Հայաստանն ու Վրաստանը պայմանավորվել են առևտրաշրջանառությունը հասցնել 1 մլրդ դոլարի. Փաշինյան
Հայաստանն ու Վրաստանը փայլուն հարաբերություններ ունեն: Ինչպես հաղորդում է «Արմենպրես»-ը, սեպտեմբերի 10-ին Վրաստանի վարչապետ Մամուկա Բախտաձեի հետ հանդիպումից հետո լրագրողների համար արած հայտարարության ժամանակ այս մասին ասաց Հայաստանի Հանրապետության վարչապետ Նիկոլ Փաշինյանը:
«Մենք խնդիր ունենք մեր հարաբերությունների տնտեսական բաղադրիչը համապատասխանեցնել բովանդակային և այն էմոցիոնալ մակարդակին, որ գոյություն ունի մեր ժողովուրդների միջև: Մեր փոխայցելությունները կրել են և շարունակելու են կրել պարբերական բնույթ: Քննարկել ենք բազմաթիվ՝ տրանսպորտային, տնտեսական, քաղաքական փոխգործակցությանն առնչվող հարցեր»,- նշեց Փաշինյանը՝ ընդգծելով, որ ամենակարևոր արձանագրումն այն էր, որ այս այցի արդյունքներով նոր խթան կհաղորդեն քաղաքական, հումանիտար և տնտեսական հարաբերություններին:
ՀՀ վարչապետը հայտարարեց, որ Վրաստանի գործընկերոջ կողմից ամբիցիոզ ծրագիր է առաջարկվել, որը հայկական կողմից հավանության է արժանացել: «Հստակ խնդիր է ձևակերպվել առաջիկա տարիներին փոխադարձ առևտրաշրջանառությունը հասցնել 1 մլրդ դոլարի մակարդակի: Սա հստակ խնդիր է, որի նկատմամբ կարող ենք բոլորս դիրքավորվել, ունենալ հստակ ճանապարհային քարտեզ և պայմանավորված քայլերով գնալ դեպի խնդրի լուծումը»,- ասաց Փաշինյանը:
Նա հայտնեց, որ պայմանավորվածություն է ձեռք բերվել առաջիկայում հայ-վրացական միջկառավարական հանձնաժողովի նիստ գումարելու մասին: Նիստի շրջանակում հստակ խնդիր կձևակերպվի ՝ ունենալ ճանապարհային քարտեզ առևտրա-տնտեսական հարաբերությունները, քաղաքական, հումանիտար, մշակութային, կրթական հարաբերությունները զարգացնելու համար:
«Ամեն այցի հետ մեր երկրների հարաբերությունների մակարդակն ավելի է բարձրանում, մթնոլորտն ավելի ջերմ է դառնում: Մեր կառավարության անդամների միջև հաստատվում ու ամրապնդվում են բարեկամական, ընկերական կապեր, ինչը պակաս կարևոր չէ երկրների հարաբերություններում: Այս տեմպը պետք է շարունակել և հստակ քայլերով գնալ առաջ»,- եզրափակեց ՀՀ վարչապետը:
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
