ՖՈՏՈ. Ովքեր են նոր նշանակված նախարարները

Արդեն հայտնել էինք, որ ՀՀ նախագահ Արմեն Սարգսյանի հրամանագրերով երեկ մի քանի նախարարներ են նշանակվել: Այժմ կներկայացնենք տեղեկություններ նրանց մասին:

Արդարադատության նախարար նշանակված Արտակ Զեյնալյանը ՀՀ ԱԺ վեցերորդ գումարման խորհրդարանի պատգամավոր է, «Հանրապետություն» կուսակցությունից: Ծնվել է 1969թ Երևանում։ 2001թ «Հանրապետություն» կուսակցության հիմնադիր անդամ է, Քաղաքական խորհրդի անդամ, կենտրոնական գրասենյակի աշխատակազմի ղեկավարը: 1990-1997թթ կամավոր մասնակցել է Հայաստանի և Արցախի սահմանների պաշտպանությանը՝ Նիկոլ-Դուման երկրապահ կամավորական ջոկատի կազմում, 1992թ վիրավորվել է՝ կորցրել է ոտքը:

1998-2001թթ աշխատել է ՀՀ առողջապահության նախարարի տեղակալ. 2000-2001թթ ղեկավարել է «Ժողովրդագրական-Առողջապահական Հետազոտություն» ծրագիրը` իրականացվող ՀՀ առողջապահության նախարարության և ԱՄՆ «MAKRO internacional inc.» կազմակերպության հետ համատեղ 2001թ «Տանիք» իրավապաշտպան հասարակական կազմակերպության ու «Մարդու իրավունքների և հիմնարար ազատությունների պաշտպանության հասարակական խորհրդի» անդամ է: 2003թ «Իրավաբաններն ընդդեմ խոշտանգման» իրավապաշտման հասարակական կազմակերպության անդամ է: 2004թ ԱՄՆ Պետ դեպարտամենտի «Միջազգային այցելուների» ծրագրի շրջանակներում մասնակցել է ԱՄՆ Նախագահական ընտրարշավին.

2010թ նշանակվել է Հայաստանի Հանրապետության փաստաբանների պալատի Գիտավերլուծական կենտրոնի Սահմանադրական արդարադատության հարցերի հանձնաժողովի նախագահ: 2010թ դասավանդում է՝ Փաստաբանների դպրոցում և Փաստաբանների պալատում: 2011թ «Իրավունքի գերակայություն» իրավապաշտման հասարակական կազմակերպության հիմնադիր/նախագահ: 2015թ մի շարք ճանաչված և հեղինակավոր իրավապաշտպանների կողմից հիմնադրված «Արդարություն խմբի» անդամ: 2016թ «Ադրբեջանի Հանրապետության կողմից ռազմական միջամտության հետևանքով Արցախի և Հայաստանի քաղաքացիների իրավունքների պաշտպանություն» ծրագրի համակարգող է:

Սպորտի և երիտասարդության հարցերի նախարար է նշանակվել Լևոն Վահրադյանը: Նա մինչ այդ զբաղեցնում էր նույն նախարարության Մասսայական սպորտի և ֆիզիկական դաստիարակության քաղաքականության վարչության պետի պաշտոնը:

Արթուր Գրիգորյանը նշանակվել է Էներգետիկ ենթակառուցվածքների եւ բնական պաշարների նախարար: 1987-1989 թթ. – ծառայել է Խորհրդային բանակում: 1992-1999 թթ. – Հրազդանի շրջանային ժողովրդական դատարանի դատական տեսուչ, այնուհետև՝ գրասենյակի պետ։ 1999-2007 թթ. – ՀՀ արդարադատության նախարարության դատական ակտերի հարկադիր կատարումն ապահովող ծառայության Կոտայքի մարզային բաժնի պետ։ 2007-2008 թթ. – ՀՀ վերահսկիչ պալատի իրավաբանկան վարչության բաժնի պետ, ապա՝ երրորդ վարչության պետի տեղակալ։ 2008-2010 թթ. – ՀՀ վերահսկիչ պալատի ութերորդ վարչության պետ։ 2010 թ. հունիսի 28-ին ՀՀ Նախագահի հրամանգրով նշանակվել է ՀՀ աշխատանքի և սոցիալական հարցերի նախարար[1]՝ պաշտոնավարելով մինչև 2012 թ. հունիսի 16-ը։ 2006 թվականից ԲՀԿ անդամ է, ԲՀԿ քաղաքական խորհրդի անդամ։

Սպորտի և երիտասարդության նախկին նախարար Հրաչյա Ռոստոմյանը նշանակվեց արտակարգ իրավիճակների նախարար: 2006 թ. մարտի 12-ից՝ ՀՀ բասկետբոլի ֆեդերացիայի նախագահ։ 2010 թվականից – ՀԱՕԿ-ի գլխավոր քարտուղար։ 2012 թ. հունիսի 16-ին ՀՀ Նախագահի հրամանգրով նշանակվել է ՀՀ սպորտի և երիտասարդության հարցերի նախարար։ 2016 թ. սեպտեմբերի 27-ին ՀՀ Նախագահի հրամանգրով նշանակվել է ՀՀ սպորտի և երիտասարդության հարցերի նախարար:

ԱԺ պատգամավոր Մանե Թանդիլյանը նշանակվել է աշխատանքի և սոցիալական հարցերի նախարար: 2003 – 2004 թվականներին աշխատել է «Գառնի Ինվեստմենթ ընդ Դիվելոփմենթ» ՓԲԸ-ում, որպես ֆինանսական վերլուծաբան։ 2004 թվականին եղել է հաշվապահ «Արարատ Գոլդ Ռիքավորի Քոմփանի» ՍՊԸ-ում։ 2004 – 2006 թվականներին աշխատել է «Հովնանյան Ինտերնեյշնլ» ՍՊԸ-ում որպես գլխավոր հաշվապահ, 2006 – 2008 թվականներին նույն պաշտոնը ստանձնել է տեղեկատվական տեխնոլոգիաների ոլորտի «Մենթոր Գրաֆիկս Դիվելոփմենթ Սերվիսիս» ՓԲԸ-ում։ 2009 թվականից մինչ այժմ աշխատում է «Սինոփսիս Արմենիա» ՓԲԸ-ում որպես ֆինանսական տնօրենի տեղակալ, գլխավոր հաշվապահ։ 2015 թվականի դեկտեմբերի 15-ից «Լուսավոր Հայաստան» կուսակցության անդամ է։ Նույն թվականի դեկտեմբերի 21-ին ընտրվել է կուսակցության խորհրդի քարտուղար։ 2017 թվականին «Ելք» դաշինքի ցուցակով ընտրվել է ՀՀ 6-րդ գումարման Ազգային ժողովի պատգամավոր։ Եղել է այդ ընտրություններում ռեյտինգային ընտրակարգով ընտրված միակ կին պատգամավորը։

Արթուր Խաչատրյանը նշանակվեց Գյուղատնտեսության նախարար: Նա մինչ այս զբաղեցնում էր Շիրակի մարզպետի պաշտոնը, որից առաջ էլ՝ Տարածքային կառավարման և զարգացման նախարարի տեղակալի պաշտոնը:

Արսեն Թորոսյանը նշանակվել է առողջապահության նախարար: Նա Կենսաբանական համակարգերի բժշկա-ախտորոշիչ կենտրոնի հիմնադիրն է:

Գլխավոր գանձապետ Ատոմ Ջանջուղազյանը նշանակվեց ՀՀ ֆինանսների նախարար: 1999-2000թթ.-ՀՀ ֆինանսների նախարարություն` նախարարի տեղակալ-գլխավոր գանձապետ: 2000-2008թթ.- ՀՀ ֆինանսների և էկոնոմիկայի նախարարություն` նախարարի տեղակալ-գլխավոր գանձապետ: 2007-2009թթ.- Հայաստանի պետական տնտեսագիտական համալսարան` ֆինանսների և վարկի ամբիոնում ասիստենտ: 2007-2011թթ.- ՀՀ պետական կառավարման ակադեմիա` հանրային կառավարման և հանրային ֆինանսների ամբիոնի դասախոս: 2008-2016թթ.- ՀՀ ֆինանսների նախարարություն` նախարարի տեղակալ-գլխավոր գանձապետ : 2016 հոկտեմբերից՝ ՀՀ ֆինանսների նախարարություն՝ նախարարի առաջին տեղակալ:

Զոհրաբ Մնացականյանը նշանակվեց ՀՀ արտաքին գործերի նախարար: 2008-2011թթ. – Եվրոպայի Խորհրդում ՀՀ մշտական ներկայացուցիչ, դեսպան, Ստրասբուրգ, Ֆրանսիա : 2011-2014թթ. – Արտաքին գործերի նախարարի տեղակալ, Հայաստանի և Եվրամիության միջև Ասոցացման պայմանագրի գլխավոր բանակցող, Երևան, Հայաստանի Հանրապետություն: 2014 թվականից Միավորված ազգերի կազմակերպությունում Հայաստանի Հանրապետության մշտական ներկայացուցիչ, դեսպան, Նյու Յորք, ԱՄՆ: Դիվանագիտական աստիճանը՝ Արտակարգ եւ լիազոր դեսպան:

Բնապահպանության նախարար է նշանակվել Էրիկ Գրիգորյանը: Նա բնապահպանության նախարարի առաջին տեղակալն էր և այդ պաշտոնը զբաղեցնում էր 2017 թվականի մայիսի 31-ից: 2009-2011թթ._ՀՀ բնապահպանության նախարարության էկոնոմիկայի վարչության միջազգային ծրագրերի կառավարման բաժնի պետ,

2009թ._ՀՀ բնապահպանության նախարարության էկոնոմիկայի վարչության շրջակա միջավայրի կառավարման տնտեսական մեխանիզմների և գործիքների բաժնի գլխավոր մասնագետ, 2002-2009թթ._ՀՀ բնապահպանության նախարարության բնապահպանության և բնօգտագործման էկոնոմիկայի բաժնի առաջատար մասնագետ:

Բնապահպանության նախկին նախարար Արծվիկ Մինասյանը նշանակվել է ՀՀ տնտեսական զարգացման և ներդրումների նախարար: Մինչ այդ ՀՅԴ քվոտայով եղել է ՀՀ ԱԺ հինգերորդ գումարման խորհրդարանի պատգամավոր:

Իսկ Մշակույթի նախարար է նշանակվել Լիլիթ Մակունցը:

Աղբյուրը` Armlur.am