ՀՀԿ–ական պատգամավոր. «Իմ տրամաբանությունը չի հերիքում, որ դրան բացատրություն տամ». «Փաստ»
«Փաստ» օրաթերթը գրում է.
ՀՀԿ–ում խորհրդարանական ընտրությունների նախաշեմին քաոսային իրավիճակ է: Ընդամենը երկու օր առաջ ՎՊ նախագահ Իշխան Զաքարյանի կինն ու որդին ՀՀԿ–ին դիմում են գրել կուսակցությունում իրենց անդամակցությունը ժամանակավոր կասեցնելու վերաբերյալ: Դե իսկ երեկ արդեն ՀՀԿ–ն լքեց կուսակցության կարկառուն դեմքերից մեկը՝ ՀՀ նախկին վարչապետ Հովիկ Աբրահամյանը: Ըստ տարածված լուրերի, նրա՝ ՀՀԿ–ի շարքերը լքելուց հետո քաղաքական այդ կուսակցությունից մեծ արտահոսք է նկատվել:
Նշված թեմաների շուրջ «Փաստը» զրուցեց ԱԺ ՀՀԿ խմբակցության պատգամավոր Լեռնիկ Ալեքսանյանի հետ, ով թեև առանձնակի ցանկություն չուներ խոսել Հովիկ Աբրահամյանի՝ կուսակցությունից դուրս գալու մասին, այնուամենայնիվ նշեց. «Նրա որոշումն ինձ համար անակնկալ էր ու անհասկանալի: Իմ տրամաբանությունը չի հերիքում, որ դրան բացատրություն տամ : Ինչ վերաբերում է մյուսներին օրինակ՝ Իշխան Զաքարյանին, ապա նա ԲՀԿ–ից էր ու պարզապես պաշտոն էր զբաղեցնում ու դա հասկանալի է»:
Ինչ վերաբերում է Հ. Աբրահամյանի հեռանալուց հետո երիտհանրապետականների մեծ ոգևորությանն ու հավակնությունների մասին լուրերին, ապա ըստ Ալեքսանյանի դրանք պարզապես անհատների կարծիքներ են. «ՀՀԿ–ում նման ոգևորություն չկա, դրանք անհատական կարծիքներ են: Երբ պարոն Աբրահամյանը կտա բացատրություն, այդ ժամանակ կմեկնաբանեմ»:
Խոսելով նաև նախկին վարչապետի որոշումից հետո կուսակցությունից զգալի արտահոսքի մասին, պատգամավորն ասաց, որ ինքը նման բան չի նկատել. «ՀՀԿ–ում ամեն ինչ նորմալ է նախընտրական նախապատրաստական, կազմակերպչական աշխատանքներ են իրականացվում, մենք նախապատրաստվում ենք ընտրություններին»:
Շարունակությունը` «Փաստ» օրաթերթի այսօրվա համարում:
Не помогла даже откровенная поддержка ЕС и США: выборы стали также своеобразным референдумом: «Паст»
Политическая месть ценой экономической безопасности: «Паст»
Члены Конгресса США присоединились к АNCА с требованием освободить армянских пленных на 1000-й день ...
Почему власть сама ставит себя в нелепое положение? «Паст»
Тотальный цифровой контроль над гражданами: власть хочет получить доступ ко всем данным мобильных те...
Почему Аветик Чалабян вновь оказался в центре внимания властей? «Паст»
Россия полностью остановила импорт рыбы из Армении
Выборы также развеяли миф об антироссийских настроениях: «Паст»
Когда любая уступка превращается в отправную точку для новых требований: «Паст»
Пропасть в сфере безопасности и необходимость спасения государственности: предупреждение Аршака Кара...
