«Փաստի» հրապարակումից հետո խաղացանկը կարգավորվեց. եղե՞լ է միջամտություն. «Փաստ»
«Փաստ» օրաթերթը գրում է.
Օրեր առաջ «Ռուբեն Հայրապետյանը մուռ է հանո՞ւմ թիմերից» հրապարակմամբ անդրադարձել էինք Հայաստանի ֆուտբոլի առաջնության առաջին ու բարձրագույն խմբերի, ինչպես նաև գավաթի խաղարկության խաղացանկին՝ նշելով, որ օգոստոսին կայանալիք հանդիպումների մի զգալի մասը նշանակված էր ժամը 12.30–ին, 13–ին և 14.00–ին: Հիշեցնելով, որ պատկան մարմինները պարբերաբար ամռան ամիսներին զգուշացնում են «խուսափել արևի ուղիղ ճառագայթներից հատկապես ժամը 12.00–ից 17.00 ընթացքում», նաև հավելել էինք, որ մարզադաշտերի սակավության պատճառով մեկ դաշտում օրական 2 հանդիպում անցկացնելու փոխարեն պետք էր տուրն անցկացնել երկու օրում:
Եվ ահա, մեր հրապարակումից երկու օր անց Ֆուտբոլի ֆեդերացիայի կայքում տեղադրվել է նոր խաղացանկը, որտեղ օպերատիվորեն կատարվել են համապատասխան շտկումները: Ըստ այդմ, հատկապես օգոստոսին տուրերը կանցկացվեն երկու օրում, իսկ խաղերը կմեկնարկեն ամենաշուտը ժամը 17.00–ին: Դժվար է, իհարկե, մտածել, որ սոսկ թյուրիմացություն է եղել ու նման որոշում հաստատողները չեն պատկերացրել, թե ինչ վտանգավոր խաղացանկ են կազմում: Մեր՝ դեռևս չճշտված տվյալներով, իրականում մեր հրապարակումը անհանգստացրել է հատկապես ֆեդերացիայի ապագա հնարավոր նախագահին՝ Արթուր Վանեցյանին, ում միջամտությունից հետո էլ շտկվել է խաղացանկը:
Фосфорные боеприпасы Украины и военные сделки с Алиевым: почему визит Зеленского в Ереван встречают ...
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Саммит хромых уток в Ереване
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
«След» Курдистана в списке «Республики»: кто такой Роман Мурадян? «Паст»
Приглашение Зеленского — удар по национальному достоинству
Le Figaro: Европа рискует пожертвовать демократией в Армении ради геополитики
Кая Каллас прибыла в Азербайджан
