Մարտի 1-ի հետ կապ ունեցող ցանկացած անձ պետք է ենթարկվի պիստ պատասխանատվության

Պետրոս Կոստանյանը ֆեյսբուքյան իր էջում գրում է.

Մարտի 1-ը Հայաստանի պատմության ամենաարյունոտ և ծանր էջերից է, խոր վերք, որի սպին մշտապես հիշեցնելու է իր մասին գալիք սերունդներին: Մարտի 1-ը խարան է, որը անհնար է մաքրել, բայց որը կարելի է գոնե մի քիչ քողարկել, եթե հայտնաբերվեն և պատժվեն հայտնի արյունալի դեպքերի հետ կապված բոլոր մեղավորները: Չի գտնվի Հայաստանում գեթ մեկ քաղաքացի, ով չի ցանկանա, որ Մարտի 1-ի մեղավորները բացահայտվեն և պատժվեն:
Երեկ Գագիկ Ծառուկյանը, պատասխանելով լրագրողների հարցերին, նշեց, որ եթե Հովիկ Աբրահամյանը կապ ունի Մարտի 1-ի հետ, ապա նա նույնպես պատրաստ է , որպեսզի նրան հրապարակավ գնդակահարեն: Մինչ այդ նույն բանը Գագիկ Ծառուկյանը ասել էր իր մասին՝ կրկին հավաստելով, որ Մարտի 1-ը Հայաստանի Հանրապետության պատմության ողբերգական էջերից է:
Իհարկե ինչպես միշտ որոշ լրատվամիջոցների կողմից փորձ արվեց Գագիկ Ծառուկյանի խոսքերը ներկայացնել այլ լույսի ներքո, բայց սա այն դեպքն է, որ ցանկացած նման փորձ դատապարտված է անհաջողության: Մարտի 1-ը ինքնին շահարկման եթնակա չէ, և դրա հետ կապված ցանկացած անդրադարձ նույնպես: Իսկ եթե դա վերաբորում է անկեղծ պատարստակամությանը՝ կրելու առավելագույն պատիժ Մարտի 1-ի հետ կապ ունենալու առթիվ, ինչը ասել էր Գագիկ Ծառուկյանը, ապա այստեղ որևէ մեկնաբանությունն ու աշահարկումը ուղղակի ավելորդ է:
Մարտի 1-ի հետ կապ ունեցող ցանկացած մեղավոր անձ պետք է պատժվի, հենց սա է Գագիկ Ծառուկյանի ուղերձը, և այս ուղերձը, որը բխում է ցանկացած քաղաքացու համոզմունքներից և հայացքներից, շահարկելը ուղղակի վիրավորանք է առաջին հերթին հենց Մարտի 1-ի զոհերի նկատմամբ: Նույն ուղերձն է կրում նաև Գագիկ Ծառուկյանի՝ Հովիկ Աբրահամայնի վերաբերյալ ասածը, որը նշանակում է, որ ցանկացած անձ, ով մեղավոր է Մարտի 1-ի հայտնի դեպքերում, պետք է ենթարկվի խիստ պատժի: Եվս մեկ անգամ կրկնում ենք, որ Գագիկ Ծառույկյանի՝ Մարտի 1-ի մասին ասած խոսքերը շահարկելը անթույլատրելի է, առավել ևս որ հարցը գտնվում է ամբողջությամբ իրավական տիրությում և ենթակա չէ քաղաքական շահարկումների: