Դաշինքների Տրնդեզ. «Փաստ»
«Փաստ» օրաթերթը գրում է.
Փետրվարի 13–ին հայաստանյան հասարակությունը նշում էր Տրնդեզը, հետաքրքիր զուգադիպությամբ այդ օրը քաղաքական դաշտում ևս տրնդեզյան անցուդարձեր էին, ձևավորվում ու կազմալուծվում էին նախընտրական դաշինքներ։
Մասնավորապես՝ Սեյրան Օհանյանը, Վարդան Օսկանյանն ու Րաֆֆի Հովհաննիսյանը ստորագրեցին նախընտրական դաշինքի հուշագիրը, մյուս կողմից՝ այս դաշինք դեռ չմտած, այս դաշինքից դուրս եկան Վիկտոր Դալլաքյանը, Արամ Գասպարի Սարգսյանն ու Պարույր Հայրիկյանը՝ իրենց կուսակցություններով։
Նախընտրական այս շրջանում քաղաքական դաշինքների պրակտիկան ընդհանուր առմամբ կարող էր նորմալ և տրամաբանական ընկալվել, եթե այդպիսի դաշինքների մեջ չմիավորվեին լիովին տարասեռ քաղաքական ուժեր։ Բացի այս, պարզվում է, որ մինչ դաշինքի վերջնական ձևավորումը քաղաքական դաշինքի շուրջ բանակցությունները հիմնականում սահմանափակվել էին ցուցակի կազմման խնդիրներով և խոսակցություններով։ Այս մասին հայտարարեց Պարույր Հայրիկյանը։ Մյուս կողմից՝ Վիկտոր Դալլաքյանն իր հայտարարությամբ բացահայտեց, որ այս ընթացքում տեղի են ունեցել ստվերային և լոբբինգային գործընթացներ՝ կրկին ցուցակի ձևավորման հարցով։
Դալլաքյանը նշել էր, որ դաշինքի ձևավորման գործում ակտիվ դերակատարություն է ունեցել Սամվել Բաբայանը։
Թե ինչ այլ ստվերային գործընթացներ են տեղի ունեցել այս դաշինքի շուրջ, ամենայն հավանականությամբ, պարզ կդառնա առաջիկայում, սակայն այս դաշինքն արդեն իսկ մի շարք հարցեր է առաջադրում։ Եթե այս շրջանում մի շարք քաղաքական ուժեր՝ հավակնելով դերակատարություն ստանձնել երկրի քաղաքական կյանքում, մեծ դժվարությամբ են ընդհանուր հայտարարի գալիս դաշինքի ցուցակի շուրջ, ապա հարց է առաջանում, թե նրանք ինչ ծրագրով և ինչ տեսլականով են տանելու նախընտրական քարոզարշավ և, որ ամենակարևորն է, ինչպես են պատկերացնում իրենց գործունեությունը խորհրդարանում։
Պետք է խոստովանել, որ արդեն իսկ այս շրջանում ակնհայտ է, որ մենք գործ ունենք չափազանց արհեստականորեն ստեղծված քաղաքական միավորման հետ, որի ապագան, մեղմ ասած, շատ անորոշ է։
Բացի այս, հուշագիրն ստորագրելուց հետո ընդդիմադիրի դերում է հայտնվում պաշտպանության նախկին նախարար Սեյրան Օհանյանը, որն արդեն խոսում է երկրում քաղբանտարկյալների առկայության մասին։
Արդյոք Օհանյանին կհաջողվի՞ ապացուցել իր ընդդիմադիր լինելը, և արդյոք նա կարո՞ղ է հստակ և հրապարակային կերպով ներկայացնել հայաստանյան հասարակությանը տարիներ շարունակ վարչակարգի առանցքային գործիչներից մեկը լինելու իր շարժառիթները, դժվար է ասել։ Մյուս կողմից՝ Դալլաքյանի հայտարարությունից հետո պարզ է դառնում, որ այս դաշինքի երևացող ուժերի ետևում կան նաև այլ շրջանակներ, ինչն արդեն իսկ ստվերում է դաշինքի գործունեությունն ու ապագան, քանի որ ակնհայտորեն վերջինս ղեկավարվում է բոլորովին այլ ուժային կենտրոններից։ Թե ինչ հետևանք կունենա այս հանգամանքը դաշինքի համար, պարզ կդառնա արդեն ապրիլի 2–ին։
Շարունակությունը` «Փաստ» օրաթերթի այսօրվա համարում:
Экологическая «революция» в Сюнике: как удалось избавить деревни от заботы о дровах? «Паст»
Вопрос об аресте Чалабяна дошел до Европейского парламента: «Паст»
Молдавские уроки: почему правительство Армении не уходит? «Паст»
Почему стало модно «отчитывать» оппозицию, и чего на самом деле ожидает общество? «Паст»
Нет мандата, «выданного народом»: «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
Ложная дилемма мандатов: почему тема парламентского бойкота оппозиции - пустая повестка дня? «Паст»
Рубинян: В случае избрания председателем парламента Армении я больше не буду спецпосланником на пере...
