կարեն Կարապետյանը:
«Կառավարությունն էդպես էլ իր աշխատաոճը չփոխեց: Կարեն Կարապետյանի կառավարությունն էլ ոչնչով չի տարբերվում նախորդներից: Կարող եք սա անվանել ընտրակաշառք կամ նախընտրական PR քարոզչություն, բայց սա որևէ ձևով չեմ կապում արդյունավետ կառավարման հետ: Սա ուղղակի նախընտրական քայլ է»,– «Փաստի» հետ զրույցում տեսակետ հայտնեց ՀԱԿ տնտեսագետ Վահագն Խաչատրյանը:
Խորհրդակցության ժամանակ վարչապետ Կարապետյանը նաև հայտարարել է. «Չափազանց կարևոր են մարզերի զարգացման ծրագրերը, խնդրում եմ՝ հոգի դնել դրանց իրականացման գործում»:
Ըստ տնտեսագետի, եթե նայենք նախորդ ընտրությունների ժամանակ էլ նույնն է տեղի ունեցել: «Հենց ընտրությունները գալիս են, սկսում են մարզերին առանձին գումարներ հատկացնել, թեկուզև բյուջեով նախատեսված գումար է և էդ գումարները, էսպես թե էնպես, պետք է հատկացվեն մարզերին: Ընտրություններից առաջ մոտեցումը սա է. եկեք, տեսեք, որ մենք մարզերի մասին մտածում ենք: Փոխանակ կառավարությունը ռազմավարական խնդիրներ լուծի, օրվա խնդիր լուծելու համար այդպիսի մոտեցումներ է ցուցաբերում»,– ասաց Խաչատրյանը:
Մարզերի հրատապ խնդիրներին միտված մարզպետերի հետ խորհրդակցությանը մասնակցել է նաև Տարածքային կառավարման նախարար Դավիթ Լոքյանը:
«Փաստի» հարցին, թե ինչով է պայմանավորված, որ կառավարությունը հենց նախընտրական շրջանում հիշեց մարզերի հրատապ խնդիրների մասին՝ 5 մլրդ դրամ տրամադրելով դրանց լուծմանը և արդյոք այդպիսով անհավասար մրցակցային պայմաններ չեն ստեղծվում ընտրություններին ընդառաջ, տարածքային կառավարման նախարար Դավիթ Լոքյանն ասաց. «Չեմ կարծում, վերջին հաշվով, եթե որևէ բան էլ արվելու է, արվելու է ամբողջ ժողովրդին: ժողովուրդը ինքը կիմանա, որ դա էս պետությունն ա արել: Իսկ պետությունը այս կամ այն իշխանավորը չի:
Հիմա մարզպետերը պետք է պատրաստեն, իրենց փաստաթղթերը ներկայացնեն, որոշումը ե՞րբ կընդունենք` չգիտեմ»:
Դիտարկմանը, թե արդյոք սա նախընտրական շրջանում ընտրակաշառքի պես մի բան է ծանր վիճակում գտնվող մարզերին, տարածքային կառավարման նախարարն այսպես պատասխանեց. «Չէ բացառում եմ, փոխանակ ուրախանանք, որ պետությունն այսպիսի մի բան է արել ինչ–որ գյուղի կամ փոքր քաղաքի համար: Եթե այդ որոշումները կայացվեն, լավագույն դեպքում հունիս ամսից շուտ ոչ մի բան չի սկսվի»:
Հարցին, թե ինչու է հիմա, նախընտրական շրջանում հաստատվում հուլիս ամսվա ծրագիրը, նախարարը նման պատասխան տվեց. «Հուլիսին որ հաստատվի, Էդ կլինի նոյեմբերին արդեն կամ սեպտեմբերին լավագույն դեպքում սկսվեր` կմնար ձյան տակ»:
Շարունակությունը` «Փաստ» օրաթերթի այսօրվա համարում:
Безопасное рабочее место как гарантия развития
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
Пошёл и «за границей» жалуется на Церковь и оппозицию: своеобразный «отчёт»: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Это, кроме вреда, ничего не дает: «Паст»
