Առաջին շոշափելի փոփոխությունները նոր կառավարության կողմից

Արման Եսայանը ֆեյսբուքյան իր էջում գրում է.

Հեղափոխութոյւնը ենթադրում է, որ երկիրը պետք է գնա բարեփոխումների ճանապարով։ Նոր կառավարություն, նոր հեռանկարներ ու հասարակության լիահույս սպասում, որոնց արդարացման համար ամեն ջանք ու եռանդ պետք է գործադրել, հակառակն ուղղակի անընդունելի է։

Իսկ այդ փոփխությունները քաղաքացին պետք է անմիջապես զգա իր առօրյայում, իր կենսագործունեության մեջ։ Այս տեսանկյուից ուշագրավ է օրեր առաջ տեղի ունեցած Կառավարության նիստը, որի ժամանակ առաջին լավ լուրը հայտնեց Էներգետիկ ենթակառուցվածքների և բնական պաշարների նախարար Արթուր Գրիգորյանը։ Պաշտոնում նշանակվելուց կարճ ժամանակ հետո, ուսումնասիրությունների և բանակցությունների արդյունքում, նախարարին հաջողվել է Էլեկտրաէներգիայի սակագինը 120-130 հազար սոցիալապես անապահով ընտանիքների համար 10 դրամով իջեցնելու որոշման հասնել:

Սա իհարկե դեռ սկիզբն է ու նման փոփոխության այսքան շուտ հասնելը լուրջ աշխատանքի հետևանք է, քանի որ Մեծամորի ատոմակայանը բավականին երկար ժամանակ չի աշխատում, ինչը թույլ չի տալիս ավելի անկաշխանդ գործել ու ավելի մեծ թվով շահառուների ներգրավումը չափազանց ռիսկային է։ Հետևաբար փոփոխության հիմքում նվիրված ու եռանդուն աշխատանքն է, և այսօր ունենք արդեն առաջին շոշափելի ձեռքբերումը ու հենց ամենից խոցելի՝ անապահով խավի համար։ Այս հանգամանքն էլ իր հերթին թույլ է տալիս փաստելու, որ ճիշտ տեղից է նախարարը սկսել աշխատանքը։

Սա նշանակում է, որ նախարարություններում պատահական մարդիկ չեն հայտնվել ու առաջին դրական լուրը հենց ԲՀԿ քվոտայով նշանակված նախարարության գործունեության արդյունքում եղավ։ Ինչն, անշուշտ, եղավ ԲՀԿ առաջնորդ Գագիկ Ծառուկյանի ճիշտ կադրեր ընտրելու արդյունքում, ով ունի հետևողական վերաբերմունք ու մոտեցում այն բոլոր ոլորտնրին, որոնք վստահված են իր կուսակցությանը։ Սա հիմք է տալիս վստահաբար ասելու, որ շուտով նույն արդյունքները կտեսնենք նաև մնացյալ նախարարություններից, մարզերից և առհասարակ քայլ առ քայլ կմոտենանք մեր երազած հայրենիքի իրական դառնալուն։