Իշխանական լծակների կիրառո՞ւմ և շանտա՞ժ արտահերթ ընտրություններից առաջ
Սյունե Խանդիլյանը ֆեյսբուքյան իր էջում գրում է.
Ինչ խոսք ողջունելի է, որ նոր կառավարությունը արտահերթ ընտրություններին ընդառաջ ցանկանում է բացառել ընտրակաշառքի կամ կեղծարարության ռիսկերը։ Սակայն պետք է ցավով արձանագրենք, որ այդ առիթով տարվող աշխատանքներն ընթանում են բոլորովին սխալ ուղղությամբ, ինչպես նաև աբսուրդային է այն հանգամանքը, որ հավասար մրցակցային պայմանների քարոզչությամբ զբաղվող մեր կառավարությունը օրինագծերի քողի տակ փորձում է հարված հասցնել իր ապագա մրցակիցներին ու նրանց շանսերը նվազցենել։
Խոսքն այստեղ վերաբերում է «Բարեգործության մասին» օրենքի՝ Կառավարության կողմից շրջանառության մեջ դնելուն, որը ենթադրում որոշակի սահմանափակումներ ոլորտում։ Այս օրինագիծի ենթանպատակները քողազերծելիս սկսում է երևալ ընտրություններից առաջ ապագա մրցակիցներին «թուլացնելու» հետին միտումները։ Եվ այս կոնտեքստում բոլորին է պարզ, որ սլաքներն ուղղվում են առաջին հերթին ԲՀԿ առաջնորդ Գագիկ Ծառուկյանի դեմ, որովհետև Հայաստանում իրականացվող բարեգործական ծրագրերի հիմնական մասը հենց նա է իրականացնում, և որովհետև առաջիկա ընտրություններում մեծամասնություն դառնալու շանսեր նրա գլխավորած քաղաքական ուժը ևս ունի։
Որաշակի անտեղյակ պաշտոնյաներ կամ ուղղակի օրինագծի շրջանառության համար արդարացումներ փնտրողները փորձում են բարեգործության համար ամենավատ հոմանիշը գտնել՝ ընտրակաշառք կոչելով իրականացված մարդասիրական օժանդակությունը։Ինչը ոչ միայն անտրամաբանական է այլև անընդունելի է։ Հետևաբար պետք է այսօրինակ անտեղյակների համար մի քանի նկատառումներ անենք։
Ասվածը գուցե տեղին է այն բարեգործական հիմնադրամների դեպքում, ովքեր ծլում են ընտրություններից առաջ և իրենց էսպես ասած բարեգործական ծրագրերը սկսւմ և ավարտում են հենց ընտրությունների նախաշեմին։ Բայց կարծում եմ դժվար չէ տարբերակել նմսանտիպ հիմնադրամներին տասնամյակներ շարունակ ամենատարբեր ոլորտներում պարբերաբար բարեգործական ծրագրեր իրականացնող հիմնադրամների հետ։
Եվ այսպես՝ Գագիկ Ծառուկյանը բարեգործությամբ զբաղվում է շարունակական ու համակարգված ձևով, ու ոչ մի նշանակություն չունի առջևում ընտրություններ են, թե` ոչ։ Եթե միայն դիտարկենք ամբողջ 2017 թվականը, երբ հաջորդ ընտրություններին դեռ հինգ տարի կար, հիմնադրամը ամենաակտիվ կերպով իրականացնում է ֆինանսական աջակցության ծրագրեր, մշակութային գործիչներին ու ստեղծագործական խմբերին ցուցաբերվում էր օժանդակություն, ինչպես նաև հազարավոր ուսանողներ աջակցություն էին ստանում վարձերի վճարման հարցում և ապահովվում անվճար տրանսպորտային միջոցներով։
Միթե տարին 12 ամիս ընտրություններ են։ Բնականաբար ոչ։ Հեռու չգնանք ու վկայակոչենք ոչ վաղ անցյալը՝ հեղափոխությունից առաջ, երբ դեռ ոչ ոք չգիտեր, որ Հայաստանում հնարավոր է լինի իշխանափոխություն, որը կբերի արտահերթ ընտրությունների։ Հեղափոխությանը նախորդող ամիսներին նույնպես բուռն թափով աշխատել է հիմնադրամը, ի վերջո կան արձանագրված փաստեր, որոնք հասանելի են հիմնադրամի ֆեյսբուքյան էջում։ էլ չենք խոսում մարզաշխարհի, դրա կայացման ու հզորացման գործում Ծառուկյանի ունեցած անուրանալի ավանդի մասին, փաստ, որը ոչնչացնում է նրա կողմից իրականացվող բարեգործությունները քաղաքականության հետ կապող բոլոր խոսակցությունները։
Իսկ ի՞նչ կասեն ընտրակաշառք բառը բարեգործության հետ նույնացնողները այն մասին, որ Գագիկ Ծառուկյանը և Ծառուկյան ընտանիքը բարեգործությունն լայն թափով իրականացնում էիր հատկապես այն ժամանակ, երբ Գագիկ Ծառուկյանը քաղաքականությունից դուրս էր եկել։Թերևս ոչինչ։
Հետևաբար կարող ենք եզրակացնել, որ սա համարվում է իշխանական լծակների կիրառում և ինչու ոչ՝ նաև շանտաժ արտահերթ ընտրություններից առաջ, մի բան, որ հարիր չէ նոր Հայաստանի գաղափարախոսությանը։
Экологическая «революция» в Сюнике: как удалось избавить деревни от заботы о дровах? «Паст»
Газ подорожает, а сельхозпродукция станет дороже золота. «Паст»
Летняя жара, Ереван без воды и «священная» ценность рукопожатия с Макроном. Катастрофические провалы...
Вопрос об аресте Чалабяна дошел до Европейского парламента: «Паст»
Молдавские уроки: почему правительство Армении не уходит? «Паст»
Почему стало модно «отчитывать» оппозицию, и чего на самом деле ожидает общество? «Паст»
Генрих Мхитарян продлит свой контракт с «Интером» до 2027 года
Нет мандата, «выданного народом»: «Паст»
Размик Марукян стал обладателем бронзовой медали XV Международного конкурса артистов балета
Боррель: расширение функций ЕК привело к полному хаосу во внешней политике ЕС
