Լրատվականների հերթական ապատեղեկատվությունը հերքվեց. Գրիգոր Գրիգորյանը խոշտանգման չի ենթարկվել

Սարիբեկ Սարուխանյանը ֆեյսբուքյան իր էջում գրում է.

Որոշ լրատվականներ, ՀԱՕԿ նախագահի օգնական Էդուարդ Բաբայանի անվան շուրջ արհեսատականորեն թեման թեժացնելու նպատակով, անցել են թույլատրելիի սահմանն ու բացահայտ ապատեղեկատվություն են տարածում: Մասնավորապես դրանցից մեկում ասվում է, թե իբր նախկին ԲՀԿ-ական Գրիգոր Գրիգորյանը (Շերիֆ) կուսակցությունից հեռացել է Բաբայանի խոշտանգումների արդյունքում: Դժվար չէր, անգամ րոպեների հարց և մեկ այլ լրատվական պարզաբանում խնդրեց Գրիգորյանից, ով էլ ասել է թե. «Մատից ծծած և հիմար լուրեր են: ես կուսակցությունից հեռացել եմ առողջական խնդիրների պատճառով: Էդուարդ Բաբայանի հետ շփվելու ընթացքում, ես բացի ջան-ից այլ բան չեմ լսել, իսկ Ծառուկյանի հետ մենք ընկերներ ենք, լավ բարեկամներ և անգամ լեզվակռիվ չէր կարող լինել մեր մեջ: Ինձ չճանաչող մարդը միայն կարող էր նման անհեթեթ բան գրել»:

Այս ամենից հետո արդեն իսկ պարզ է դառնում, որ կա հստակ ցուցում, պատվեր որոշ լրատվականներին, արհեստականորեն շահարկել Բաբայւանի անունը և փորձել հանրային տրամադրություններն ուղղել նրա դեմ: Սակայն ինչպե՞ս են պատկերացնում այդ ստոր գործընթացն իրականություն դարձնել, եթե բացի ստերից ու կեղծիքից այլ կոմպրոմատ չկա ներկայացնելու համար: Արդյունքում Բաբայանի անունը շահարկել ցանկացողները զավեշտալի իրավիճակում են հայտնվում ամեն անգամ, երբ րոպեական պարզվում է, որ նրանք ապատեղեկատվություն են տարածում:

Խորհուրդ ենք տալիս զերծ մնալ նման արատավոր գործելաոճից, չի կարելի անտեղի մարդու անունը վարկաբեկել, հակառակ դեպքում նույն վարկաբեկվողի տեղը կհայտնվեք Դուք, սակայն արդեն իսկ հիմնավոր մեղադրանքների առկայության պարագայում: Մ՛ի արեք: