«Իմ բոլոր երազանքները թատրոնի հետ են կապված». Էմմա Մանուկյան
Մարտի 27-ին նշվում է Թատրոնի միջազգային օրը: Մասնագիտական, տոնական օրը թատրոնի և կինոյի դերասանուհի Էմմա Մանուկյանը, ով շատերին հայտնի է նաև հեռուստասերիալներից, սկսել է հենց թատրոնից՝ առավոտյան ներկայացման փորձի գնալով:
Tert.am Life-ի հետ զրույցում Հ.Ղափլանյանի անվան Դրամատիկական թատրոնի դերասանուհին ասաց, որ թատրոնն աշխարհում այն տեղն է, որտեղ իրեն ամենալավն է զգում:
«Թատրոնի բեմն այն տեղն է, որի հետ ես կապում եմ իմ ապագայի բոլոր երազանքները, բոլոր այն դերերը, պատմությունները, որ ուզում եմ խաղալ, ես պատկերացնում եմ թատրոնի բեմում: Իմ բոլոր երազանքները այդ քառակուսի տարածքի հետ են կապված»,-ասաց Էմման ևնշեց, որ իր համար ամենամեծ գնահատականը հանդիսատեսի ծափահարություններն են, գոհունակ աչքերն ու հուզմունքը, որ տեսնում է ներկայացման ավարտին։ Նրա խոսքով` միայն դրա համար արժե աշխատել թատերական ասպարեզում:
Դերասանուհուց հետաքրքվեցինք, արդյոք մեր օրերում թատրոնն ունի հանդիսատեսի պակաս, ինչին նա պատասխանեց, որ նման խնդիր տեսնում է, բայց ավելի կարևորեց հանդիսատես կրթելու խնդիրը: «Թատրոնն ունի հանդիսատեսի խնդիր, բայց ավելի շատ ունի ճիշտ ընկալվելու խնդիր: Ես աշխատում եմ այնպիսի թատրոնում, որտեղ հանդիսատես միշտ կա, բայց հանդիսատեսին փոքր տարիքից է պետք կրթել, այսինքն դպրոցից՝ երեխաներին դասարաններով լավ ներկայացումների տանելով, արժեքավոր գործեր ցույց տալով: Պետք է մարդը փոքրուց կրթվի` որպես հանդիսատես, ինչպես, օրինակ, Մոսկվայում է։ Այդպես մեծ տարիքում արդեն թատրոն գնալու կարիքը ունենա»,-ասաց նա:
Էմման կիսում է այն մտահոգոությունը, որ թատրոնում հանդիսատեսի պակասը պայմանավորված է նաև սոցիալական խնդիրներով և շատերը թատրոն չեն հաճախում ոչ այն պատճառով, որ չունեն հետաքրքրություն: Ընդհանրապես, սոցիալական գործոնը, ըստ դերասանուհու, ազդում է ոչ միայն թատրոնի, այլև մյուս ասպարեզների վրա:
«Հիմա մեր երկրում շատ մեծ սոցիալական խնդիրներ կան, որոնք, իհարկե, ազդում են նաև թատրոնի վրա, ի վերջո, թատրոնը ժամանցի վայր է ու մարդիկ շատ դժվարությամբ են կարողանում իրենց սուղ պայմաններից, սուղ բյուջեից գումար տրամադրել իրենց հաճույքներին, իսկ այն մարդիկ, ովքեր կարողանում են, հաճախում են։ Ամսվա կտրվածքով մենք ունենում ենք, գրեթե, 15-20 ներկայացում ու հազվադեպ է լինում, որ դահլիճը լեփ-լեցուն չլինի: Եթե մարդիկ ունենային ֆինանսական հնարավորություններ, կարծում եմ, ավելի հաճախ կգային թատրոն ու մենք մոսկովյան թատրոնների նման կխաղայինք օրը երեք ներկայացում, դերասանն էլ շատ կվճարվեր, ու ամեն ինչ բոլորվին այլ մակարդակի վրա կլիներ»,- նկատեց դերասանուհին։
Նա նշեց, որ թատրոնում ներկայումս զբաղված է նոր` «Տիկնայք և պարոնայք» ներկայացման մեջ, որը թեթև ու գեղեցիկ կատակերգություն է: Զուգահեռ Էմման աշխատում է նաև հեռուստատեսային դաշտում, նոր առաջարկների մասին էլ նախապես խոսել չի ցանկանում:
Выполняя требования агрессора, мира не достичь. Аршак Карапетян
Армения оказалась на грани исторической катастрофы․ Аршак Карапетян
Бывшие руководители Словакии требуют от Никола Пашиняна прекратить политические преследования и давл...
Когда союзников не осталось: цена и последствия полной изоляции. Аршак Карапетян
«Сила одного драма» - благотворительной общественной организации «Орран»
Moody’s изменило прогноз по рейтингам IDBank на позитивный
Мы не хотим, чтобы сатана, пришедший к власти, судил христиан за их поступки
«Срочно подтвердите данные карты»: IDBank предупреждает о мошенничестве с бронированием отелей
Подведены итоги очередного этапа Junius: впереди новый этап
День благодарности клиентам - на этот раз в филиале IDBank «Эребуни»
