Լևոն Շիրինյան. «Ռուսաստանի կողմից Ադրբեջանին զենքի մատակարարումը ԽՍՀՄ–ը վերականգնելու հետնախորշային նպատակ ունի». «Փաստ»
«Փաստ» օրաթերթը գրում է.
Ռուսաստանի դեմ ամերիկյան նոր պատժամիջոցները, մասնավորապես՝ ռազմարդյունաբերական համալիրի նկատմամբ, կարող են նաև ազդել Մոսկվայի հետ ռազմատեխնիկական համագործակցություն ծավալող երկրների վրա: Այս մասին հայտարարել է Ամերիկյան խորհրդի արտաքին քաղաքականության անալիտիկ Սթիվեն Բլանկը: Խոսքը մասնավորապես վերաբերում է Հարավային Կովկասին՝ Հայաստանին և Ադրբեջանին: Այս մասին գրում է eadaily.com կայքը:
Քաղաքագետ Լևոն Շիրինյանի համոզմամբ ասված խոսքերը տեղին են, բայց միայն Ադրբեջանի մասով, և հենց միայն Ադրբեջանի նկատմամբ պետք է սանկցիաներ կիրառել: Քաղաքագետը գտնում է, որ ԱՄՆ–ն պարտավոր է Ադրբեջանի նկատմամբ կիրառել սանկցիաներ, իսկ Հայաստանի հանդեպ՝ ոչ, քանի որ Հայաստանը Ռուսաստանի հետ ստրատեգիական–դաշնակցային պայմանագիր ունի, և ի տարբերություն Ադրբեջանի՝ մերը կոմերցիոն գործարք չէ: Ըստ մեր զրուցակցի՝ սա նույնն է, թե ԱՄՆ–ը Թուրքիային զենք չմատակարարի:
«Հայաստանը կոլեկտիվ անվտանգության պայմանագրի անդամ է, Ռուսաստանի հետ ունի հարթ հարաբերություններ, հետևապես Հայաստանի վրա դա չի կիրառվում: Ադրբեջանի նկատմամբ պետք է կիրառվի, որովհետև նա այդ պայմանագրի անդամ չէ, նրա զենքի մատակարարումները անչափ են դարձել ոչ միայն Ռուսաստանից, այլև Իսրայելից, Հարավաֆրիկյան Հանրապետությունից, միաժամանակ կոմերցիոն գործարքներում ագրեսիվ նպատակներով է զինվում, իսկ Հայաստանն այդպիսի նպատակներ չունի»,– նշեց նա:
Դիտարկմանը, թե նյութում խոսք կար այն մասին, որ ամերիկացի քաղաքագետի զրույցում ակնարկ կար Ռուսաստանի՝ նախկին ԽՍՀՄ–ը վերականգնելու փորձերի մասին, Շիրինյանը նույնպես նկատեց, որ դա հեռու չէ իրականությունից: Ըստ նրա՝ և՛ ապրիլյան պատերազմը, և՛ Ադրբեջանին զինելը հենց այդ նպատակն ուներ, որովհետև մենք «կջախջախվեինք» և օգնություն կխնդրեինք, Ռուսաստանն էլ կասեր՝ միացե՛ք, կօգնե՛նք: Բայց, բարեբախտաբար, մեր զինվորն այդ վիճակը փրկել է:
«Ռուսաստանի կողմից Ադրբեջանին զենքի մատակարարումը, կարծում եմ, ԽՍՀՄ–ը վերականգնելու հետնախորշային նպատակ ունի: Ռուսաստանի՝ Ադրբեջանին զենքի մատակարարումը անօրինական է, Ադրբեջանի ստանալն՝ անօրինական և վտանգավոր: Իսկ այն, որ Ռուսաստանը ապրիլյան պատերազմում ուզում էր վերականգնել ԽՍՀՄ–ը , անկասկած է: Այդ պատերազմում հայ զինվորի արյան գնով պաշտպանած պետականությունը Հայաստանին ավելի անկախ դարձրեց և տապալեց Կրեմլում մտահղացած ծրագիրը: Դրա համար, այդ Սթիվեն Բլանկը մեզ պետք է հիացմունքով ընդունի, նա պետք է հիանա հայ բանակի դիմադրության կարողությամբ, որը նաև պաշտպանվելու կարիք ունի: Իրենք էլ պետք է օգնեն մեզ: Հակասական թող չթվա, բայց այդպես է:
Ադրբեջանը, Ռուսաստանը խախտում են անում, իսկ Հայաստանը՝ ոչ: Ռուսաստանը բազմաբովանդակ քաղաքականություն է վարում, ըստ պայմանագրի իբրև թե մեր բարեկամն է, բայց զենք է մատակարարում մեր թշնամուն, այն էլ՝ ագրեսիվ պետությանը: Այնպես որ, պատժամիջոցներ պետք է կիրառվեն Ադրբեջանի նկատմամբ»,– ասաց Շիրինյանը:
Շարունակությունը՝ «Փաստ» օրաթերթի այսօրվա համարում
«Лакмусовая бумажка» для оппозиционного поля и избирателей: «Паст»
Только стыд и позор из-за властей: «Паст»
Освещения мероприятия блока «Армения» набрали около 15 миллионов просмотров: «Паст»
От Арцаха к Еревану: следующий этап азербайджанской экспансии
Фонд развития «Керон» и фонд «Музыка во имя будущего» сотрудничают во имя молодых талантов
Сюникцы обеспокоены: ситуацией вокруг Ирана могут воспользоваться враждебные силы, создавая риски че...
Наапетян: выборы превращаются в референдум — за «кандидата Азербайджана» или против
Кто такой Марио Науфал, которому дал интервью Нарек Карапетян? «Паст»
За два месяца девять лет восполнится? «Паст»
Угроза национальной идентичности армянского народа: «Паст»
