Թույլ տվեք ինքներս որոշենք. Իվետա Տոնոյանը՝ Արմեն Սարգսյանի հետ հանդիպման ձևաչափի մասին
Ըստ մամուլի՝ առաջիկա օրերին տեղի կունենա «Ծառուկյան» խմբակցության պատգամավորների հանդիպումը ՀՀԿ կողմից նախագահի թեկնածու առաջադրված Արմեն Սարգսյանի հետ, որին, սակայն, Գագիկ Ծառուկյանը չի մասնակցելու: VERELQ-ի հետ զրույցում ԱԺ «Ծառուկյան» խմբակցության պատգամավոր, Գագիկ Ծառուկյանի խոսնակ Իվետա Տոնոյանը նշեց, որ այդ հարցը իրենց քաղաքական օրակարգի որոշելիքն է, թե ինչ ձևաչափով և ում մասնակցությամբ տեղի կունենա այդ հանդիպումը:
Նա նշեց, որ խմբակցության պատգամավորների հետ Գագիկ Ծառուկյանի հանդիպումները պարբերաբար բնույթ են կրում և այդ քննարկումը եղել էիրենց աշխատանքային քննարկումներից հերթականը: Ի թիվս այլ հարցերի, կապված խմբակցության քաղաքական օրակարգի, օրենսդրական նախաձեռնությունների և անելիքների հետ, քննարկվել է նաև նախագահի թեկնածու առաջադրված Արմեն Սարգսյանի հարցը, որի ժամանակ պատգամավորները հանդես են եկել իրենց անձնական դիրքորոշումներով:
«Բայց ինչ վերաբերում է մամուլում շրջանառվող այն տեղեկատվությանը, թե առաջիկայում կայանալիք հանդիպմանը չի մասնակցելու Գագիկ Ծառուկյանը, ապա դա մեր քաղաքական օրակարգի որոշելիքն է, թե ինչ ձևաչափով և ում մասնակցությամբ տեղի կունենա այդ հանդիպումը. թույլ տվեք ինքներս դա որոշենք»,- ընդգծեց նա՝ ավելացնելով, որ թե՛ լրատվամիջոցների, թե՛ հանրության համար պետք է կարևոր լինի կոնկրետ այդ հանդիպման արդյունքը, այն վերջնական որոշումը, որը կկայացվի հանդիպումից հետո, ինչի մասին իր ժամանակին կհրապարակվի:
Ճշտող հարցին՝ այս շաբաթ տեղի կունենա՞ այդ հանդիպումը, Տոնոյանը նշեց, որ կոնկրետ ժամկետ չի նշի, բայց առաջիկա օրերին, այո, այն տեղի է ունենալու.
«Եվ կարող եմ հատուկ ընդգծել, որ մեր պատգամավորները որևէ կերպ կաշկանդված չեն այդ հանդիպման ժամանակ որևէ հարց բարձրաձայնելուց, այդ թվում նաև հանրությանը հուզող»,- հավելեց նա:
Նշենք, որ ըստ շրջանառվող լուրերի՝ Գագիկ Ծառուկյանը պատրաստ է աջակցել Արմեն Սարգսյանի թեկնածությանը, եթե հանգուցալուծվի «Ծառուկյան» դաշինքի՝ ՀՀԿ հետ կոալիցիա կազմելու հարցը: Իվետա Տոնոյանը, սակայն, նշեց, որ նման քննարկում իրենց օրակարգում չկա:
Հիշեցնենք, նախագահի ընտրությունը տեղի կունենա մարտի 2-ին: Իսկ թե ինչպես է ընտրվելու նախագահը համաձայն նոր Սահմանադրության՝ այստեղ:
Следующие два месяца могут стать судьбоносными для Армении. Аршак Карапетян
При поддержке Ucom фестиваль «SunChild» объединяет кино и заботу о природе
День рождения в Италии с Юнибанком
«Житель Степанавана своим голосом покажет, что все попытки обмануть его с помощью видеозаписей обреч...
На COP17 представили книгу «Тайная тропа Овазадзора», изданную при поддержке Ucom
Ucom раскрыла роль технологий в сохранении природы на COP17
Цифровое будущее и устойчивое развитие: председатель правления IDBank в интервью Forbes
