Բոլորս առաջ դեպի... հանրապետական Հայաստան. «Փաստ»
«Փաստ» օրաթերթը գրում է.
Կարող ենք հանգիստ շունչ քաշել` քանի մարդ էլ ՀՀԿ–ից դուրս գա, միևնույնն է, ՀՀԿ–ն անսասան սար է, լեռ է… Մի խոսքով, ՀՀԿ–ն կա ու կլինի անհաս գագաթը մեր քաղաքականության:
Երեկ մի քանի կարկառուն ՀՀԿ–ական վերջ դրեցին այն մտահոգություններին, թե ՀՀԿ–ի շարքերը կարող են նոսրանալ, թե այն կարող է թուլանալ: Պարզվում է` օրական 100 մարդ դառնում է հանրապետական: Պատկերացնո՞ւմ եք` հարյուր մարդ: Ընդ որում՝ դա ոչ թե պայմանավորված է նախընտրական գործընթացներով, այլ շարունակական պրոցես է: Ասել կուզի` օրական հարյուր մարդ քնից արթնանում է ու մտածում` ինչպե՞ս մինչև հիմա չեմ անսացել սրտիս կանչին ու չեմ դարձել հանրապետական` դեպի երկի՛նք գնամ հիմի, դեպի եզերքը Ամենտի –
Իմ բա՛րձր, հին ու աստղային երազների ճանապարհով… Ու հասնում է Մելիք–Ադամյան, 7:
Մեկ այլ տարբերակ էլ կա: Այս օրերին պետական հիմնարկների, մանկապարտեզների, դպրոցների աշխատողները լծված են մի շատ կարևոր գործի: Յուրաքանչյուրը իր վերադասին պետք է ներկայացնի 10–15 հոգուց բաղկացած ցուցակ, ովքեր ընտրելու են այս կամ այն ՀՀԿ–ական թեկնածուին: Ընդ որում՝ ցուցակում գրվում է անուն, ազգանունը, նաև անձնագրի համարը: Դե, երևի ձեռքի հետ էլ երկու հատ լուսանկար կուզեն, ու հետո… անակնկա՜լ` դուք շահել եք ՀՀԿ–ի անդամատոմս:
…Ու ահա, քաղաքական հարթավայրի, իսկ գուցե տափաստանի մշուշներում վեր է հառնում մի հսկա, անունը` ՀՀԿ, հայացքն ուղղված դեպի ապահով Հայաստան:
Կեցցե՛ այն Հայաստանը, որ հանրապետական է դառնալու:
Հ.Գ. …Ոչ թե որովհետև այժմ պատերազմ կա ու կռիվ, ոչ թե որովհետև այժմ ճակատամարտ կա ու կենսապայքար, այլ որովհետև կա բան մը ավելի ճակատագրական, ավելի աններող, կա բան մը ավելի ահեղ, անդիմադրելի, որ իր անունը կոռնա բոլոր քառուղիներեն. նահանջն է ան: …Կնահանջեն ծնողք, որդի, քեռի, փեսա, կնահանջեն բարք, ըմբռնում, բարոյական, սեր: Եվ մենք դեռ կնահանջենք բանիվ և գործով, կամա և ակամա, գիտությամբ և անգիտությամբ. մեղա՜, մեղա՜ Արարատին (Շ. Շահնուր):
Շարունակությունը` «Փաստ» օրաթերթի այսօրվա համարում:
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
