Անբարեկիրթ երիտասարդի հրահրած վեճը ոմանց համար շահարկման թեմա է դարձել

Սևակ Հակոբյանը ֆեյսբուքյան իր էջում գրում է.

Երեկ համացանցում տեսանյութ տարածվեց, որտեղ ԱԺ պատգամավոր Նաիրա Զոհրաբյանը վիճաբանության մեջ է մտնում մի երիտասարդի հետ:Ես ինքս էլ անցնում էի այդ պահին փողոցով ու ականատես եմ եղել ամբողջ պատմությանը,իսկ պատմությունը հետևյալն է. Նաիրա Զոհրաբյանը, ով հավանաբար նույնպես հրավիրված էր Ոսկե Ծիրան միջոցառմանը, տեսավ թե ինչպես են մի խումբ երիտասրդներ ցանկանում մի աղջկա ջրել, ով բարձրաձայնում էր, որ Ոսկե Ծիրան միջոցառման է հրավիրված և խնդրում էր չջրել,այդ ամենին բնականաբար միջամտեց Նաիրա Զոհրաբյանը, ասելով ամոթ է եթե մարդը բարձրաձայնում է,որ միջոցառման մասնակից է պետք չէ ջրել, որից հետո երիտասարդներից մեկը գռեհիկ հայհոյանք հնչեցրեց և սկսեց վիճաբանություն:Հետո ոստիկանները շատ արագ մոտեցան ներողություն խնդրեցին թե այդ աղջկանից, թե Նաիրա Զոհրաբյանից և միջադեպը հարթվեց:Սա է եղել ամբողջ պատմությունը:

Բայց պարզվում է,որ հայտնվել են ֆեյսբուքյան որոշ էջեր և ինչ-որ անհայտ «վիրուսոտ» լրատվականներ, որոնք փորձում են դա այլ շվաքի ներքո ներկայացնել: Սակայն կույրին էլ է պարզ, որ այս պարագայում տվյալ երիտասարդի դրսևորումներն են քննադատության արժանի, այլ ոչ թե Նաիրա Զոհրաբյանի կամ այն աղջկա, որին փորձել էին ջրել, քանի որ տարրական բարեկրթությունից զատ, այդ ճղճիմ երիտասարդն անգամ կանանց հետ վարվեցողության ձև չէր իմանում: Զոհրաբյանի ռեակցիան ու զայրույթը միանգամայն հասկանալի է, դեռ ավելին, մեկ ուրիշի դեպքում, տվյալ իրավիճակում շատ հնարավոր է, որ ավելի աղմկահարույց դեպքի ականատես լինեինք: