Mamul.am-ի էժանագին ստերը ծիծաղ են առաջացնում

Սարգիս Հովսեփյանը ֆեյսբուքյան իր էջում գրում է  

Այսօր Mamul.am կայքը, որը վաղուց աչքի է ընկել հատկապես ՀԱՕԿ նախագահ Գագիկ Ծառուկյանի մասին իր էժանագին ստերով, հերթական սուտն էր բստրել, որը կարդալուց իսկ արդեն ծիծաղ էր առաջացնում:
ՀՀ Սպորտի նախարար Լևոն Վահրադյանը հանդիպել է Արցախի նախագահ Բակո Սահակյանի հետ, որի ժամանակ պայմանավորվել են սպորտի ոլորտում նոր համատեղ ծրագրեր իրականացնելու մասին;
Այս լուրը, որը դրականից բացի այլ կոնտեքստում հնարավոր չէ մեկնաբանել, վերոնշյալ կայքը մեկնաբանել է հետևայլ կերպ, իբր սրանով Գագիկ Ծառուկյանը հանձնում է դիրքերը: Ավելին, կայքը ստերի հարցում ավելի հեռունէ գնացել, գրելով, իբր Ծառուկյանը իր գումարները լվանում է սպորտի ոլորտում, և Արցախի հետ համատեղ ծրագրեր իրականացնելով ցանկանում է նոր իշխանություներին նորովի աշխատելու ծրագիր ներկայացնել:
Նախ հիշեցնենք, որ Գագիկ Ծառուկյանը Արցախում բազմաթիվ ծրագրեր է իրականացրել ու կյանքի կոչել: Դրանք թվարկելը անգամ երկար ժամանակ կխլեր, բայց բավական է հիշել միայն Արցախում Ծառուկյանի կողմից նոր զորամասի կառուցումը, ինչպես նաև Արցախի Արաքսավան համայնքին օժանդակության խոշոր ծրագիրը, որի ժամանակ համայնքի յուրաքանչյուր բնակչի տրվել էր 10 հազարական դոլար, 2000 տոննա ցեմենտ՝ համայնքի շինարարական աշխատանքների համար, տրակտորներ, ինչպես նաև «Նիվա» մակնիշի ավտոմեքենաներ Արցախի հարավային թևի սահմանապահ զորքերին և Ներքին գործերի նախարարությանը: «Գագիկ Ծառուկյան» բարեգործական հիմանդրամի շնորհիվ մշտապես հովանավորվում են Արցախում իրականացվող բազմաթիվ մշակութային և սպորտային ծրագրեր:
Այս ամենի ֆոնին գրել, թե Ծառուկյանը նոր է սկսում Արցախում սպորտային ծրագրեր իրականացնել, պարզապես ծիծաղելի է և ստորություն: Հասկանալի է, որ կայքի խմբագրակազմը որոշել է ինչ-որ բան գրել Գագիկ Ծառուկյանի մասին, և օդից նյութ է ստացել՝ նրա անունը անհիմն շահարկելու համար, բայց սուտն էլ պետք է սահմաններ ունենա:
Ինչևէ, Հայտսանում կան լրատվամիջոցներ, որոնք վաղուց դրսևորել են իրենց որպես անբարեխիղճ ստախոսներ, և Mamul.am կայքը դրանց թվում առաջատարներից մեկն է: Սակայն հանրությունը մարդուն գնահատում է իր արած գործով, ոչ թե նրա մասին գրված ստերով: