Ծառուկյանի հարցազրույցը վերջակետ դրեց բոլոր կեղծ տեղեկատվություններին

Մարգո Կոստանդյանը ֆեյսբուքյան իր էջում գրում է.

Ոչ ոքի համար գաղտնիք չէ, որ համաժողովրդական շարժման հաղթանակից հետո, Հայաստանի ներքաղաքական կյանքում տեղի են ունեցել բազմաթիվ փոփոխություններ: Այսօր ամենա քննարկվող և արդիական թեման խորհրդարանի արտահերթ ընտրություններն են, որոնք պետք է անցկացվեն կամ սույն թվականի դեկտեմբերին, կամ հաջորդ տարի ՝ մայիսին:
Արտահերթ խորհրդարանական ընտրությունների կազմակերպման հարցում եղան որոշ անհամաձայնություններ, ինչից հետո որոշ կայքեր և ֆեյսբուքյան էջեր փորձեցին ժողովրդին գցել շփոթմունքի մեջ, վարկաբեկելով «Ծառուկյան» խմբակցությանը: Այս ամենի առիթով ԲՀԿ նախագահ Գագիկ Ծառուկյանը հարցազրույց տվեց «ՈՒրվագիծ» հաղորդմանը, որտեղ պատասխանեց հանրությանը հուզող հարցերին և վերջակետ դրեց այդ բոլոր կեղծ տեղեկություններին:
Առաջին իսկ հարցը վերաբերվում էր ԲՀԿ-ի և առաջին ու երկրորդ նախագահների համագործակցության մասին կեղծ տեղեկություններին, ինչին Գագիկ Ծառուկյանը պատասխանեց, որ նախկին նախագահներից ոչ ոքի հետ չի համագործակցում և ոչ ոք չի կարող ԲՀԿ-ի միջոցով գալ իշխանության: Եթե նա համագործագցեր Սարգսյանի ու Քոչարյանի հետ, ապա ինչու՞ պետք է օժանդակեր հեղափոխությանը: Ինչու՞ պետք է ամեն օր ջուր և ուտելիք ուղղարկեր: Ինչու՞ պետք է դուրս գար Սերժ Սարգսյանի դեմ մինչ հրաժարականը: ԵՎ վերջ ի վերջո ինչու՞ պետք է բոլոր հնարավոր միջոցներով օգներ Փաշինյանին դառնալ վարչապետ: Այո այս ամենից հետո իրոք ծիծաղելի են հնչում այդ բամբասանքները:
Խոսք գնաց Նիկոլ Փաշինյանի ԱՄՆ-ում արած հայտարարությանը, որում նա ասել էր , որ ուներ ընդամենը 4 վստահելի ձայն, որից մեկն էլ հենց իրենն էր: Ծառուկյանը պատասխանեց, որ համաժողովրդական շարժման հաղթանակը միայն մեկ անձով չէ պայմանավորված, դա ժողովրդինն է, քանզի առանց ժողովրդի հնարավոր չէր հասնել այդ ամենին: ԵՎ այո, Ծառուկյանը ասաց այն, ինչը մինչ այս ոչ ոք չէր ասում: Հեղափոխությունը մերն է, և պետք չէ դա անձնավորել, քանզի ցանկացած հայ իր լուման ունի այդ գործում: Իսկ եթե սկսենք անձնավորել հեղափոխությունը մենք ինքներս կդառնանք առաջին հակահեղափոխականները:
Ուշագրավ էր այն լուրը , որ երբ Ծառուկյանը միացել է ու իր օժանդակությունն է հայտնել հեղափոխությանը, նրան զանգել է Սերժ Սարգսյանը: Սարգսյանի հարցին , թե ինչու է Ծառուկյանի իրեն «ՄԵՋՔԻՑ ԽՓՈՒՄ», Ծառուկյանը ասել է , որ չի հանդիսանում իշխանության մի մաս, ընդգրկված չի կոալիցիայի մեջ, այլ ընդդիմություն է և օժանդակելու է իր ընդդիմադիր գործընկերներին: ԵՎ այդպես էլ եղավ, Ծառուկյանը օժանդակեց ժողովրդի թեկնածուին , տրապադրեց 1/3-ը , ինչով լեգիտիմ դարձրեց Փաշինյանի թեկնածությունը և ըստ իմ խորհին համոզման հեղափոխության գործում Ծառուկյանը լուման Փաշինյանինից պակաս չէ:
Ծառուկյանը նաև անրադարձ կատարեց ներդրումներին, ասելով, որ ներդրումներ ներգրավելը բնավ կապ չունի արտահերթ խորհրդարանական ընտրությունների հետ, և պետք չէ այդպիսի հայտարարություններ կատարել:
Ինչևէ Ծառուկյանը պատասխանեց հանրությանը հուզող բոլոր հարցերին: Բայց ինչն է պատճառը, որ այդքան կեղծ ինֆորմացիա է տարածվում ԲՀԿ-ի դեմ և ամեն գնով ատելություն քարոզվում: Պատասխանն ակնհայտ է: Ուսումնասիրելով ավագանու ընտրությունները հասկանում ենք, որ ներկայիս դրությամբ քաղաքական դաշտում ընդունված է ընդամենը 2 քաղաքական ուժ ՝ ՔՊ և ԲՀԿ: Այդ իսկ պատճառով որոշ մութ ուժեր, իրենց առաջ նպատակ են դրել զբաղեցնել ԲՀԿ-ի տեղը, իսկ նպատակին հասնելու զենք ընտրել կեղծիքը: Ինչևէ դա նրանց չհաջողվեց և չի էլ հաջողվի, քանզի ժողովուրդը տարիներ շարունակ տեսել է , որ Ծառուկյանը գործում է ժողովրդի շահերով և միշտ կատարում է իր ասածը: