«Աբիժնիկ» Հմայակը չի կարող օբեկտիվ կարծիք հայտնել

Արման Հարոյանը ֆեյսբուքյան իր էջում գրում է.

Հմայակ Հովհաննիսյանի ծաղկուն ժամանակներից շատ ջրեր են հոսել, ու գուցե տասնամյակներ առաջ այս քաղաքագետի խոսքը կշիռ ուներ, բայց հիմա այն արդեն հավասարվել է հողին։ Մարդ, ով չի կարողանում իր հավասարակշիռ խոսքն արտահայտել, փորձում է վերակենդանանալ քաղաքական դիակների աղբամանից, որտեղ նա հայտնվել է դեռ վաղուց։
Այստեղ գլխավոր գաղափարն այն է, որ այս մարդը, ով արդեն որոշ ժամանակ «թույն է շնչում» որոշ քաղաքական գործիչների նկատմամբ, չի կարող օբեկտիվ կարծիք հայտնել նրանց մասին։ Հովհաննիսյանն իմանալով, որ իր խոսքն այլևս լսարանին չի հասնում, ու դրան ոչ ոք լուրջ չի վերաբերում, տալիս է այնպիսի գործիչների անուններ, ովքեր հետաքրքրություն կարող են առաջացնել ընթերցողի մոտ։ Վերջերս այս քաղաքական դիակը սկսել է շահարկել Գագիկ Ծառուկյանի անունը, իր ոչինչ չասող հրապարակումներում։ Տալով այս անունը, նա հույս է տածում, որ իր նկատմամբ առաջացած չնչին ուշադրությունը կարող է վերակենդանացնել իրեն, կամ զարկ տալ իր «կարիերային»։
Լուրջ դեմքով նստել ու վատաբանել այլոց հեշտ է, դա անում են նույնիսկ հարևանները՝ մեկ բաժակ սուրճի սեղանի շուրջ, առանց պատճառի, առանց փաստերի, հենց ուղղակի, որովհետև այն մարդը ում քննադատում են՝ իրենցից լավն է, իրենցից շատ արժանիքներ ունի։ Նույն կերպ վարվում է Հմայակը։ Հասարակության կողմից մերժված լինելու գաղափարը այս մարդուն հանգիստ չի տալիս, ու ես կարծում եմ, որ մենք այս՝ իրենից ոչինչ չներկայացնող մարդու մասին էլի ենք լսելու, բնականաբար ոչ լավ լույսի ներքո, բայց նրան չնչին ուշադրությունն էլ վերակենդանանալու հույս կտա, այնպես որ, եկեք ուղղակի անտեսենք նման անմակարդակ մարդկանց։