Առաջիկա խորհրդարանում մականունավորների թիվը կնվազի. «Փաստ»
«Փաստ» օրաթերթը գրում է.
ԱԺ պատգամավոր Մկրտիչ Մինասյանի կարծիքով ՀՀԿ–ում ամենևին էլ անհանգստություն, տագնապային կամ խուճապային իրավիճակ չկա, իսկ կուսակցության ներսում առկա ակտիվությունը երկրում սպասվող համապետական ընտրություններով է պայմանավորված:
«Նախընտրական պրոցես է, որի ընթացքում մեկը կարող է անդամագրվել կուսակցությանը, մյուսը դուրս գալ կուսակցությունից: Կյանքը վերջին հաշվով՝ կյանք է ու նաև շարժում է: Քաղաքականությունը նույնպես շարժում է և այդ շարժման ընթացքում կարող են մարդիկ փոխել իրենց գաղափարները, ընկալումները և նույնիսկ շահերը: Այնպես որ ես չեմ կարծում, որ այս առումով խիստ անհանգստանալու կարիք կա»,– «Փաստի» հարցերին ի պատասխան ասաց Մ. Մինասյանը:
Նա վստահ է, որ ՀՀԿ–ն հանրության վստահությունը շահելու համար ամեն ինչ անում է, որ ավելի կազմակերպված և նպատակային գործողություններ իրականացնի: Բացի այդ, շահագրգռված է նաև, որ իր կողմից կատարած աշխատանքները լիարժեքորեն ներկայացնի հանրությանը:
Հասարակական քաղաքական ներկայացուցիչների կողմից ՀՀԿ առաջնորդի նախընտրական քայլերի մասին ներկայացվող թեզերն ու սցենարները քաղաքական գործչի կարծիքով մի բաժակ ջրում փոթորիկ սարքելուն է նման: Հարցին, թե ընտրողները Մկրտիչ Միասյանին կտեսնեն արդյոք ապագա խորհրդարանում, ՀՀԿ–ական պատգամավորն ասաց, որ ինքը բացահայտ հայտարարել է` ոչ միայն հիվանդագին ամբիցիաներ չունի, այլև լավ պատկերացնում է, որ այն, ինչ ունի սկիզբ, ունի նաև՝ վերջ:
«Իմ տեղը բոլորը գիտեն և եթե այս տարիքում ու այսքան փորձով ես պետք եմ խորհրդարանում՝ խնդրեմ: Ուրիշ տեղ եմ պետք, նորից՝ խնդրեմ: Բայց կարծում եմ, որ կուսակցությունը և հատկապես Ազգային ժողովը որոշակի թարմացման կարիք ունի: Նոր շունչ, նոր էներգիա և նոր նախաձեռնողական աշխատանք է հարկավոր իրականացնել, սակայն այս ամենը հարկավոր է ներդաշնակեցնել հմտությանը, փորձին և կուսակցության արժեհամակարգը կրելու հետ, որի մեջ նաև իմաստնության տարրեր կան: Այդ ամենն իրար հետ ավելի արդյունավետ կգործի և ավելի մեծ օգուտ կբերի և՛ Ազգային ժողովին, և՛ պետական կառավարման համակարգին»,– ասաց փորձառու և հմուտ քաղաքական գործիչը:
Մ. Մինասյանի կարծիքով առաջիկա խորհրդարանում ավելի շատ ոչ թե մականունավորներ կլինեն, այլ՝ քաղաքական դեմքեր: Նա նաև վստահ է, որ իր հարազատ կուսակցությունն իր աշխատանքներն այնպես կկազմակերպի, որ ժողովրդի հետ անկեղծ և ազնիվ խոսելով շահի ընտրողների վստահությունը:
«Եվ այդ ձայները կլինեն այնքան, որ Հանրապետականը ընտրություններից հետո կկարողանա այլ քաղաքական կուսակցությունների հետ կոալիցիա կազմելով երկրի կառավարման համակարգը լիարժեքորեն իր ձեռքում պահել»,– ասաց Մ. Մինասյանը:
Մեջբերելով երկրի նախագահի խոսքը, ԱԺ պատգամավորը վստահեցրեց, որ իշխող կուսակցությունն այնքան քաղաքական կամք ունի, որ կկարողանա նաև ընտրությունները բարձր մակարդակով իրականացնել: Դրա արդյունքում էլ՝ հետընտրական պրոցեսների ժամանակ հնարավոր կլինի արձանագրել, որ այս համապետական ընտրությունները վիճահարույց չեն եղել:
Շարունակությունը` «Փաստ» օրաթերթի այսօրվա համարում:
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
