Ֆրանկոֆոնիայի շրջանակներում կայանալիք բիզնես ֆորումի ավարտին կհնչեն ՀՀ-ում տարբեր ծրագրերի մակնարկի մասին հայտարարություններ
ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: Երևանում Ֆրանկոֆոնիայի գագաթնաժողովի շրջանակներում անցկացվող բիզնես ֆորումի ավարտին հնչելու են կարևոր հայտարարություններ Հայաստանում տարատեսակ ծրագրերի մեկնարկի մասին: Հոկտեմբերի 2-ին կայացած մամուլի ասուլիսի ընթացքում այս մասին հայտնեց ՀՀ տնտեսական զարգացման և ներդրումների նախարարի տեղակալ Մանե Ադամյանը: «Մենք ունենք գործարարներ, ովքեր հետաքրքրված են կոնկրետ ոլորտային ծրագրերով: Կան գործարարներ, ովքեր Հայաստանում հանդիպելու են հայ գործարարների՝ գործընկերային հարաբերություններ հաստատելու և համագործակցության համար: Ես չեմ ցանկանում հնչեցնել կոնկրետ ծրագրերի մասին, որովհետև կլինեն հայտարարություններ բիզնես ֆորումի ավարտին: Այդ հայտարարություններով տարատեսակ ծրագրերի մեկնարկը կտրվի Հայաստանում»,- «Արմենպրես»-ի փոխանցմամբ՝ ասաց Ադամյանը:
Փոխնախարարը հավելեց, որ բիզնես ֆորումին ակնկալվում է տարբեր ոլորտներ ներկայացնող գործարարների մասնակցություն: «Ակնկալվում է բարձր տեխնոլոգիաների մասով արհեստական ինտելեկտի, իրերի արդյունաբերական ինտերնետի ոլորտում աշխատող մեծ ընկերությունների ներկայացուցիչների մասնակցություն, ունենք վերականգնվող էներգետիկայի, սմարթ գյուղատնտեսության, առողջապահության նորարար լուծումների տարբեր ուղղություններ ներկայացող գործարարներ, և ունենք մի շարք կառույցներ տարբեր երկրներից, որոնք իրենց երկրներում զբաղվում են ներդրումների և արտահանման խթանմամբ: Այստեղ նրանք կիսվելու են հաջողության պատմություններով՝ հասկանալու, թե ինչպես պետք է ճիշտ թիրախավորել շուկաները արտահանման համար, տարբեր գործարարներից ներդրումներ ներգրավելու համար, որովհետև տարբեր երկրներում գործարարները տարբեր մշակույթների կրողներ են: Այսինքն, խոսվելու է նաև այն մասին, թե ինչպես է պետք ճիշտ թիրախավորել շուկաները: Կարծում եմ, որ սա էլ բիզնես ֆորումի կարևոր կոմպոնենտ է»,- եզրափակեց Մանե Ադամյանը:
Тотально используя административный ресурс, он «ненавидит» административный ресурс? «Паст»
Великая Победа и великий подвиг армянского народа. Арман Варданян
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
