Դավիթ Աղաջանյանն ու Աննա Դովլաթյանը՝ նախահարսանեկան եռուզեռում
Հայկական շոու-բիզնեսի հայտնի սիրային զույգը շուտով հանդես կգա նաև որպես հաղորդավարական զույգ: Դավիթ Աղաջանյանն ու Աննա Դովլաթյանը հեռուստադիտողներին կներկայանան «Prewedding» նոր հաղորդաշարում, որը կհեռարձակվի Շանթ» հեռուստաընկերությամբ:
Tert.am Life-ի հետ զրույցում Դավիթը մանրամասներ է պատմել նոր նախագծի մասին: «Prewedding»–ը մի քանի էջերից բաղկացած հեռուստանախագիծ է: Այն պատմում է նախահարսանեկան պատրաստությունների ողջ գործընթացի մասին և կարող է ուղեցույց լինել բոլոր նորապսակների համար: Հարսի զգեստի ընտրությունից մինչև հարսանեկան արարողության կազմակերպում, Դավիթն ու Աննան օգնելու են հասկանալ` որտեղից սկսել ու ինչպես կյանքի ամենակարևոր օրը դարձնել հիշարժան:
«Մենք ցույց ենք տալիս բոլոր տարբերակները, թե ինչպես կազմակերպել հարսանեկան արարողությունը, հնարավորինս կրեատիվ դարձնել այն և ավելի հեշտացնում ենք նորապսակների գործը: Հաղորդումը ինչ–որ առումով նաև սիթքոմի ձևաչափում է, հումորային իրավիճակներ էլ են ներկայացվում»,- ասաց Դավիթը
Հաղորդման նկարահանումներն արվել են հիմնականում հասարակական վայրերում: «Ես և Աննան մեր միջոցով ցույց ենք տալիս նաև այն տարաձայնությունները, որոնք նախահարսանեկան պատրաստության ընթացքում զույգերն ունենում են թե՛ Հայաստանում, թե՛ աշխարհի այլ երկրներում: Երբ, օրինակ, փեսան ասում է` չարժե, հարսն ասում է` արժե անել այս կամ այն բանը: Մենք վիճում ենք, հետո դուրս ենք գալիս ժողովրդի շրջանում հարցում անում, թե մեզանից ո՞վ է ճիշտ»,– մանրամասնեց դերասանը։
Հաղորդման էջերից մեկն էլ կոչվում է «Հարսնահյուր», որի ընթացքում Աննան ու Դավիթը հյուրընկալում են հանրությանը հայտնի, արդեն ամուսնացած մարդկանց և նրանք համար էլ անակնկալ են պատրաստում: «Այդ էջի վերջում նաև վիկտորինա է լինում, որտեղ մեր հյուրի կողմից նվերը ստանում է վիկտորինայի հարցին Ֆեյսբուքում ամենահումորային պատասխանը տված մասնակիցը»,-նշեց Դավիթը:
Ինչ վերաբերում է իրենց իրական հարսանիքին, Դավիթն ասաց, որ այդ թեմային անդրադառնալ դեռևս չեն ուզում։
Հաղորդման մեկ այլ էջում ներկայացվում են տարբեր ազգերի հարսանեկան ավանդույթները և խոսվում է այն մասին, թե հայկական ավանդույթներից կոնկրետ որին արժե կարևորություն տալ, որոնք են արդեն ոչ այնքան կիրառելի:
Դավթի խոսքով` հաղորդման բացումն արվել է կրեատիվ ձևով: Աննան հարսանեկան զգեստով է եղել: Առաջին եթերաշրջանի նկարահանումներն ավարտվել են, հաղորդման ստեղծագործական թիմը շուտով կանցնի երկրորդ եթերաշրջանի նկարահանումներին:
Выполняя требования агрессора, мира не достичь. Аршак Карапетян
Армения оказалась на грани исторической катастрофы․ Аршак Карапетян
Бывшие руководители Словакии требуют от Никола Пашиняна прекратить политические преследования и давл...
Когда союзников не осталось: цена и последствия полной изоляции. Аршак Карапетян
«Сила одного драма» - благотворительной общественной организации «Орран»
Moody’s изменило прогноз по рейтингам IDBank на позитивный
Мы не хотим, чтобы сатана, пришедший к власти, судил христиан за их поступки
«Срочно подтвердите данные карты»: IDBank предупреждает о мошенничестве с бронированием отелей
Подведены итоги очередного этапа Junius: впереди новый этап
День благодарности клиентам - на этот раз в филиале IDBank «Эребуни»
