Արմեն Մարտիրոսյանը հորդորում է «Ժառանգությանը» չխառնել երկու կանանց «ռազբորկաներին». «Փաստ»
«Փաստ» օրաթերթը գրում է.
«Ժառանգություն» կուսակցության նախագահ Արմեն Մարտիրոսյանի կարծիքով հանրային բողոքի ակցիաներ կազմակերպելուց բացի որևէ այլ կերպ հնարավոր չէ պայքարել ներկա իշխանությունների դեմ, քանի որ երկրի որևէ ինստիտուցիոնալ համակարգ չի գործում:
«Խորհրդարանն էլ գաղափարական առումով դարձրել են ապաքաղաքական մարմին և փաստորեն, այնտեղ նույնպես, այլևս ոչինչ չկա անելու: Խորհրդարանում իհարկե կարող են քննադատական ելույթներ հնչել, բայց որևէ քաղաքական ուժ չի կարող իրավիճակի փոփոխության մասին խոսել: Այսինքն, առանց հանրային ճնշման Հայաստանում որևէ փոփոխություն իրականացնել հնարավոր չէ»,– «Փաստ»–ի հետ զրույցում ասաց Ա. Մարտիրոսյանը:
Նրա կարծիքով, որքան էլ նախորդ փորձերն անհաջող են եղել ու փաստացի որևէ փոփոխության չեն հանգեցրել, այնուամենայնիվ չի կարելի կանգ առնել: Անգամ ֆրանսիական հեղափոխությունը միանգամից չի իրականացվել և նույնիսկ այդ ժամանակ, մինչ իրական հաջողության հասնելը, մարդիկ հայտնվել են բանտերում, ինչպես հիմա:
«Ֆրանսիայում էլ բազմաթիվ ապստամբություններ են տեղի ունեցել, որոնք ճնշվել են իշխանությունների կողմից, սակայն հետո հնարավոր է դարձել հեղափոխություն անել: Ուրիշ ճանապարհ չկա»,– համոզված է Ա. Մարտիրոսյանը:
Նա նշեց նաև, որ Հայաստանում ո՛չ արդարություն կա, ո՛չ էլ դատական համակարգ, որոնց միջոցով հնարավոր կլիներ պայքարել իշխող վարչախմբի դեմ: Նույնիսկ Եվրոպական դատարան դիմելը չի օգնի երկրում առկա անարդարության դեմ պայքարել, քանի որ, ըստ նրա, Հայաստանի դեմ կայացված ՄԻԵԴ բազմաթիվ վճիռները նույնպես որևէ շոշափելի արդյունքի չեն հանգեցրել: Խոսելով վերջին շրջանում կաշառք վերցնելու կամ այլ ապօրինություններ իրականացնելու գործերով ձերբակալությունների մասին Ա. Մարտիրոսյանը նշեց, որ նման գործելաոճը նույնպես նորություն չէ:
«Մեզ մոտ կոռուպցիան համակարգային է և այս առումով երբևէ որևէ փոփոխություն չի եղել: Հայաստանում միշտ էլ սլաքավարներին են բռնել: Եվ այնպես չէ, որ իրական մեղավորներն են դատապարտվում: Այս ամենը ինքնամաքրման երևույթ չի կարող լինել: Եվ պետք չէ մոռանալ, որ օրինակ Միհրան Պողոսյանի օվշորային սկանդալից հետո Հանրապետականի ցուցակով նա դարձավ պատգամավոր: Այսինքն, մնացածը, թե երկրում կարող է ինչ–որ բան փոխվել՝ հեքիաթների ժանրից է»,– ասաց Ա. Մարտիրոսյանը: Նա նշեց, որ այդ իսկ պատճառով է, որ «Հանուն Հայաստան պետության» ճակատը ոչ միայն իշխանափոխության, այլև համակարգային փոփոխության պահանջ է ներկայացնում:
Ի դեպ, մարտի 23–ին կայանալիք հերթական բողոքի ակցիայի ժամանակ ճակատի անդամները կրկին պահանջելու են Սերժ Սարգսյանի վարչապետության կանխում, ազգային համաձայնության ժամանակավոր կառավարության հիմնում, սահմանադրական բարեփոխումներ, նոր «Ընտրական օրենսգրքի», «Կուսակցությունների մասին» օրենքի ընդունում և արտահերթ խորհրդարանական ընտրություններ:
Սա այն մոտավոր սխեման է, որով «Հանուն Հայաստան պետության» ճակատը պատրաստվում է շարունակել իր պայքարը, բայց առանց հիմնական պահանջի՝ Սահմանադրության փոփոխության, չի կարողանա հաջողել մնացած պայքարներում, համոզված է կուսակցության առաջնորդը:
«Պետք է կառավարման համակարգում անպայման ներդնել հակակշիռների մեխանիզմը: Եվ եթե այս անգամ էլ իշխանությունների վրա հանրային ճնշում գործադրել չհաջողվի, ապա արդյունքում մենք կրկին մի քանի հարյուրհազար արտագաղթող կունենանք»,– ասաց Ա. Մարտիրոսյանը:
Պատասխանելով հարցին, թե հնարավո՞ր է հաջողության չհասնելու դեպքում ինքը կրկին դիտարկի երկրից արտագաղթելու տարբերակը, նա նշեց, որ ոչինչ բացառել հնարավոր չէ:
«Չի բացառվումը, երբեք էլ չի բացառվում: Ինչ վերաբերում է իմ կողմից նշած պահանջների շուրջ համախմբվելու կոչին, ապա առաջիկայում պարզ կլինի, ոչ միայն «Ժառանգության», այլ մնացած գործընկերների հետ միասին կկարողանա՞նք միասնական հարթակ ստեղծել, թե՝ ոչ: Այնպիսի իրավիճակ է ստեղծվել երկրում, որ նույնիսկ դատապարտյալին թույլ չեն տալիս վերջին խոսքն ասել, ինչպես եղավ Ժիրայր Սեֆիլյանի դեպքում: Ստալինի տրոյկաների ժամանակ, գնդակահարությունից առաջ անգամ, թույլ էին տալիս վերջին խոսք ասել, բայց հիմա մեզ մոտ դա էլ չեն թույլատրում»,– ասաց Ա. Մարտիրոսյանը:
Խոսելով Երևանի ավագանու վերջին նիստի ժամանակ Զարուհի Փոստանջյան–Անահիտ Բախշյան «փոխհրաձգության» մասին, նա նշեց, որ ինքը բեմադրությունները սիրում է թատրոններում դիտել:
«Կարծում եմ «Ժառանգություն» կուսակցությանը պետք չէ խառնել նրանց ռազբորկաների մեջ: Իրենք բավականին շատ բան են ստացել «Ժառանգությունից» և իմ պահանջն է, որ մեր կուսակցության անունը չշահարկվի»,– ասաց Ա. Մարտիրոսյանը:
Շարունակությունը՝ «Փաստ» օրաթերթի այսօրվա համարում
Выполняя требования агрессора, мира не достичь. Аршак Карапетян
Армения оказалась на грани исторической катастрофы․ Аршак Карапетян
Лидер Движения «Всеармянский фронт» Аршак Карапетян проведёт пресс-конференцию на тему «События на Ю...
Бывшие руководители Словакии требуют от Никола Пашиняна прекратить политические преследования и давл...
День благодарности клиентам - на этот раз в филиале IDBank «Эребуни»
Мы не хотим, чтобы сатана, пришедший к власти, судил христиан за их поступки
Когда союзников не осталось: цена и последствия полной изоляции. Аршак Карапетян
«Сила одного драма» - благотворительной общественной организации «Орран»
«Срочно подтвердите данные карты»: IDBank предупреждает о мошенничестве с бронированием отелей
Подведены итоги очередного этапа Junius: впереди новый этап
