Եթե Գագիկ Ծառուկյանը համագործակցի Սեյրան Օհանյանի հետ, ապրիլյան պատերազմի հարցերի բեռը կվերցնի իր վրա. «Փաստ»
«Փաստ» օրաթերթը գրում է.
Մեր հյուրն է «Ազգային անվտանգություն» կուսակցության ղեկավար Գառնիկ Իսագուլյանը
– Ընտրություններին մնացել է մոտ երկու ամիս, բայց ընտրապայքար, որպես այդպիսին, դեռ չի սկսվել: Ինչո՞ւ:
– Կա նոր ընտրական օրենսգիրք, որը, ըստ էության, նախատեսված է բավականին լուրջ, կայացած կուսակցությունների համար: Բացառությամբ մեկ–երկու, առավելագույնը երեք կուսակցության, մյուսները ընտրություններին մասնակցելու ձևին վերաբերող նոր ԸՕ–ի առաջադրած պայմաններին չեն բավարարում: Հիմա կուսակցությունները պետք է ներկայացնեն ոչ միայն կուսակցական ցուցակներ, այլև ամեն մի ընտրատարածքի համար առանձին ռեյտինգային ցուցակ: Իսկ մեզանում գործող կուսակցությունների անդամների ընդհանուր թիվը, եթե ազնիվ լինենք, առավելագույնը մեկ–երկու տասնյակ է: Ուստի բոլորը հայտնվել են ծանր վիճակում, բացառությամբ ՀՀԿ–ի, որը, ունենալով իշխանական բավականին լուրջ լծակներ, այդ հնարավորությունն ունի: Ուստի դեռ հարց է՝ արդյոք ընդդիմադիր դաշտում գործող կուսակցությունները կարո՞ղ են միավորվել, որպեսզի միասնաբար կատարեն ԸՕ պահանջները, ներկայացնեն համապատասխան փաստաթղթերը և լուրջ մրցակցություն ցույց տան իշխող քաղաքական կուսակցությանը: Թեպետ միգուցե նրանց նկատառումները բացառապես պայմանավորված են հետընտրական գործընթացներով: Այսինքն՝ ընտրություններից հետո այնպես անել, որ լինեն ներքաղաքական լուրջ սրացումներ, որոնց արդյունքում հնարավորություն կունենան որոշել կամ ձևակերպել իրենց նպատակներն ու ցանկությունները:
– Մի քանի օր առաջ Գ. Ծառուկյանը հայտարարեց, որ վերադառնում է քաղաքականություն: Հաշվի առնելով Ձեր ասածը, արդյոք նրա վերադարձով կլինե՞ն լուրջ փոփոխություններ:
– Այս դեպքում էլ պետք է ազնիվ լինենք՝ ցանկանում ենք, թե ոչ, Գ. Ծառուկյանը միակ անձն է, որ ժամանակին կարողացել է իր շուրջը համախմբել բավականին լուրջ մարդկանց և մարզերում ստեղծել մրցունակ կառույցներ: 2015թ. փետրվարի 12–ից հետո ոչ ոք չկարողացավ քաղաքական դաշտում զբաղեցնել այն տեղը, որն ուներ նա: Նա շատ լավ կարողացավ հիմնավորել 2015 թ. փետրվարի 12–ից հետո իր դուրս գալը մեծ քաղաքականությունից և հիմա նույնքան ճկուն ձևով կարողանում է հիմնավորել, թե ինչու է վերադառնում: Ու նա ունի բավականին մեծ շանսեր՝ կարճ ժամանակում ձևավորելու հստակ գործող կառույցներ, մասնակցելու և լուրջ մրցակցություն ցույց տալու ՀՀԿ–ին: Ուստի այդ առումով պետք է ողջունել այն, ինչ տեղի է ունենում: Այլապես ունենալու էինք բացառապես մեկ կուսակցությամբ ընտրություններ:
– Ընդդիմադիր դաշտում այսօր ուրվագծվում է մեկ այլ, քիչ թե շատ, լուրջ բևեռ՝ Սեյրան Օհանյանի գլխավորությամբ: Այդ դաշինքը ի՞նչ շանսեր ունի:
– Բավականին դժվար է այդ հարցին պատասխանել մի քանի պարզ պատճառով: Նախ, մենք չգիտենք, թե Ս.Օհանյանին առնչվող ի՞նչ կարգի խնդիրներ պետք է դուրս գան օրակարգ: Մենք ունեցել ենք ապրիլյան պատերազմ: Կան քննադատելի և իրականությանը համապատասխանող բացթողումներ, որոնց հիմնական պատասխանատուն ո՞վ է եղել:
– Գերագույն գլխավոր հրամանատարը:
– Կար նաև պաշտպանության նախարար, ով արդյոք ամեն ինչը ճի՞շտ է զեկուցել գերագույն գլխավոր հրամանատարին:
- – Կար նաև պաշտպանության նախարար, ով արդյոք ամեն ինչը ճի՞շտ է զեկուցել գերագույն գլխավոր հրամանատարին: Շատ կարևոր հարց է: ՊՆ առանձին լուրջ կառույց է, որը, համենայնդեպս, խաղաղ պայմաններում իր բոլոր ենթակառուցվածքների հետ տարվող աշխատանքներում, դրանց ռազմական տեխնիկայի ապահովման գործում և շատ այլ խնդիրներում բավականին ինքնուրույն է: Արդյոք ի հայտ կգա՞ն նման հարցեր, թե՞ ոչ: Դրանց պատասխանները կա՞ն, թե՞ չկան: Երկրորդ, ինչո՞ւ ժամանակին չեն բարձրացվել այն բոլոր հարցերը, որոնք այսօր բարձրացվում են: Կարող է արդարացում լինել, թե որպես զինվորական և այլն: Բայց ի՞նչն է փոխվել: Որպես զինվորական, դուք հասարակությանը խաբո՞ւմ էիք, կամ ինքներդ չէի՞ք տեսնում: Եթե չէիք տեսնում, ապա ինչով կհիմնավորեք, որ այսուհետ կտեսնեք: Եվ արդյոք այդ դաշինքը, որ ձևավորվում է, հնարավորություն կունենա՞ այս կարճ ժամանակահատվածում հասարակությանը նախ համոզել իր ճշմարտացիության մեջ, ապա բավարարել ԸՕ բոլոր պահանջները: Եվ որտեղի՞ց պետք է առաջանան այն ֆինանսական միջոցները, որ ուզենք, թե չուզենք, անհրաժեշտ են նախընտրական գործընթացները կազմակերպելու համար:
– Խոսվում է, որ հնարավոր է Օհանյան–Ծառուկյան տանդեմ: Դա որքանո՞վ է հավանական:
– Անկեղծ պատասխանեմ՝ հավանական չէ, որովհետև Ծառուկյանը չի կարող իր վարկանիշը հարվածի տակ դնել: Նրա վարկանիշը հիմնականում ձևավորվել է այն առանցքի շուրջ, որ ցանկացած գործունեության մեջ արդար է, ազնիվ և անձնական շահ չի հետապնդում: Այս պարագայում նրան կուղղվեն հարցեր՝ պայմանավորված ուրիշ մեկով, և այդ հարցերի պատասխանները նա դժվար թե ունենա: Նրան ամենևին պետք չէ ապրիլյան պատերազմի հարցերի բեռը վերցնել իր վրա:
Շարունակությունը` «Փաստ» օրաթերթի այսօրվա համարում:
Экологическая «революция» в Сюнике: как удалось избавить деревни от заботы о дровах? «Паст»
Вопрос об аресте Чалабяна дошел до Европейского парламента: «Паст»
Молдавские уроки: почему правительство Армении не уходит? «Паст»
Почему стало модно «отчитывать» оппозицию, и чего на самом деле ожидает общество? «Паст»
Нет мандата, «выданного народом»: «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
Ложная дилемма мандатов: почему тема парламентского бойкота оппозиции - пустая повестка дня? «Паст»
Рубинян: В случае избрания председателем парламента Армении я больше не буду спецпосланником на пере...
