Աշխարհի ամենավտագավոր երթևեկելի կամուրջը, որի վրայով վախենում են անցնել նույնիսկ ամենափորձառու վարորդները. Ահա, թե ինչպիսին է այն (Ֆոտոշարք, տեսանյութ)

Վիտիմ գետի վրայով անցնող կամուրջը համարվում է աշխարհում ամենավտանգավոր երթևեկելի կամուրջը: Չնայած նրան, որ կամուրջը կառուցվել է 30 տարի առաջ, այն դեռ ոչ մի անգամ չի վերանորոգվել: Կամուրջն այնքան վտանգավոր է, որ նույնիսկ ամենափորձառու վարորդները շատ մեծ դժվարությամբ են հաղթահարում այն:

Կամրջի երկարությունը 500 մետր է, իսկ լայնությունը համապատասխանում է ավտոմեքենաների անվային բազայի լայնության հետ: Նման էքստրեմալ պայմաններում, իրավիճակն էլ ավելի է բարդացնում ուժեղ քամին, որի պատճառով կամրջի վրա գտնվող մեքենաների ապակիները հաճախ իջեցվում են, քամու ուժգնությունը հնարավորինս թեթևացնելու նպատակով:

Կուանդա գյուղը, որտեղ գտնվում է կամուրջը, նախկինում համարվել է «ԲԱՄ-ի փոքր մայրաքաղաքը», իսկ այժմ, ինչպես շատ հեռավոր բնակավայրերում, այնտեղ կյանքն աստիճանաբար մեռնում է: Կամուրջը բազմաթիվ անգամներ հրդեհի է մատնվել և դեռևս ոչ մի անգամ չի վերանորոգվել:

Այս լուսանկարներում կարող եք տեսնել, թե ինչքան վտանգավոր է այն:

Կամրջի երկրորդ հատվածը համեմատաբար ավելի նորմալ վիճակում է գտնվում, իսկ սկզբնամասը մեղմ ասած անմխիթար վիճակում է:

Մետաղական հանգույցները, որոնք կամուրջը միացնում են իրար, տեղ տեղ այնքան են իրարից հեռացել, որ առաջացրել են մեծ անցքեր:

Ինչպես լուսանկարներում եք տեսնում մարդիկ հաճախ ձեռքի տակ եղած միջոցներով փորձում են հնարավորինս բարեկարգել մեքենաների ճանապարհը, որն իհարկե այդքան էլ արդյունավետ միջոց չէ:

Իսկ ահա այս լուսանկարում իրավիճակն ավելի է բարդանում:

Գնացքի համար նախատեսված կամուրջը ևս շատ վատ վիճակում է գտնվում:

Ամենից հետաքրքիրն այն է, որ համացանցում ոչ մի հրապարակում չկա այստեղ կատարված դժբախտ պատահարների վերաբերյալ: Կամ դրանք իսկապես չեն լինում, կամ էլ հնարավորինս գաղտնի էն պահվում: Այնուամենայնիվ դժբախտ պատահարներից խուսափելու միակ պատճառը խիստ սահմանափակ երթևեկությունն է:

Նյութը հրապարակման պատրաստեց՝ Rednews.info-ն