Օսիպյանի քավորը՝ կոռուպցիոն սկանդալի կենտրոնում
Պետեկամուտների կոմիտեում իրականացվող խայտառակ կադրային նշանակումներին մենք արդեն անդրադարձել ենք։ Գրել էինք, որ ՊԵԿ նախագահ Դավիթ Անանյանը համակարգ է վերադարձնում երբեմնի կոռուպցիոներներին և նշանակում «յուղոտ» պաշտոնների։
Գրել էինք, որ ՊԵԿ նախագահը Կենտրոնի հարկային տեսչության նախկին պետ Կարեն Կարապետյանին համակարգ է վերադարձրել՝ նշանակելով ՊԵԿ օպերատիվ հետախուզության վարչության պետ։ Կարեն Կարապետյանը, որը ոստիկանապետ Վալերի Օսիպյանի քավորն է, երբեմնի ամենակոռումպացված մարդկանցից է։
Աշխատակիցների խոսքերով՝ նա Կենտրոնի հարկային տեսչության պետ եղած ժամանակ եղել է ժամով ռեկետ հավաքող։ Այս հանգամանքը, սակայն, Դավիթ Անանյանին չէր կաշկանդել և վերջինս, «գնահատելով Կարեն Կարապետյանի բարձր պրոֆեսիոնալիզմը, նրան իր մոտ աշխատանքի էր հրավիրել»։
«Առաջին լրատվական»-ի տեղեկություններով, սակայն, պրոֆեսիոնալ Կարեն Կարապետյանը նշանակումից կարճ ժամանակ անց հայտնվել է կոռուպցիոն սկանդալի կենտրոնում։ Մեր տեղեկություններով՝ այս պահին նրա լիազորությունները կասեցված են և նյութեր են նախապատրաստվում։
Չի բացառվում, որ շուտով քրեական գործ կհարուցվի նրա մասով։
Մեզ հասած տեղեկություններով՝ Կարեն Կարապետյանը, օգտվելով իր զբաղեցրած պաշտոնից, իրեն պատկանող ընկերության՝ «Պլենիում» ՍՊԸ-ի համար արտոնյալ պայմաններ է ստեղծել՝ մրցակից ընկերություններին դուրս մղելով շուկայից։
Մասնավորապես անհարկի ստուգումներ է իրականացրել մրցակից ընկերություններում, տուգանել է, անհավասար պայմաններ է ստեղծել նրանց գործունեության համար՝ հայտարարելով, որ «էս երկրում ինքն է որոշում՝ ում ստուգի, ում՝ ոչ»։
Այս ամենից բացի, մեր ունեցած տեղեկություններով՝ Կարեն Կարապետյանը անցնում է նաև կաշառքի դրվագով։
Նշենք որ, Կարեն Կարապետյանը, բացի ոստիկանապետ Վալերի Օսիպյանի քավորը լինելուց, համարվում է նաև ռուսաստանաբնակ մեծահարուստ Արմեն Գինոսյանի հովանավորյալը։ Գինոսյանը ևս հայտնի է իր հակաօրինական գործունեությամբ, մասնավորապես, Ռուսաստանից բերված իր «կեղտոտ» փողերը Հայաստանում «լվանալով»։
Կարեն Կարապետյանը, հիշեցնենք, մեծ սեր ունի ալկոհոլի հետ, սիրում է խմել և սկանդալներ հրահրել։ Մի քանի տարի առաջ նա խմել և «Շառլոտ» ակումբում ծեծկռտուք էր հրահրել, որից հետո ՊԵԿ պաշտոնյան ոչ հարիր պահվածքի համար հեռացվել էր համակարգից, որին, սակայն, չէր հաջորդել քրեական պատասխանատվությունը, և ծեծկռտուքը մնացել էր առանց իրավական գնահատականի։
Թերևս այս անգամ Կարապետյանին դժվար հաջողվի շրջանցել օրենքը և խուսափել պատասխանատվությունից։
Ի դեպ, Կարեն Կարապետյանը նախօրեին լրատվամիջոցներից մեկին հարցազրույց էր տվել և հայտարարել, որ շատ շնորհակալ է վարչապետին, քանի որ նրա նշանակումից հետո բոլորի շունչը բացվել է։
Լուսանկարը՝ Photolure-ի
Экологическая «революция» в Сюнике: как удалось избавить деревни от заботы о дровах? «Паст»
Газ подорожает, а сельхозпродукция станет дороже золота. «Паст»
Летняя жара, Ереван без воды и «священная» ценность рукопожатия с Макроном. Катастрофические провалы...
Вопрос об аресте Чалабяна дошел до Европейского парламента: «Паст»
Молдавские уроки: почему правительство Армении не уходит? «Паст»
Почему стало модно «отчитывать» оппозицию, и чего на самом деле ожидает общество? «Паст»
Генрих Мхитарян продлит свой контракт с «Интером» до 2027 года
Нет мандата, «выданного народом»: «Паст»
Размик Марукян стал обладателем бронзовой медали XV Международного конкурса артистов балета
Боррель: расширение функций ЕК привело к полному хаосу во внешней политике ЕС
