Կոմունիստները փորձում են միավորել ուժերը. «Փաստ»
«Փաստ» օրաթերթը գրում է.
Հայաստանի առաջադիմական կոմունիստական կուսակցության նախագահ Վազգեն Սաֆարյանի կարծիքով տարբեր կուսակցությունների ներկայացուցիչների կողմից տնտեսական այս կամ այն հարցը քաղաքականացնելը ընտրողներին դուր գալու նպատակ է հետապնդում: Ժողովուրդը պետք է հասկանա նաև, որ դրանց մեծ մասը պոպուլիստական հայտարարություններ են:
«Այն կուսակցությունները, որոնք ասում են, թե ընտրվելու դեպքում կկարողանան «Նաիրիտն» աշխատացնել, ընդամենը ընտրողների ձայները կորզելու նպատակ են հետապնդում: Ես էլ եմ ասում՝ մեզ ձայն տվեք, մենք այդ հարցը կլուծենք, բայց ես դա 2000 թվականից եմ ասում, ոչ թե՝ երեկվանից»,– ասում է Վ. Սաֆարյանը:
Հայաստանի առաջադիմական կոմունիստական կուսակցությունը արդեն իսկ ստեղծված նախընտրական դաշինքների հետ որևէ բանակցության չի մասնակցում կամ մասնակցել: Դրա փոխարեն որոշել է սեփական միավորը ձևավորել, որը հստակ գաղափարախոսության շուրջ կմիավորի անհատներին ու կազմակերպությունների անդամներին: Կուսակցությունը նախնական պայմանավորվածություն ունի նաև Հայաստանի Կոմունիստական կուսակցության, ինչպես նաև մի շարք հասարակական կազմակերպությունների հետ և փորձելու են ստեղծել կոմունիստների և ժողովրդահայրենասիրական ուժերի նախընտրական միավոր:
«Դա սոցիալիզմի արժեքների վերարժևորումը և վերարմատավորումն է հասարակության մեջ: Խորհրդային տարիներին մենք չենք ունեցել գործազրկություն և հիմա մենք ասում ենք՝ ժողովուրդ եկեք վերականգնենք մեր արդյունաբերությունը, զարգացնենք ներքին կոոպերացիան և ԵԱՏՄ–ի շրջանակներում աշխուժացնենք արտաքին ինտեգրացիոն կապերը, որը հնարավորություն կտա քայլ առ քայլ ոտքի կանգնեցնել թե՛ մեր արդյունաբերությունը և թե՛ երկիրը»,– ասում է Վ. Սաֆարյանը:
Կուսակցության ղեկավարի խոսքով թեև իրենք բանակցություններ չեն վարում ձևավորված նախընտրական դաշինքների հետ, սակայն չեն էլ պատրաստվում մեկուսացման քաղաքականություն վարել: Օրերս կհրապարակեն նաև իրենց կողմից ձևավորած միավորի նախընտրական ծրագիրը և նրանք, ովքեր մոտ են այդ գաղափարախոսությանը կարող են համագործակցել իրենց հետ:
«Մենք պայքարելու ենք գաղափարի համար, մեր գաղափարը առաջ տանելու համար և այդ գաղափարը կազմող հիմնադրույթները հանրային կյանքում արմատավորելու համար: Դա սոցիալական արդարությունն է, որի առաջին բաղադրիչն այն է, որ մարդն ունենա աշխատանքի իրավունք: Դա մարդու բնական իրավունքի բաղկացուցիչն է և մենք ասում ենք, որ մարդուն պետք է տալ աշխատելու իրավունք, որպեսզի մարդը հնարավորություն ունենա իր որակին համապատասխան աշխատանք գտնել: Ու եթե մենք տարիներով «Նաիրիտ» չենք կարողանում աշխատացնել, ներքին կոոպերացիա չենք զարգացնում և ամեն ինչ թողնում ենք, որ ինչ–որ մարդկանց նախաձեռնությունների շրջանակներում իրականացվեն, դրա արդյունքը կլինի այն, ինչ այսօր ունենք »,– ասում է Վ. Սաֆարյանը:
Նրանք պայքարելու են նաև, որ ԱԺ–ում ընդունվի արդյունաբերության քաղաքականության մասին օրենքը, ինչպես որ 1934 թ–ին Ֆրանկլին Ռուզվելտի օրոք ընդունել է ԱՄՆ–ի կառավարությունը: Առաջադիմական կոմունիստական կուսակցության նախագահի կարծիքով հենց այդ օրենքի շնորհիվ ԱՄՆ–ին հաջողվեց հզոր տնտեսություն ունենալ: Դա կօգնի նաև մեր երկրին, որ մի կողմից ապագայի հանդեպ հույսը արթնանա և բացի այդ՝ բազում աշխատատեղեր բացվեն:
«Արդյունաբերությունն այն ճյուղն է, որը մի կողմից մասսայական աշխատատեղեր է ապահովում և միևնույն ժամանակ ապահովում է նաև բյուջեի մուտքերը: Բացի այդ, դրական հաշվեկշիռ է առաջացնում արտաքին առևտրում: Տնտեսության առողջացումը հիմք կհանդիսանա նաև, որպեսզի սոցիալական երաշխիքներն արմատավորվեն հանրային կյանքում: Մենք այդ գաղափարն ենք ներկայացնելու հասարակությանը և ովքեր կցանկանան միավորվել այդ գաղափարին, ոչ թե՝ անձերի շուրջ ձևավորվող դաշինքներին, ապա կարող են միանալ մեզ»,– ասում է Վ. Սաֆարյանը:
Շարունակությունը` «Փաստ» օրաթերթի այսօրվա համարում:
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
