Միքայել Մելքումյան. «Մինչև մայիսի 1-ը պետք է ձևավորվի ապագայի քայլերի հաջորդականության հստակ կոնսենսուս»
Այսօր, Ազգային ժողովում լրագրողների հետ զրույցում «Ծառուկյան» խմբակցության քարտուղար Վահե Էնֆիաջյանը տեսակետ է հայտնել, որ Գագիկ Ծառուկյանը լինելով «Բարգավաճ Հայաստան» կուսակցության առաջնորդը և «Ծառուկյան» խմբակցության ղեկավարը լավ ծանոթ է մեր երկրի տնտեսական, սոցիալական խնդիրներին և, բնականաբար, վարչապետի շատ լավ թեկնածու է:
Նա ևս մեկ անգամ նշել է, որ «Ծառուկյան» խմբակցությունը և ԲՀԿ-ն միացել են համաժողովրդական շարժմանը, և կուսակցության Գյումրու տարածքային կառույցի ներկայացուցիչներն այսօրվա ընդվզմանը մասնակցել են:
Աժ փոխնախագահ Միքայել Մելքումյանը Past.am-ի հետ զրույցում անդրադառնալով Վահե Էմֆիաջյանի արտահայտած տեսակետին նշեց, որ «Ծառուկյան» դաշինքի համաժողովրդական շարժմանը միանալը ենթադրում է, որ շարժմանը միացած բոլոր ուժերի միջև պետք է համաժողովրդական կոնսեսնուս ձևավորվի:
«Բանակցությունների ընթացքում, մինչև մայիսի 1-ը, պետք է ձևավորվի ապագայի քայլերի հաջորդականության մասին հստակ կոնսենսուս: Ինչ վերաբերում է Էնֆիաջյանի կողմից արտահայտած մտքին, ապա նա նկատի ունի, որ «Ծառուկյան» դաշինքն ունի հստակ ծրագիր և Գագիկ Ծառուկյանը, այո՛, անհրաժեշտության դեպքում, կարող է լինել նաև մեր թեկնածուն: Եվ թեկնածուի մասին հարցը ոչ միայն անձին է վերաբերում, այլ մեր ծրագերին, քանի որ կյանքը ցույց է տվել որ դրանք բավականին կոնսունակ են: Այնպես որ, իմ կարծիքով, այն բանակցությունները, որոնք տեղի են ունեցել, պետք է նաև քաղաքական երաշխիքներ ապահովեն ապագայի շուրջ: Եվ այդ մասին ոչ թե պետք է մայիսի 1-ից հետո խոսել, այլ նոր կառավարության ձևավորումից առաջ»,- ասաց Մ. Մելքումյանը:
ԱԺ փոխնախագահը նշեց նաև, որ եթե նման երաշխիքներ չլինեն, չի բացառվում, որ «Ծառուկյան» դաշինքը հանդես գա իր սեփական թեկնածուով: Պատասխանելով հարցին, թե արդյո՞ք Գագիկ Ծառուկյանը համաձայն է վարչապետի պաշտոնում իր թեկնածությունն առաջադրելու առաջարկին, ԱԺ փոխնախագահը պատասխանեց. «Անձամբ ես այդ հարցը չեմ քննարկել Գագիկ Ծառուկյանի հետ և չեմ կարող ասել, թե նա ինչ կարծիք ունի այս առնչությամբ: Եկեք չշտապենք, քանի որ վաղը Գագիկ Ծառուկյանը հանդես կգա հայտարարությամբ և կպատասխանի հանրությանը հուզող բոլոր հարցերին»:
Արմինե Գրիգորյան
«Лакмусовая бумажка» для оппозиционного поля и избирателей: «Паст»
Только стыд и позор из-за властей: «Паст»
Освещения мероприятия блока «Армения» набрали около 15 миллионов просмотров: «Паст»
Фонд развития «Керон» и фонд «Музыка во имя будущего» сотрудничают во имя молодых талантов
Сюникцы обеспокоены: ситуацией вокруг Ирана могут воспользоваться враждебные силы, создавая риски че...
Наапетян: выборы превращаются в референдум — за «кандидата Азербайджана» или против
Кто такой Марио Науфал, которому дал интервью Нарек Карапетян? «Паст»
За два месяца девять лет восполнится? «Паст»
Угроза национальной идентичности армянского народа: «Паст»
Соответствуют ли действительности «тревожные звонки» о том, что в продуктах питания находят «камень ...
