Փշաքաղվելու աստիճան հուզիչ: Ապրիլյան պատերազմի մասնակիցների ուղերձը ՀՀԿ-ին
Այսօր մեկնարկած հակաիշխանական անհնազանդության խաղաղ գործողություններին են միացել նաև 2016 թվականի Ապրիլյան պատերազմի մասնակից տղաները: Ֆրանսիայի հրապարակում հավաքված տղաները երթով շարժվեցին նախ՝ Հանրապետության հրապարակ, ապա Մաշտոցի պողոտայով միաձայն երգելով շարունակեցին իրենց երթը:
«Դիրքապահ» Քառօրյա պատերազմի մասնակիցների միավորում ՀԿ-ի նախագահ Մանուել Մանուկյանը «ՀԺ»-ի հետ զրույցում ասաց, որ իրենց նպատակն է՝ կանգնել ժողովրդի կողքին, հատկապես լինել այն հատվածներում, որտեղ ոստիկանները ճնշում կգործադրեն մարդկանց վրա:
«Այստեղ ներկա են միայն քառօրյայի մասնակիցներ, եւ մենք ուզում ենք նայել այն ոստիկանների աչքերին, որոնք մեր քաղաքացու, մեր ժողովրդի վրա ձեռք են բարձրացնում: Մենք դեմ ենք Հանրապետական կուսակցությանը»,- ասաց Մանուել Մանուկյանը: Վերջինս ասաց, որ «Դիրքապահ» Քառօրյա պատերազմի մասնակիցների միավորումը նախորդ օրը հանդիպում էր խնդրել ՀՀԿ-ականներից որևէ մեկի հետ, սակայն իրենց ոչ ոք չի ընդունել: Հանդիպել են միայն ԵԼՔ-ի հետ:
«Եթե իրենք այսպիսի վերաբերմունք են ցուցաբերում Ապրիլյան պատերազմի հարյուրից ավելի մասնակիցների նկատմամբ, ապա պատկերացնում ենք, թե ինչ վերաբերմունք ցույց կտան հասարակ ժողովրդին ու շարքային մարդուն»,- ասաց նա: Ապրիլյանի մասնակիցները երթով շարժվելու են ՀՀ կառավարություն եւ հանդիպում են պահանջելու Կարեն Կարապետյանի հետ:
«Մենք նրա հետ հանդիպում ենք պահանջում, քանի որ վտանգավոր է նման իրավիճակի շարունակականությունը, իսկ այսօրվա ցույցը նորից տեղի է ունենում Կարեն Կարապետյանի պատճառով»,-ասաց Մանուել Մանուկյանը:
Այսօրվա հանրահավաքին ներկա Ապրիլյան պատերազմի մասնակից տղաներից գրեթե բոլորը Երևանի տարբեր համալսարաններում սովորող ուսանողներ են: ԵՊԲՀ-ի ուսանող Թադևոս Ծփնեցյանը «ՀԺ»-ի հետ զրույցում ասաց, որ առաջին օրվանից շարժման մասնակից է. «Մենք դեմ ենք բռնությանը, մեր հիմնական նպատակն այսօր ժողովրդի պաշտպանությունն է, ինչպես արել ենք արդեն երկու տարի առաջ»:
Լուսանկարում՝ Ապրիլյանի մասնակից Թադեւոս Ծփենցյանը
Արցախում ծառայած Էդուարդ Սողոմոնյանն ասաց. «Հանրապետականը շատ դժվար է հասկանում կա՛մ չի հասկանում, որ մենք անձ չենք մերժում, մենք համակարգ ենք մերժում»: Էդուարդ Սողոմոնյանի խոսքով՝ Հայաստանի վարչապետ տեսնում են նրան՝ ում կընտրի ժողովուրդը: «Ամենագլխավոր նպատակն է, որ այս երկրում հաստատվի իրավական մթնոլորտ, իրավունքի գերակայություն լինի բոլորի համար»,- ասաց Էդուարդ Սողոմոնյանը:
Վերջինիս խոսքով՝ իրենց հիմնական նպատակն է՝ խաղաղ, բաց ձեռքերով ցույց տալ իրենց ուժը. «Իշխանությունն իր ուժը կորցնում է այն դեպքում, երբ ժողովուրդը ցույց է տալիս, որ բռնություն չի գործադրում, չի սադրում, ուղղակի ասում է, որ դեմ է օլիգարխիային, անիրավությանն ու թալանին»:
Լուսանկարում՝ աջից Էդուարդ Սողոմոնյանը
Ապրիլյանի մասնակիցներից Սարգիս Նիազյանն էլ ասաց, որ եթե հանկարծ բախում լինի ցուցարարների եւ ոստիկանների միջև՝ պատրաստ են առաջինը իրենք ընդունել հարվածը. «Ոստիկաններն իրենց աշխատանքն են կատարում, բայց բռնությանը մենք դեմ ենք եւ պատրաստ ենք լինել ամենասուր տեղերում»:
Լուսանկարում՝ Սարգիս Նազարյան
Հիշեցնենք, իշխանությունն անցնցում փոխանցելու հարցի շուրջ այսօր պետք է տեղի ունենային Կարեն Կարապետյան- Նիկոլ Փաշինյան բանակցություններ: Սակայն նախապես հայտարարված հանդիպումը տեղի չունեցավ:
Մանրամասներն՝ Այստեղ
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
