Մեծաքանակ աշխատատեղեր ու նոր հնարավորություններ. «Փաստ»
«Փաստ» օրաթերթը գրում է.
«Մուլտի գրուպ կոնցեռնը» Գագիկ Ծառուկյանի գլխավորությամբ շարունակում է իր ուղին դեպի Հայաստանի տնտեսության զարգացում: Այս անգամ ուղղությունը միանգամից մի քանի ոլորտ է ընդգրկում: Խոսքը տեքստիլ արդյունաբերության, արևային համակարգերի, ոսկու և կրիպտովալյուտայի արտադրության խոշոր ներդրումային ծրագրի մասին է: Ներդրումային ծրագրի շնորհիվ մեր երկիրը ևս չի շրջանցի կրիպտովալյուտաների այն հաղթարշավը, ինչի մասին խոսում ու փաստում են ամբողջ աշխարհում:
Ընկերությունների համար կարևորն ապահով ու վստահելի գործընկերն է, որի վառ օրինակը Գագիկ Ծառուկյանն է. միանգամից մի քանի ոլորտ ընդգրկող ներդրումային ծրագրի համագործակցության շրջանակն այս առումով կրկին լայն է:
Ծրագրի շնորհիվ ստեղծվելու է հսկայական տեխնոպարկ, որն իր նախադեպը չի ունենալու: Կվերականգնվի տեքստիլ արդյունաբերության երբեմնի համբավը: Ընթացքի մեջ է «Սաբաղ Գրուպ» ընկերության հետ դեռ ամիսներ առաջ կնքած ներդրումային պայմանագրով նախատեսված արդյունաբերական քաղաքի շինարարությունը: Ծրագրի արդյունքում 5000 աշխատատեղ կստեղծվի, կկառուցվի 10–13 գործարան, ներդրումների ծավալն էլ կգերազանցի 75 մլն դոլարը: Այս ամենի իրականացումը սարերի հետևում չէ՝ առաջին գործարանի բացումը նախատեսված է երկու ամսից:
Ներդրումային ծրագրի արդյունքում շուտով արևային համակարգերի շուկայում նոր ընկերություն կգործի.«Մուլտի սոլար» ընկերությունը մրցունակ կլինի շուկայում: Բացի հսկայական ներդրումներից՝ արդյունքում 200 նոր աշխատատեղ կբացվի: Բացի ներքին սպառումից՝ ընկերությունը դուրս կգա միջազգային շուկա: Արևային համակարգերի զարգացմանն ուղղված այս ծրագիրը կառանձնանա նրանով, որ մեծ հնարավորություն կստեղծի հայ գիտնականների համար: Գործարանին կից գործող գիտահետազոտական կենտրոնի շնորհիվ նրանք կարող են կյանքի կոչել իրենց գաղափարները:
Ներդրումային խոշոր ծրագրի մեջ կարևորվում է նաև ՓՄՁ ոլորտի զարգացումը: «Առինջ մոլ» մեծածախ առևտրի տարածքի հարևանությամբ երկհարկանի ոսկու շուկա կբացվի, որն իր մասշտաբներով ու պայմաններով միակը կլինի հանրապետությունում: Կենտրոնում աշխատելու հնարավորություն կունենա ՓՄՁ 8000 ներկայացուցիչ: Իսկ Գագիկ Ծառուկյանի որոշմամբ նրանք մեկ տարի տաղավարների գումար չեն վճարի:
Շարունակությունը՝ «Փաստ» օրաթերթի այսօրվա համարում
В Ханты-Мансийском автономном округе-Югре прошел медиатур для иностранных журналистов аккредитован...
Кому и за что благодарен Пашинян?... «Паст»
Уже открыто признают, что цель - разрушить Церковь: «Паст»
Что происходит, когда одного человека нет в Армении? «Паст»
Очередная неудача Никола Пашиняна: «Паст»
Единство против разрушения Церкви: «Паст»
Власти РА и некоторые заблудшие священнослужители должны отказаться от своих идеологии: «Паст»
В конце года правительство занято «соскабливанием» денег: «Паст»
Юнибанк завершил размещение бессрочных облигаций раньше срока
Сотрудничество между фондом «Музыка во имя будущего» и «Барур» - во имя распространения армянской му...
