Գագիկ Սուխուդյան. «Այսօր որս չկա, սպանդ է տեղի ունենում». «Փաստ»
«Փաստ» օրաթերթը գրում է.
Օրեր առաջ «Զանգեզուր կենսոլորտային համալիր»–ի տարածքում բեզուարյան այծի ապօրինի որս էր տեղի ունեցել: Բնապահպան Գագիկ Սուխուդյանը «Փաստ»–ի հետ զրույցում անդրադառնալով որսագողության դեպքին՝ նշեց, որ երկու խախտում է տեղի ունեցել: Բեզուարյան այծը «Կարմիր գրքում» է գրանցված, իսկ այս շրջանը որսի ժամանակ չէ: Որսի շրջանն օգոստոս ամիսն է համարվում: Նրա կարծիքով՝ կենդանուն դրսի մարդիկ չեն որսացել, այլ՝ արգելավայր ներս ու դուրս անողները: Բնապահպանն այս եզրահանգման է եկել սեփական հետաքննությունն անցկացնելուց հետո:
«Մի քանի տարի առաջ էլ նույն հաջողությամբ գաղտնի որս էին անում՝ տանելով բեզուարյան այծի, մուֆլոնի եղջյուրները: Գալիս էին անգամ Ռուսաստանից: Ես մի քանի տարի առաջ զանգեցի Մոսկվայի մի հիմնարկություն: Այդ ժամանակ շատ ազատ եղջյուրներ էին վաճառում: Ներկայանալով որսորդ՝ հետաքրքրվեցի գներով: Եղջյուրները մեծ պահանջարկ ունեն: Եվրոպական մրցույթների ժամանակ մեծ տեղ ունեն դրանք: Բացի սելֆի անելուց, դրանք տանում են ցուցահանդեսների ներկայացնում: Այնպես որ, պատահական մարդիկ չեն կարող ապօրինի որս իրականացնել»,– ասաց մեր զրուցակիցը:
Բնապահպանության նախարարությունն է կազմում որսի ցուցակը: Սահմանված ցանկի հետ բնապահպանը համաձայն չէ:
«Սև կեռնեխ են ցանկի մեջ ներառում, չգիտեմ՝ ո՞ւմ է պետք այդ թռչունի միսը: Այսօր որս չկա, սպանդ է տեղի ունենում: Այն ժամանակ էր որս, երբ որսորդը գնում էր անտառ՝ չիմանալով ինքն է հաղթելու, թե՞ կենդանին իրեն: Դրանով նա պետք է ընտանիք պահեր: Այսօր այնպիսի տեխնիկա կա, այնպիսի զենքեր, որոնք սպանդ են իրականացնում: Որսորդի ադրենալինը չի էլ բարձրանում, սա ուղղակի սպանդ է»,– նկատեց Սուխուդյանը:
Բնապահպանի պնդմամբ՝ մեր երկրում պետք է որսն արգելել:
«Մի քանի հոգու հաճույքի համար կենդանատեսակներ են ոչնչացնում: Մարդը, որը թանկարժեք հրացանով է որսի գնում, միս ուտելու խնդիր չունի: Հասարակ մարդը որսի չի գնում, իշխանավորներն են գնում: Նրանք անտառապահ կամ տեսուչ հովանավորներ ունեն: Պետք է խիստ պատժել այդ մարդկանց, խայտառակել»,– նկատեց նա:
Հիշեցնենք, որ բեզուարյան այծի որսի առթիվ ՀՀ ոստիկանության Սյունիքի մարզային վարչության Կապանի բաժնում նյութեր են նախապատրաստվել:
ՀՀ բնապահպանության նախարարության բնապահպանության և ընդերքի տեսչական մարմնի Սյունիքի տարածքային բաժնի կողմից կատարված հաշվարկի համաձայն՝ կենդանական աշխարհին պատճառված վնասը ապօրինի որսված բեզուարյան այծի դեպքում կազմում է 3000000 դրամ, ինչը Քրեական օրենսգրքի 292–րդ հոդվածի 3–րդ մասի համաձայն՝ համարվում է խոշոր վնաս:
Նշենք նաև, որ բեզուարյան այծը գրանցված է ՀՀ կենդանիների «Կարմիր գրքում» և դրա որսն արգելված է:
Շարունակությունը՝ «Փաստ» օրաթերթի այսօրվա համարում
«Лакмусовая бумажка» для оппозиционного поля и избирателей: «Паст»
Только стыд и позор из-за властей: «Паст»
Освещения мероприятия блока «Армения» набрали около 15 миллионов просмотров: «Паст»
От Арцаха к Еревану: следующий этап азербайджанской экспансии
Фонд развития «Керон» и фонд «Музыка во имя будущего» сотрудничают во имя молодых талантов
Сюникцы обеспокоены: ситуацией вокруг Ирана могут воспользоваться враждебные силы, создавая риски че...
Наапетян: выборы превращаются в референдум — за «кандидата Азербайджана» или против
Кто такой Марио Науфал, которому дал интервью Нарек Карапетян? «Паст»
За два месяца девять лет восполнится? «Паст»
Угроза национальной идентичности армянского народа: «Паст»
