Գևորգ Պետրոսյանը դե՞մ է միաձայն կոլեգիալ որոշմանը, այդ դեպքում որն է լինելու նրա հետագա քայլը

Կարինե Դալլաքյանը ֆեյսբուքյան իր էջում գրում է.

Երեկ պարզ դարձավ, որ Երևանի ավագանու ընտրություններին «Բարգավաճ Հայաստան» կուսակցության ցուցակը կգլխավորի ԱԺ «Ծառուկյան» խմբակցության պատգամավոր Նաիրա Զոհրաբյանը: Այս որոշումն ընդունվել է միաձայն ԲՀԿ քաղխորհրդի նիստում տեղի ունեցած բաց քվեարկության արդյունքում:
Նաիրա Զոհրաբյանը ունի վստահություն թե՛ կուսակիցների և թե՛ քաղաքացիների շրջանում և նրանից ակնկալիքները մեծ են:
Սակայն երեկ Ծառուկյան դաշինքի պատգամավորներից մեկը՝ Գևորգ Պետրոսյանը գրառում էր կատարել, նշելով, որ չի ընդունում Նաիրա Զոհրաբյանի թեկնածությունը, իսկ այս ամենին այսօր արդեն փորձեցին այլ երանգներ հաղորդել որոշակի թերթեր, մեկնաբանելով, իբր ԲՀԿ-ում պառակտություններ կան:
Այս տիպի վերլուծությունններ անողներին կարելի է խորհուրդ տալ, որ նայեն երեկվա ԲՀԿ քաղխորհրդի նիստի տեսագրությունը, այնտեղ շատ պարզ երևում է, որ որոշմանը սատարում են նիստի բոլոր մասնակիցները, քվեարկությունը եղել է բաց և հրապարակային, և ընտրվել է այն թեկնածուն, որին իսկապես վստահում են այս կարևոր պաշտոնը:
Իսկ ինչ վերաբերում է Գևորգ Պետրսյանի հայտարարությանը, ապա կարելի է խորհուրդ տալ վերոնշյալ թերթերին և կայքերին դրան այլ երանգներ չտալ, քանզի նորմալ է երբ մարդիկ ունենում են տարբեր անձնական կարծիքներ և դա կարող է նաև իր արտացոլումն ունենալ նրանց քաղաքական դիրքորոշումները արտահայտելու մեջ:
Ավելացնենք նաև, որ վերևում ասվածը ևս մեկ անգամ վերահաստատվեց այսօր նաև ԲՀԿ քարտուղար Վահե Էնֆիաջյանի կողմից, որը նշել էր, որ Նաիրա Զոհրաբյանի թեկնածությունը կոլեգիալ միաձայն որոշում է:
Ստորև ներկայացված տեսանյութում երևում է, որ Նաիրա Զոհրաբյանի թեկնածությունը ընտրվել է միաձայն քվեարկության արդյունքում, իսկ մնացածը անձնական կարծիքներ և մոտեցումներ են: