«Վագա Ֆարմը» դատի կտա Առողջապահության նախարարությանը. «Փաստ»
«Փաստ» օրաթերթը գրում է.
Առողջապահության նախարարության պաշտոնական կայքից տեղեկանում ենք, որ առողջապահության նախարարի հրամանով դադարեցվել և շրջանառությունից հանվել է Լեհաստանի «Նատուր Պրոդուկտ Ֆարմ ՍՊ Զ.Օ.Օ.» դեղագործական ընկերության արտադրության «Անտիգրիպին, դեղափոշի ներքին ընդունման լուծույթի, երիցուկի համով, փաթեթիկ N 10 (սերիա՝ 37250215, պիտանիության ժամկետ՝ 02.2018թ.) դեղը: Հրամանի համաձայն` տվյալ դեղը ներմուծող դեղագործական կազմակերպությունը պետք է հանրապետության տարածքում գործող բոլոր դեղատներից և բժշկական կազմակերպություններից հետ հավաքի նշված դեղի առկա խմբաքանակը: Իսկ նշված սերիայի դեղը ներմուծել է «Վագա Ֆարմ» դեղագործական ընկերությունը:
Առողջապահության նախարարության դեղորայքային քաղաքականության բաժնի պետ Անահիտ Մկրտչյանը «Փաստի» այն հարցին, թե «Անտիգրիպին» դեղի նշված սերիայի հետ հավաքելը ինչի հետ է կապված, պատասխանեց, որ խոսքը որակական խնդիրներին չի վերաբերում, այլ պատճառն այն է, որ դեղը անօրինական ճանապարհով է ՀՀ ներմուծվել և համարվում է չգրանցված:
«Խոսքը վերաբերում է միայն նախարարության պաշտոնական կայքում դրված «Անտիգրիպին» դեղի տվյալ սերիային և տվյալ պիտանելության ժամկետ ունեցող դեղին: Նախորդ տարի «Վագա Ֆարմ» դեղագործական ընկերության կողմից ներկրված դեղը Առողջապահության նախարարության կողմից չի հավաստագրվել: Հիմա «Վագա Ֆարմ» ընկերությունը պետք է դեղատներից հավաքի այդ դեղի համապատասխան սերիան: Այս հայտարարությունը մեր շրջաբերականով տեղեկացվել է բոլոր բժշկական հաստատություններին»,– նշեց նա:
Անահիտ Մկրտչյանը նաև հավելեց, թե նման դեպքերում հետ հավաքված դեղը կամ ոչնչացվում է, կամ էլ ներկրող ընկերությունը հետ է վարադարձնում այնտեղ, որտեղից, որ ներմուծել է: Վերջինս նաև տեղեկացրեց, որ թույլտվություն ստանալը մեծ գումարների հետ կապված չէ: Պետք է ընդամենը հայտ ներկայացնել ԱՆ, այնուհետև փորձագիտական եզրակացություն կլինի, կկատարվի լաբորատոր փորձաքննություն, փաստաթղթային ուսումնասիրություն և նոր միայն կտրվի համապատասխան պատասխան՝ դրական կամ բացասական:
«Փաստը» փորձեց պարզաբանում ստանալ նաև «Վագա Ֆարմ» ընկերությունից պարզելու համար, թե ինչպես է ստացվել, որ հայկական շուկայում դեղերի ներմուծմամբ ու վաճառքով զբաղվող առաջատար ընկերություններից մեկը առանց ազատ շրջանառության համար թույլտվություն ստանալու է դեղ ներկրել: Ընկերության տնօրեն և հիմնադիր Վահե Վարսանյանի հետ չհաջողվեց խոսել, քանի որ ըստ ընկերության աշխատակցի՝ վերջինս զբաղված էր: Սակայն աշխատակիցը չխուսափեց մեր հարցին պատասխանելուց և նշեց, թե առանց թույլտվության ոչ մի դեղ հնարավոր չէ ներկրել:
«Մեզ մոտ այդ դեղն ամբողջությամբ սպառվել է: Առողջապահության նախարարության հայտարարությունը չի համապատասխանում իրականությանը: Մենք պատրաստվում ենք բողոքարկել, դատարան ենք դիմել»,– հավելեց ընկերության աշխատակիցը: Վերջինս նաև նշեց, որ դատական նիստերն սկսվելուն պես՝ իրենք կտեղեկացնեն մեզ:
Հավելենք, որ «Վագա Ֆարմ» ընկերությունը նախորդ տարի նույնպես նման խդրի էր առնչվել, երբ Առողջապահության պետական տեսչությունը վարչական վարույթ էր բացել «Վագա Ֆարմի» նկատմամբ, հայտարարելով, որ տեղի է ունեցել «Էնտերոլ» դեղամիջոցի ապօրինի ներկրում:
Շարունակությունը` «Փաստ» օրաթերթի այսօրվա համարում:
Кому и за что благодарен Пашинян?... «Паст»
Что происходит, когда одного человека нет в Армении? «Паст»
Уже открыто признают, что цель - разрушить Церковь: «Паст»
Делегация штаб-квартиры МККК в Женеве посетила удерживаемых в Баку армян
Рождественский свет по ту сторону решёток. Репрессии против Армянской Апостольской Церкви - «Паст»
Новый год, старые лживые утверждения: куда движется Армения? «Паст»
Операция архиепископа Микаела Аджапахяна отложена на неопределенный срок
Пианисты из программы «Наши виртуозы» фонда «Музыка для будущего» выступали на одной сцене с итальян...
В конце года правительство занято «соскабливанием» денег: «Паст»
Юнибанк завершил размещение бессрочных облигаций раньше срока
