Նաիրա Զոհրաբյան. «ԵՄ–ի հետ համաձայնագիրը կյանքի կոչելու համար իշխանությունը պետք է ջարդի սեփական ողնաշարը». «Փաստ»
«Փաստ» օրաթերթը գրում է.
Հայաստան–ԵՄ համաձայնագրի ստորագրումը իշխանությունը ներկայացնում է որպես զոհասեղանին արված մատաղ: Այս մասին ապրիլի 10–ին, ԱԺ–ում «Հայաստանի Հանրապետության` մի կողմից, Եվրոպական միության և ատոմային էներգիայի եվրոպական համայնքի ու դրանց անդամ պետությունների` մյուս կողմից, միջև համապարփակ և ընդլայնված գործընկերության» համաձայնագիրը վավերացնելու մասին» օրենքի նախագծի քննարկման ժամանակ նշեց «Ծառուկյան» խմբակցության պատգամավոր Նաիրա Զոհրաբյանը:
«Տպավորություն է, որ Հայաստան–ԵՄ համաձայնագրի ստորագրումը իշխանությունը ներկայացնում է որպես մեծ զոհաբերություն, մեծ զիջում ժողովրդին, ընդհուպ մինչև զոհասեղանին արված մատաղ կամ մեծ ողորմածություն: Ո՛չ, այդպես չէ: Որքան ԵՄ–ին է սա անհրաժեշտ, այնքան էլ Հայաստանին է անհրաժեշտ, իմիտացիաների ժամանակն ավարտված է»,– հայտարարեց նա:
«Իշխանությունը այս համաձայնագիրը կյանքի կոչելու համար պետք է գնա սեփական ողնաշարը ջարդելու ճանապարհով: Երբ ես արդեն նախորդ կառավարության ղեկավարին հարցնում էի՝ դուք պատրա՞ստ եք կտրել այն ճյուղը, որի վրա նստած եք, այդ հարցի պատասխանը չստացա:
Այս համաձայնագիրը կարող է կյանքի կոչվել, եթե իշխանությունը ջարդի իր ողնաշարը, իրական, ոչ թե իմիտացիոն պայքար մղի կոռուպցիայի դեմ, անցկացնի արդար ընտրություն, վերացնի ընտրակեղծարարությունը, տնտեսական մոնոպոլիաները, դատական համակարգի այլանդակ կաշառակերությունը, բոլոր ոլորտներում գնա լրջագույն փոփոխությունների: Պետք չէ համաձայնագրի ստորագրումը ներկայացնել որպես 21–րդ դարի հերոսամարտ և ամենահաղթական քայլը, այլ պետք է ունենալ համեստություն ասելու, որ սա նվազագույնն է, որ անում է Հայաստանի ԱԺ–ն, որովհետև ամենագլխավորը սկսելու է դրանից հետո»,– ընդգծեց «Ծառուկյան» խմբակցության պատգամավորը:
Շարունակությունը՝ «Փաստ» օրաթերթի այսօրվա համարում
Безопасное рабочее место как гарантия развития
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
Украина ударила беспилотниками по химическому заводу в Тольятти
Пошёл и «за границей» жалуется на Церковь и оппозицию: своеобразный «отчёт»: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Bloomberg: Израиль хочет построить базу в Сомалиленде
