Շարքային Վլադիմիր Ալիխանյան. թիրախը խոցում էր առաջին իսկ փորձից
Մեր ժամանակների հերոս Վլադիմիր Ալիխանյան. 2016 թվականի ապրիլյան քառօրյա պատերազմի մասնակից, շարքային Վլադիմիր Ալիխանյանը տանկի անձնակազմի հետ միասին մղած մարտերում ոչնչացրել է հակառակորդի 1 տանկ եւ բազմաթիվ գրոհայինների: Բայց Արցախի պաշտպանության համար մղվող այդ կռիվն անհավասար էր, եւ նա իր ընկերների հետ միասին նույնպես զոհվել է:
Ալիխանյանը տանկային անձնակազմի նշանառու օպերատոր էր: Նրա մասին պատմում են, որ զարմանալի ֆիզիկական ուժի տեր էր եւ նույնքան զարմանալի դիպուկ էր: Երիտասարդին շրջապատող մարդկանց հաճախ թվացել է, թե չկա մի ծանրություն, որը նա չկարողանա բարձրացնել եւ գոյություն չունի որեւէ նշանակետ, որը նա ի վիճակի չլինի խոցել:
«Վաշտում միակ մարդն է եղել, որ կարողացել է առաջին կրակոցով խոցել նշանակետը: Իրեն տրված խնդիրը միանգամից է կատարել»,- Վլադիմիրի մասին պատմել է ծառայակից ընկերներից մեկը:
Բանակում նա դարձել է չեմպիոն ե՛ւ որպես տանկային նշանառու, ե՛ւ որպես ծանրաքարերի մարզաձեւի վարպետ: «Ֆիզիկապես շատ ուժեղ էր, բայց սպորտով չի զբաղվել»,- որդու մասին ասել է մայրը՝ Աննա Մուկուչյանը:
Վլադիմիր Ալիխանյանը ծնվել էր 1996 թվականին՝ Տավուշի մարզի Դիլիջան քաղաքում: Բնությանն այդքան մոտ երիտասարդն, ինչպես նկարագրել են նրան ճանաչողները, բնավորությամբ հանգիստ էր, բարի, կենսուրախ, արագորեն կարողանում էր շրջապատող մարդկանց դեպի իրեն տրամադրել: Սիրում էր աշխատել ու հաճույքով ընտանիքին օգնում էր անասնապահության գործում: «Ասաց՝ որ գամ, պիտի անասունները շատացնեմ, ֆերմա սարքեմ: Իմ ֆերմայի աշխատողն էլ դու ես լինելու»,- որդու խոսքերն է վերհիշել մայրը:
9-րդ դասարանից հետո Վլադիմիր Ալիխանյանն ընդունվել է Դիլիջանի պետական քոլեջի տնտեսագիտության բաժին, իսկ արդեն ծառայության ընթացքում սկսել է մտածել զինվորականի մասնագիտություն ընտրելու ուղղությամբ: Բայց ճակատագիրը նրա համար այլ բան էր որոշել:
Վլադիմիր Ալիխանյանը հետմահու պարգեւատրվել է Հայաստանի մարտական խաչ առաջին աստիճանի շքանշանով եւ Արցախի մարտական ծառայության մեդալով:
Стартует конкурс образовательной программы «Армянские Виртуозы» фонда «Музыка во имя будущего»
Властям не нужны ни объективные наблюдатели, ни справедливые выборы։ «Паст»
Лидер партии обвинил власти в игнорировании угрозы «Западного Азербайджана»: «Прячут голову в песок»...
Новая Мишель Обама: смелый стиль, подтянутая фигура и сияющее лицо
Кому и почему мешает название «Арарат 73»? «Паст»
Что еще «откроют» перед выборами? «Паст»
За пределами политических лозунгов — вопрос экономической ориентации Армении
То, что делает Церковь, исходит только и только из интересов армянского народа и Армянской государст...
Почему Армения молча наблюдает за смертельными страданиями международного права? «Паст»
«Законодательный» «штыковый бой» властей против реальных наблюдателей: «Паст»
