Մեր օրենքները դեֆորմացվում են կիրառման ժամանակ՝ տարընթերցումների հետևանքով. «Փաստ»
«Փաստ» օրաթերթը գրում է.
Գաղտնիք չէ, որ պետական գնումների ոլորտն ամենակոռումպացվածներից է և պետական այս կամ այն կառույցի կողմից հայտարարված մրցույթներին մասնակցելն ու առավել ևս այն հաղթելն այնքան էլ հեշտ գործ չէ: Ու թեև մամուլը ժամանակ առ ժամանակ անդրադառնում է այնտեղ առկա ռիսկերին ու թաքնված մութ անկյուններին, այնուամենայնիվ, տպավորությունն այնպիսին է, որ տարիների ընթացքում այդ համակարգում ոչինչ էլ չի փոխվում: Ոլորտի շուրջ ձևավորված գորշ պատկերը վերացնելու նպատակով ՀՀ ֆինանսների նախարարությունը հեղինակել է «Գնումների մասին» նոր օրենքը, որն արդեն ընդունվել է և մի քանի ամսից էլ օրինական ուժ կստանա:
ՓՄՁ ասոցիացիայի նախագահ Հակոբ Ավագյանը նոր օրենքի քննարկումը ֆինանսների նախարարի մակարդակով կազմակերպելը դրական քայլ է համարում՝ նշելով, որ գնումների ոլորտը ՓՄՁ–ի տեսանկյունից մշտապես եղել է իրենց անհանգստացնող առաջնային հարցերից մեկը:
«Համարում եմ, որ դա ստացված երկխոսություն էր: Մենք անընդհատ ասում ենք, որ գնումների գործընթացում փոքր և միջին բիզնեսը ներկայացված չէ և հիմա քայլեր են ձեռնարկվում, որ այդ բացերը լրացվեն: Օրենքի քննարկման ժամանակ ներկայացվեցին նաև բողոքարկման և բողոքներ ընդունելու համակարգին վերաբերող հարցեր»,– ասաց Հակոբ Ավագյանը:
ՓՄՁ–ին հուզող կարևոր հարցերից է նաև, թե ովքեր ինչ սկզբունքով կարող են վիճարկել հանձնաժողովի որոշումը: Բողոքարկման դիմում ներկայացնելու համար պահանջվող 30 հազար դրամի չափով վճարում իրականացնելու հարցը ՓՄՁ ասոցիացիայի ղեկավարի առաջարկով մտել է քննարկման փուլ: Հ. Ավագյանը կարծում է, որ ավելի նպատակային կլինի, եթե բիզնեսի շահերը ներկայացնող կազմակերպությունների միջոցով ներկայացված բողոք–դիմումներն անվճար հիմունքներով ընդունվեն:
Հակոբ Ավագյանի կարծիքով՝ անկախ նրանից՝ խոսքը հին, թե նոր օրենքին է վերաբերում, երկու դեպքերում էլ դատական համակարգի կոռումպացված լինելու հանգամանքը մտահոգիչ է, քանի որ իրականում լավ օրենք ունենալը դեռ երաշխիք չէ, որ այն հնարավոր կլինի ամբողջությամբ կիրառել:
«Օրինակ, եթե մենք համեմատում ենք ՓՄՁ–ների համար նախատեսված այլ երկրների օրենսդրական դաշտը մեր օրենսդրական դաշտի հետ, տեսնում ենք, որ մենք ունենք շատ լավ օրենքներ, բայց կիրառման ժամանակ դրանք դեֆորմացվում են: Դա այլ հարց է և անհրաժեշտ է, որ մենք մեր երկրում ձևավորենք հակակշիռների ինստիտուտ: Այսինքն, այնպիսի երաշխիքային մեխանիզմներ, որպեսզի ոչ միայն հարկային կամ մաքսային տեսուչը, այլ որևէ մեկը չկարողանա մտքով անցկացնել, որ կարող է այս կամ այն անձի դեպքում նույն օրենքը տարբեր կերպ կիրառել »,– ասաց Հակոբ Ավագյանը:
Ասոցիացիայի նախագահի կարծիքով՝ շատ կարևոր է նաև իրազեկման գործընթացի կազմակերպումը ասոցիացիաների և հասարակական կազմակերպությունների միջոցով իրականացնելը, որը հնարավորություն կտա մի կողմից ՓՄՁ ներկայացուցիչներին տեղեկացնել նոր օրենքների մասին, մյուս կողմից՝ բիզնեսի ներկայացուցիչների միջոցով վեր հանել այն խնդիրները, որոնք սովորաբար թաքնված են լինում օրենսդրական դրույթների տողատակերում:
«Ի դեպ, իրազեկման պակասը մեր ՓՄՁ–ների լուրջ խնդիրներից է և եթե գնումների գործընթացում ՓՄՁ–ները փոքր տոկոս են կազմում, ապա այն ոչ միայն գնումների գործընթացի նկատմամբ վստահության պակասի հետևանք է, այլ շատ դեպքերում նրանք նույնիսկ տեղյակ էլ չեն լինում, թե ինչպես պետք է մասնակցեն գնումներին, կամ գրանցվեն այդ համակարգում: Եթե բիզնեսի ներկայացուցիչների կողքին լինում են ասոցիացիաներ կամ միություններ, ապա ՓՄՁ–ներին կարողանում են օգնել, որ շատ հարցեր արդյունավետ լուծվեն»,– ասաց Հակոբ Ավագյանը:
Շարունակությունը` «Փաստ» օրաթերթի այսօրվա համարում:
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
