Այս նախագծով աշխատողն ավելի անպաշտպան կլինի. «Փաստ»
«Փաստ» օրաթերթը գրում է.
Պարզվում է ՀՀ աշխատանքային օրենսգիրքը Հայաստանի անկախացումից հետո փոխվել և լրամշակվել է շուրջ 23 անգամ: Հիմա կրկին է փոխվելու, որը սակայն, փորձագետների կարծիքով, ոչ միայն չի թեթևացնելու աշխատող–գործատու հարաբերությունները, այլև էլ ավելի է ծանրացնելու գործազուրկ դառնալու վախը սրտում աշխատողի վիճակը:
Նոր օրենքի հեղինակը Աշխատանքի և սոցիալական հարցերի նախարարությունն է: Նախագիծը, սակայն, բուռն դժգոհություններ է առաջացրել ոչ միայն անկախ իրավապաշտպանների, փորձագետների, այլև՝ Արդարադատության նախարարության մասնագետների մոտ:
Աշխատանքի իրավունքի և մարդկային ռեսուրսների կառավարման մասնագետ Տիգրան Կիրակոսյանի կարծիքով, առաջարկվող նախագծով գործատու–աշխատող հարաբերությունները ոչ թե հստակեցվել են, այլ ավելի անորոշ են դարձել, և ամեն ինչ արվել է, որպեսզի գործատուն ավելի շատ լծակներ ունենա:
«Այս փոփոխությունների արդյունքում գործատուի լծակները շատացել են, իսկ աշխատողն ավելի անպաշտպան է դարձել: Եվ կարելի է եզրակացնել, որ այս փոփոխություններով Հայաստանում փորձ է արվում ստեղծել էժան աշխատուժ և աշխատաշուկա, որպեսզի ներդրումների համար ավելի հարմար միջավայր ձևավորվի»,– ասաց է Տ. Կիրակոսյանը:
Նա նաև հավելեց, որ մի քանի տարի հետո այլևս հնարավոր չէր լինի նման օրենքի նախագիծ անցկացնել, քանի որ աշխատողները սկսել են ավելի շատ պաշտպանել իրենց իրավունքները:
«Չնայած մարդիկ դեռևս ավելի շատ պաշտպանում են իրենց աշխատանքը, քան իրավունքները, բայց այդ հարցում դինամիկա կա: Սրանով, փաստորեն, ներկայում փորձ է արվում այդ դինամիկան կոտրել»,– ասաց աշխատանքի իրավունքի և մարդկային ռեսուրսների կառավարման մասնագետը:
Ի դեպ, քննարկմանը հրավիրված Աշխատանքի և սոցիալական հարցերի նախարարության ներկայացուցիչը չէր եկել: Արդարադատության նախարարության ներկայացուցիչը, սակայն, մասնակցում էր և բավականին ակտիվ էր: Նա նշեց, որ ներկայացված նախագիծն իրենց գերատեսչությունում տող առ տող ուսումնասիրվում է և պատրաստվում են բավականին ծավալուն առաջարկությունների փաթեթ ներկայացնել:
Քննարկման մասնակիցները նշեցին նաև, որ նախագծով մենք կունենանք աշխատանքային պայմանագրի լուծման սպառնալիքով, աշխատանքային պայմանների էական վատթարացում, ինչը ավելի կբևեռացնի առանց այն էլ անհավասար պայմաններում գտնվող գործատու–աշխատող հարաբերությունները:
Իրավաբան, փաստաբան, աշխատանքի իրավունքի փորձագետ Նարեկ Ներսիսյանն էլ ասաց, որ հասկանալի չէ, թե այս պայմաններում ով է պաշտպանելու աշխատողների իրավունքները:
«Պարզ չէ, թե օրինակ «Աշխատանքի տեսչությունը» ինչպես պետք է պաշտպանի աշխատողի շահերը, քանի որ ոչ գործիքակազմ ունի, ոչ էլ չափորոշիչներ: Եվ չի բացառվում, որ նա էլ առանց լուրջ հիմքի գործատուին պատժի, ցույց տալու համար, որ պաշտպանում է աշխատողի իրավունքները»,– ասաց Ն. Ներսիսյանը:
Նա նաև միտք հնչեցրեց, որ նորմալ դատարաններ չունենալու պատճառով ոչ միայն օրենքներն են կամայական ձևով մեկնաբանվում, այլ Վճռաբեկ դատարանի որոշումները, և այս պայմաններում ինչպես պետք է աշխատողը պաշտպանի իր իրավունքները՝ պարզ չէ:
Ստացվում է, որ այս նախագծով Սոցապ նախարարությունը ոչ միայն աչքը սարքելու տեղը հոնքն է հանում, այլև որոշել է մարդկանց դարձնել «մի բուռ ցորենով» աշխատող ստրուկ:
Շարունակությունը՝ «Փաստ» օրաթերթի այսօրվա համարում
Лидер Движения «Всеармянский фронт» Аршак Карапетян проведёт пресс-конференцию на тему «События на Ю...
Бывшие руководители Словакии требуют от Никола Пашиняна прекратить политические преследования и давл...
День благодарности клиентам - на этот раз в филиале IDBank «Эребуни»
Мы не хотим, чтобы сатана, пришедший к власти, судил христиан за их поступки
Когда союзников не осталось: цена и последствия полной изоляции. Аршак Карапетян
«Сила одного драма» - благотворительной общественной организации «Орран»
«Срочно подтвердите данные карты»: IDBank предупреждает о мошенничестве с бронированием отелей
Подведены итоги очередного этапа Junius: впереди новый этап
А сейчас Алиев требует закрыть АЭС.Браво, господа, аплодисменты
Мгер Ананян вошел в состав Правления Юнибанка
