Գագիկ Աթասյանը չի գայթակղվել քրեական հեղինակություն խաղալու հնարավորությամբ. Կայացել է Զորիկ Հովսեփյանի «Անկում» ֆիլմի պրեմիերան
Երևանյան կինոթատրոններում արդեն կարող եք դիտել ռեժիսոր Զորիկ Հովսեփյանի «Անկում» քրեական դրաման:
Դերակատարներից Գագիկ Աթասյանը Past.am-ին պատմեց, որ ֆիլմում կա անդրադարձ բանտային կյանքին, ԽՍՀՄ և մեր օրերի բարքերին, աշխարհայացքին, ապրելակերպին, ընկերությանը, դավաճանությանը, նյութապաշտությանը, նաև կա սեր: Ըստ նրա՝ ֆիլմի հերոսները վերոհիշյալից ընտրում են այն ճանապարհը, որն իրենց տանում է փակուղի, անկման: Ինքը՝ Աթասյանը, խաղում է բանտտապահի դեր: ««Անկում» գեղարվեստական ֆիլում նկարահանվելու հրավերն անձամբ ստացել եմ ռեժիսոր Զորիկ Հովսեփյանից: Նա տեսել էր իմ մասնակցությամբ դրվագներ ռուսական ֆիլմերից և հավանել էր: Իմանալով, որ Հայաստանում եմ՝ ֆեսբուքով գտավ ինձ, հանդիպեցինք:
Նա առաջարկեց խաղալ բանտապահի կամ քրեական հեղինակության դեր: Սցենարին ծանոթացա, հավանեցի, սակայն, ի զարմանս շատերի, չգայթակղվեցի քրեական հեղինակություն խաղալու հնարավորությամբ և ընտրեցի բանտապահի դերը: Այդ կերպարը շատ կոլորիտային, նաև հավաքական բնավորության ունի, այսօրվա իրականությունում հաճախակի հանդիպող մարդ, բժշկական տերմինով՝շիզոֆրենիկ (ծիծաղում է): Չէի ցանկանա կերպարս ամբողջական ներկայացնել, միայն ավելացնեմ,որ ֆիլմում բանտապահն ընտրվում է քաղաքապետ»,-ասաց մեր զրուցակիցը:
Աթասյանի խոսքով՝ կերպարն իր անձին նման չէ: Ըստ նրա՝ նորմալ է,որ հանդիսատեսի մի մասը դերասանին նույնականացնում է խաղացած կերպարի հետ,սակայն անորմալ է, երբ դերասանը կյանքում էլ է նույնը:
«Իսկական դերասանը ռեժիսորի՝ «мотор» հրահանգից հետո պետք է մտնի կերպարի մեջ, իսկ «ստոպ» հրահանգից հետո՝ վերադառնա իր «ես»-ին»,- ընդգծեց Գագիկը:
Գագիկ Աթասյանը, լինելով ինքնաքննադատ, ֆիլմում հավանել իր կերպարի՝ բանտապահի մենախոսությունը, որը տեղ է գտել ֆիլմի սկզկբնամասերում: Անդրադառնալով իմպրովիզներին՝ նա նշեց, որ դրանց մի մասն անգամ պրեմիերայից շուտ են տարածվել ու դարձել թևավոր: Նա մի օրինակ բերեց. « Այս խոսքը, ֆիլմից դուրս գալով, հիմա շատերն են կիռարում տարբեր իրավիճակներում՝ երբ բաժակներն ուշ են լցնում, հաց ուտելիս, երբ տաքսիստը չի քշում, երբ աշխատողը դանդաղում կամ թերանում է իր աշխատանքում, սկսել են ասել՝ Կիրակոս, հու՛պ տուր»:
«Որպես «Անկում» գեղարվեստական ֆիլմի դերասան՝ կուզեմ, որ Հայաստանում միայն գնԱՆԿՈւՄ» լինի»,- վերջում նշեց Աթասյանը:
«Անկում» Ֆիլմը դիտեք ամեն օր 18:30-ին «Մոսկվա» կինոթատրոնում
Какой закон, какие урегулирования, кому они нужны? «Паст»
Односторонняя повестка уступок и политика молчания официального Еревана: «Паст»
Почему Пашинян так спешит? «Паст»
Тонкое искусство «кайфаваться» над народом и все «бросить в карман народа»... «Паст»
Почему власть сама ставит себя в нелепое положение? «Паст»
«Фокус» университета Брюсова: объявление о бесплатных местах в последнюю минуту։ «Паст»
«Если завтра границы снова откроются, нашему товару не будет места на этом рынке»: «Паст»
Административный суд признал бездействие полиции незаконным
Когда любая уступка превращается в отправную точку для новых требований: «Паст»
Юридический «беспредел»: как пытаются «переварить» нарушения на выборах? «Паст»
