Լենա Նազարյանին պետք է խորհուրդ տալ չփորձել արժեզրկել մյուսների արածը

արինե Դալլաքյանը ֆեյսբուքյան իր էջում գրում է.

Թավշյա հեղափոխությունը համաժողովրդական հաղթանակի արդյունքն է, հաղթել ենք բոլորս` ՀՀ յուրաքանչուր արժանապատիվ քաղաքացի: Եվ հիմա փորձել սեփականաշնորհել հեղափությունը դա վերագրելով միայն մի ուժի կամ մի քանի անհատների, ողջամիտ ու բարոյական չէ: Հենց այդպես է ամեն անգամ վարվում Լենա Նազարյանը փորձելով հեղափոխությունը սարքել իր ու իր կուսակիցների մենաշնորհը: Եվ տարված այդ մոլուցքով նույն Լենա Նազարյանը փորձում է ցեխ շպրտել բոլոր նրանց վրա, ում աջակացությունը հեղափոխության հաղթանակին անուրանալի է: Նազարյանը երևի մոռացել է, որ առաջին հերթին Ծառուկյանն էր, որ շատ կոշտ դեմ արտահայտվեց Փաշինյանին ու իր կողմնակից պատգամավորներին անձռմխելիությունից զրկելուն, մոռացել է, որ ուժի ձայների շնորհիվ Փաշինյանը դարձավ վարչապետ, մոռացել է ինչպես էին մարդիկ գոռում Ծառուկյան, երբ ժողովրդին իր լիակատար աջակցությունը տալով Ծառուկյանը միացավ համաժողովրդական շարժմանը:
Ժողովրդին խաբել չի լինի, նրանք ամեն ինչ տեսնում են ու շատ լավ հասկանում և այդ պահին Ծառուկյան անունի վանկարկումը ամեն ինչի մասին խոսում է: Այնպես, որ պետք չէ փորձել սեփականաշնորհել հեղափոխությունը, պետք չէ փորձել մարդկանց մեջ այնպիսի կարծիք ձևավորել, իբրև Ծառուկյանը և նրա նման շատերը ոչինչ չեն արել հեղափոխության համար: Դա կործանարար ճանապարհ է, որը բռնել է Լենա Նազարյանը և նրան պետք է խորհուրդ տալ քանի ուշ չէ հետ կանգնել այդ ճանապարհից և չփորձել արժեզրկել մյուսների արածները առավել ևս, երբ հենց ինքը, Լենան, չունի դրա բարոյական իրավունքը: