Կազմակերպությունը պահանջում է քաղաքացիներին ազատությունից զրկելու փաստով քրեական գործ հարուցել. «Փաստ»
«Փաստ» օրաթերթը գրում է.
«Ընդդեմ իրավական կամայականության» հասարակական կազմակերպության տարածած հայտարարության մեջ ասվում է, որ Արաբկիրի ոստիկանական բաժնում փաստաբան Արա Ղարագյոզյանի փաստաբանական գործունեությունը խոչընդոտվում է ոստիկանության աշխատակիցների կողմից։ Ոստիկանության աշխատակիցները թույլ չեն տալիս փաստաբանին տեսակցել բերման ենթարկվածների հետ։
Հայտարարությունը տարածելուց հետո, սակայն, կազմակերպության իրավաբանը կարողացել է տեսակցել բոլոր բերման ենթարկվածների հետ: Քաղաքացիները նրան տեղեկացրել են, որ իրենց բերման ենթարկելու ընթացքում ոստիկանները կիրառել են ուժ՝ պատճառել ֆիզիկական ցավ և հայհոյել:
«Բերման ենթարկված 32 քաղաքացիներին շարունակում են պահել ոստիկանության բաժնում, չնայած այն փաստին, որ վարչական վարույթը իրականացվել է, և վերջիններս կարող են լքել ոստիկանության բաժինը։ Քաղաքացիներին, օրենքին և վերջիններիս կամքին հակառակ, դիտավորյալ են պահում ոստիկանության շենքում, որպեսզի քաղաքացիները ինչքան հնարավոր է լքեն ակցիաների մասնակիցների շարքերը»,– «Փաստ»–ի հետ զրույցում նշեց կազմակերպության փաստաբան Արա Ղարագյոզյանը:
Փաստաբանը փոխանցեց նաև, որ բերման ենթարկվածների մեջ կան անգամ մարդիկ, ովքեր մայթերին են կանգնած եղել, սակայն նրանց նույնպես բերման են ենթարկել և գործ են հարուցել:
«Այսինքն, արդեն հրաման է տրված, որ ինչքան հնարավոր է շատ մարդու զրկեն ազատությունից, որպեսզի վախի մթնոլորտ ձևավորվի»,– ասաց կազմակերպության փաստաբանը:
Նա նաև նշեց, որ ակտիվիստ Տիգրան Մազմանյանը ձերբակալված է, նրա հանդեպ քրեական գործ է հարուցվել Քրեական օրենսգրքի 225 հոդվածի հատկանիշներով՝ զանգվածային անկարգություններ հրահրելը:
Ի դեպ, նա ասաց, որ բաժնում առկա փաստաբանների հասցեին նույնպես հնչում են վիրավորական արտահայտություններ ոստիկանության աշխատակիցների կողմից: «Ընդդեմ իրավական կամայականության» հասարակական կազմակերպությունը դատապարտում է ոստիկանության անօրինական գործողությունները և կոչ անում անհապաղ ազատ արձակել քաղաքացիներին։ Կազմակերպությունը նաև կոչ է արել անհապաղ քրեական գործ հարուցել քաղաքացիներին ազատությունից ապօրինի զրկելու փաստով:
Հիշեցնենք, որ այս օրերի ընթացքում բազմաթիվ դեպքեր են արձանագրվել, որոնց ժամանակ մեքենաների վարորդները քշել են խաղաղ ցուցարարների վրա՝ վտանգելով նրանց կյանքը, սակայն ոստիկանությունը, ցուցարարների անվտանգությունն ապահովելու և մեքենաների վարորդների կողմից իրականացվող բռնությունները կանխելու փոխարեն, բերման են ենթարկում խաղաղ ցուցարարներին:
Աշխատանքային օրվա ավարտին տեղեկացանք, որ Արաբկիրի ոստիկանություն բերման ենթարկվածները բոլորն էլ ազատ են արձակվել:
Շարունակությունը՝ «Փաստ» օրաթերթի այսօրվա համարում
Следующие два месяца могут стать судьбоносными для Армении. Аршак Карапетян
При поддержке Ucom фестиваль «SunChild» объединяет кино и заботу о природе
День рождения в Италии с Юнибанком
«Житель Степанавана своим голосом покажет, что все попытки обмануть его с помощью видеозаписей обреч...
На COP17 представили книгу «Тайная тропа Овазадзора», изданную при поддержке Ucom
Ucom раскрыла роль технологий в сохранении природы на COP17
Цифровое будущее и устойчивое развитие: председатель правления IDBank в интервью Forbes
