«30 տարեկանից հետո ամենակարևորը ներդաշնակությունն է». Արևիկ Ուդումյանի նոր ֆոտոշարքն ու բլից հարցազրույցը

Հաղորդավարուհի, պրոդյուսեր Արևիկ Ուդումյանը օրերս նոր ֆոտոշարք է արել, որն առաջինը տրամադրել է Tert.am Life–ին։ Արևիկը պատասխանել է նաև մեր բլից հարցերին` պատասխաններում դնելով մի քիչ հումոր, մի քիչ զգացմունք, մի քիչ էլ մանրամասներ իր առօրյայից:)

Ամեն առավոտյան ես շատ-շատ սուրճ եմ խմում։

Մի բաժակ սուրճ խմելիս ես, անպայման, շփվում եմ տղայիս հետ, ծանոթանում նորություններին։

Կինը ոճային է, երբ ինքնավստահ է և ճաշակով։

Գեղեցիկ արտաքին տեսք ունենալը կնոջից պահանջում է առաջին հերթին ցանկություն։

Կարմիր գույնը կնոջ համար ավելի վառ և զգացմունքային լինելու հնարավորություն է։

Լուսանկարվելիս կարևորում եմ առաջին հերթին տրամադրությունը։

«Դաքֆեյսը» սելֆիի զարմուհին է:

Ես լավ տրամադրություն ունեմ, երբ երկար քնել եմ և չունեմ խանգարող մտքեր։

Տրամադրությունս կարող է փչանալ շատ դեպքերում։

Լավ սովորություն ունեմ, իմ և բոլորի հետևից անընդհատ ուզում եմ հավաքել, չեմ սիրում թափթփվածություն։

Վատ սովորություն ունեմ, իմ և բոլորի հետևից անընդհատ ուզում եմ հավաքել, չեմ սիրում թափթփվածություն։)

Նյարդայնանում եմ, երբ չեմ գտնում մեքենան կայանելու տեղ, սոված եմ, կորած իրը չեմ կարողանում գտնել, առավել ևս, երբ հավաքածս իրն եմ այնպես պահում, որ չեմ կարողանում գտնել։)

Ապրելու լավագույն կանոնը գնահատելը, ստեղծելն ու վայելելն է։

Սիրելը կիսելու արվեստ է։

30 տարեկանից հետո ամենակարևորը ներդաշնակությունն է։

Իսկական ընկերություն է, երբ հավերժ է։

Կարծրատիպերը սահմանափակումներ են։

Աշխատանքը հաճույք է։

Ես «գերազանցիկ» եմ, և դա, երբեմն, ինձ դուր չի գալիս:)

Սիրում եմ մարդկանց, որոնք դրական են և արագ։

Ես անտանելի եմ դառնում, երբ... ես երբեք անտանելի չեմ լինում :)

Արևիկի 3 բնորոշիչներն են` հեշտ եմ ժպտում, դժվար եմ հիշում մարդկանց անունները, սիրում եմ մարզվել։