ԱԺ անկուսակցական պատգամավոր Տաճատ Վարդապետյանի համար հայոց լեզվի քննություն հանձնելը վայելք է. «Փաստ»
«Փաստ» օրաթերթը գրում է.
ՀՀԿ համամասնական ընտրակարգով ԱԺ պատգամավոր ընտրված, անկուսակցական Տաճատ Վարդապետյանը «Փաստին» տեղեկացրեց, որ թեև առաջիկա խորհրդարանական ընտրություններին ռեյտինգային տարբերակով չի մասնակցելու, բայցև չի բացառվում, որ առաջիկայում կարող է անդամագրվել Հանրապետական կուսակցությանը:
«Դա ավելի հստակ կերևա որոշ ժամանակ անց: Ռեյտինգայինին չեմ մասնակցելու, իսկ համամասնական ընտրակարգով՝ կախված է, թե ինչ առաջարկ կստանամ: Այս պահին որևէ հստակություն ոչ միայն ինձ մոտ, այլ շատերի մոտ չկա: Կարծում եմ, որ պետք է դեռ մի քիչ ժամանակ անցնի, որպեսզի պարզ լինի: Այս պահին այսքանը կարող եմ ասել»,– ասաց Տաճատ Վարդապետյանը:
Հանրապետական կուսակցությանն անդամակցելու հարցը, ըստ նրա, պետք չէ կապել առաջիկա գումարման Ազգային ժողովում իր պատգամավորության թեկնածության հետ: Նա չի բացառում երկու տարբերակն էլ: Մի դեպքում կարող է պատգամավոր ընտրվի, սակայն չանդամագրվի կուսակցությանը, մյուս դեպքում էլ՝ չընտրվի պատգամավոր, բայց որոշի անդամակցել ՀՀԿ–ին:
«Չեմ հստակեցրել իմ որոշումը և չեմ էլ կարող ասել, թե այդ մասին որոշում կկայացնեմ երեք կամ վեց ամիս անց, թե՝ ընդհանրապես չեմ կայացնի»,– ասաց Տ. Վարդապետյանը:
Պատգամավորը քանի դեռ ՀՀԿ–ին անդամագրվելու մասին չի մտածել, հետաքրքիր էր՝ գուցե այլ կուսակցություններին անդամակցելու ցանկությո՞ւն ունի: Սակայն, Տ. Վարդապետյանն ասաց, որ եթե կուսակցական դառնալու որոշում կայացնի, ապա միայն ՀՀԿ–ին կանդամագրվի, բայց ինքն ընդհանրապես որևէ կուսակցության անդամ չի եղել, այդ իսկ պատճառով էլ զերծ է մնում կուսակցականացումից:
Միջնակարգ կրթությունը Ջավախքում, իսկ բարձրագույնը Երևանում ստացած պատգամավորից փորձեցինք ճշտել, որ եթե պատգամավոր դառնալու որոշում լինի, ապա ինքը մայրենի լեզվի քննություն պե՞տք է հանձնի, թե՝ ոչ:
«Ինչքան ինձ դուրեկան հարց տվեցիք: Ես, օրինակ, կառաջարկեի, որ այդ հրամանին ավելացնեին, որ ոչ միայն հայկական կրթություն չունեցող մարդիկ հանձնեն հայերենի իմացության քննություն, այլ՝ բոլոր ապագա խորհրդարանականները նույնպես: Այսինքն, նաև նրանք, ովքեր հայերենի իմացության գնահատականներ ունեն իրենց վկայականներում: Ինչ վերաբերում է ինձ, ապա ես ինչպես Ջավախքում, այնպես էլ Երևանում հայկական կրթություն եմ ստացել և հայոց խորհրդարանի հայերենի փայլուն իմացողներից մեկն եմ»,– ասաց Տ. Վարդապետյանը:
Զերծ մնալով ապագա խորհրդարանականների հայերենին տիրապետելու մասին կասկածներ հայտնելուց, նշեց նաև, որ համատարած նման քննություն հանձնելու դեպքում ավելի կբարձրանա ապագա խորհրդարանի վարկանիշը: Պատգամավորի կարծիքով՝ ոչ մի առարկայի իմացություն այդքան գնահատելի չէ, որքան մայրենի լեզվի իմացությունը:
«Ինձ համար վայելք կլիներ նման քննություն հանձնելը, բայց ափսոս դա ինձ չի վերաբերում: Չնայած պատրաստ եմ նույնիսկ կամավոր դիմում ներկայացնել, որպեսզի ինձ էլ նման քննության ենթարկեն: Եթե համարենք, որ այս որոշումն առաջին քայլն է, ապա կցանկանայի, որ այն ավելի խորացված բնույթ կրեր և վերաբերեր բոլոր խորհրդարանականներին»,– ասաց Տ. Վարդապետյանը:
Շարունակությունը` «Փաստ» օրաթերթի այսօրվա համարում:
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
