Համատիրությունները նույնիսկ ձայն բերելու համար այլևս պետք չեն լինի իշխանություններին. «Փաստ»
«Փաստ» օրաթերթը գրում է.
Պարզվում է Հայաստանում կան քաղաքներ, որտեղ գտնվող բազմաբնակարան շենքերի կառավարման հարցով զբաղվում են ՏԻՄ–երը՝ քաղաքապետարանները: Ու թեև բազմաբնակարան շենքերի կառավարման հարցով զբաղվող համատիրություններում դեռևս կան բազմաթիվ չլուծված խնդիրներ, սակայն «Համատիրությունների նախագահների ասոցիացիայի» նախագահ Արամ Գրիգորյանը հավաստիացնում է, որ կառավարման մոդելի արդյունավետության տեսանկյունից ամենաարդյունավետը, որքան էլ որ զարմանալի է, ինքնակառավարման մոդելն է: Այսինքն, երբ բնակիչներն իրենք են համատիրության նախագահ ընտրում և ակտիվ մասնակցում իրենց շենքի կառավարմանը:
«Սահմանադրությամբ մեզ մոտ կառավարման մոդելն ապակենտրոնացվել է: Նույնը նաև շենքերի կառավարման դեպքում է, բայց եթե կան համատիրություններ, որոնք ունեն բազմաթիվ շենքեր, բնականաբար, այդ շենքերը կառավարման արդյունավետության պակաս ունեն, քանի որ ինչքան փոքր է միավորը, այնքան ավելի հեշտ և արդյունավետ է այդ կառույցի կառավարումը»,– ասաց Ա. Գրիգորյանը:
Դիտարկմանը, թե համատիրությունները կույրաղիքի նման են աշխատում և տպավորությունն այնպիսին է, որ նստել են բնակիչների «վզին» ու ընդամենը զբաղված են գումար հավաքելով, Ա. Գրիգորյանը պատասխանեց, որ եթե Հայաստանում որևէ ինստիտուտ նորմալ չի գործում, ապա դա ամենևին էլ չի նշանակում, որ այդ կառույցները պետք չեն:
«Ես համաձայն եմ այն մտքի հետ, որ համատիրությունները չեն գործում, բայց համաձայն չեմ այն մտքի հետ, որ բազմաբնակարան շենքերը չպետք է կառավարվեն: Հայաստանում բոլոր տեսակի ընտրությունները կեղծվում են: Այդ դեպքում հարց է ծագում, թե արդյո՞ք ճիշտ է երկրի նախագահ կամ ԱԺ ունենալը: Միանշանակ պետք են չէ՞ այդ կառույցները, բայց քանի որ համատիրությունները բնակիչների աչքի առջև են, այդ պատճառով էլ ավելի խոցելի են, բայց խնդիրն այն է, որ համատիրությունների ղեկավարներ մարզպետները կամ համայնքների ղեկավարներն են նշանակում: Շենքերի կառավարման մարմինները զարգացածության շատ ցածր մակարդակ ունեն և այստեղ կառավարման արդյունավետություն չկա»,– ասաց Ա. Գրիգորյանը:
«Համատիրությունների նախագահների ասոցիացիայի» նախագահը նաև նշեց, որ ինքնակառավարում կոչվող մոդելի էությունն ու բովանդակությունը չեն համապատասխանում իրականությանը, քանի որ հասարակության մտածելակերպը մնացել է խորհրդային տարիներինը, քանի որ համատիրությունների ղեկավարները իշխանություններին միայն ընտրությունների ժամանակ են պետք:
«Նրանց ասում են՝ պետք է 500 շենք տիրություն անես, ինչը նույնն է, թե ընտրությունների ժամանակ ձայներ ապահովելը», դա էլ հանգեցնում է համակարգի խեղաթյուրմանը»,– ասաց Ա. Գրիգորյանը:
Այս իրավիճակը շտկելու և համատիրությունների կառավարման համակարգի էությունը փրկելու համար ասոցիացիան օրենսդրական նախաձեռնություն է ներկայացրել ԱԺ, կառավարություն, բայց իրենց առաջարկները մինչ օրս մնացել են դարակներում, փոշիների տակ:
«Ինչ վերաբերում է համակարգի առողջացմանը, ապա այն գնալով վատանում է: Եվ եթե մենք ունեինք առաջարկ, որով համակարգը կարող էր փրկվել կործանումից, ապա հիմա, երբ հասարակությունը ընդամենը մեկ անգամ է մասնակցելու ընտրություններին, կնշանակի, որ ընդհանրապես ընտրական համակարգերի գործունեությունն է դրվում հարցականի տակ: Տեսնո՞ւմ եք՝ ինչ է կատարվում: Մեկ հոգի նախագահ է նշանակում, մեկ հոգի պատգամավորների ցուցակ է գրում, մեկ հոգի էլ՝ վարչապետ նշանակում: Նման ձևով կառավարում չի լինում: Եվ այս պայմաններում չի կարելի ասել, որ համատիրությունների կառավարման մոդելը լավը չէ»,– ասաց Ա. Գրիգորյանը:
Շարունակությունը՝ «Փաստ» օրաթերթի այսօրվա համարում
"Миссия Добро": Волонтеры из РФ помогают армянским детям с особенностями развития
Обеспокоенная Европа поднимает голос: авторитетные международные деятели предупреждают: «в Армении у...
На что указывают позорные цифры? «Паст»
Юнибанк выпустил новый транш драмовых бессрочных облигаций со ставкой 13,75% годовых
Обещают «сожрать» право граждан Армении на свободный выбор: «Паст»
Пашинян перешёл опасную границу: Российская епархия — объединённый центр Святой Армянской Апостольск...
Сегодня - премьер-министр, завтра - бывший, а Церковь вечна: «Паст»
Итальянский городок в Тоскане платит $30 000 за переезд — с одним условием
Алиев не ждет выборов, он требует сейчас: «Паст»
Армении придется выбрать между ЕС и ЕАЭС: Алексей Оверчук
