Վարդան Հարությունյան. «Բանակից խուսափած երիտասարդներին քրեական հետապնդումից ազատվելու վճարումների բարձրացման նպատակը փող հավաքելն է». «Փաստ»
«Փաստ» օրաթերթը գրում է.
«Սահմանված կարգի խախտմամբ պարտադիր զինծառայություն չանցած քաղաքացիների մասին» օրենքի ընդունմամբ փակվում են Հայաստանը լքած երիտասարդների հայրենիք վերադարձի դռները: «Փաստ» օրաթերթի թղթակցի հետ զրույցում նման տեսակետ հայտնեց իրավապաշտպան Վարդան Հարությունյանը:
Օրենքով վերջին անգամ հնարավորություն է տրվում բանակից խուսափած 27 տարին լրացած տղաներին վերադառնալ հայրենիք և համապատասխան վճարումները կատարելով՝ ազատվել քրեական հետապնդումից: Կատարված փոփոխություններով այդ վճարումների շեմն ավելացվել է:
Իրավապաշտպանի կարծիքով՝ վճարումների շեմի բարձրացումն արդարացված չէ:
«Դատելով վճարի բարձրացումից՝ պարզվում է, որ նպատակը փող հավաքելն է՝ բյուջե լցնելը: Նրանց պատկերացումները փողից այն կողմ չեն անցնում, իրենց համար սա ավելի շատ փող գանձելու հնարավորություն է: Այստեղ տղաներին հայրենիք վերադարձնելու խնդիր չկա դրված: Մարդիկ վճարումները կատարում էին և շարունակում ապրել երկրում: Վճարի բարձրացման դեպքում վերադարձի հնարավորությունները պակասելու են, որովհետև ոչ բոլորը կարող են մեծ գումարներ տալ»,– նշեց նա:
Հարությունյանը շեշտեց, որ երիտասարդները հեռանում են ոչ թե հայրենիքի հանդեպ պարտքից խուսափելու նպատակով, այլև՝ ֆինանսական ծանր դրությունից ելնելով: Արտագաղթում են նրանք, որոնք արտագնա աշխատանքի են գնում՝ հանապազօրյա հացի խնդիր լուծելու:
«Մարդկանց մի հսկայական զանգված Հայաստանից հեռանում է, որովհետև այս երկրում իրենց ապագան չեն տեսնում: Բանակից փախչողներ գուցե և կան, բայց հիմնականում մարդիկ հեռանում են ապագա փնտրելու նպատակով, որպեսզի նաև կարողանան իրենց ընտանիքը պահել: Երբ ընտանիքով հեռանում են, նրանց 18 տարեկան լրացած տղաները օտար երկրի բանակում են ծառայում, իսկ այստեղ նրանք շարունակում են հետապնդման մեջ մնալ: Եթե ուզում են հայրենիք վերադառնալ, այդ հնարավորությունը պետք է նրանց տրվի և արհեստական բարձրացնել վճարները, կամ նոր խոչընդոտներ ստեղծել վերադարձի ճանապարհին, այդքան էլ արդարացված չէ»,– նկատեց իրավապաշտպանը:
Վարդան Հարությունյանն ասաց, որ երիտասարդները հեռանում են բարեկեցիկ ապագա փնտելու համար, որովհետև նրանք այստեղ այդ ամենից զրկված են: Պետությունը նման հնարավորություն նրանց համար չի ստեղծում: Որպեսզի երիտասարդներն ամուր կառչած մնան հողին, ըստ նրա, պետությունը լուրջ անելիքներ ունի կատարելու:
«Պետությունը պետք է իր քաղաքացու համար պետություն լինի, որպեսզի քաղաքացիներն այստեղ մնան ու իրենց երեխաներին բանակ ուղարկեն: Եթե պետությունը լինի սոցիալական պետություն, և բնակիչները դա իրենց վրա զգան, այդ դեպքում չեն արտագաղթի: Ամբողջ աշխարհում է այդպես: Աշխարհի բոլոր վատ երկրներից մարդիկ աշխատում են հեռանալ և ավելի լավ տեղ ապրել: Պետք է Հայաստանը լավ երկիր դարձնել, այդ ժամանակ չեն լինի զորակոչի հետ կապված խնդիրներ, և ոչ էլ երկրի երիտասարդների մի զանգվածը հետախուզման մեջ կլինի»,– ընդգծեց նա:
Շարունակությունը՝ «Փաստ» օրաթերթի այսօրվա համարում
Не помогла даже откровенная поддержка ЕС и США: выборы стали также своеобразным референдумом: «Паст»
Политическая месть ценой экономической безопасности: «Паст»
Почему власть сама ставит себя в нелепое положение? «Паст»
Тотальный цифровой контроль над гражданами: власть хочет получить доступ ко всем данным мобильных те...
Почему Аветик Чалабян вновь оказался в центре внимания властей? «Паст»
Россия полностью остановила импорт рыбы из Армении
Выборы также развеяли миф об антироссийских настроениях: «Паст»
Когда любая уступка превращается в отправную точку для новых требований: «Паст»
Пропасть в сфере безопасности и необходимость спасения государственности: предупреждение Аршака Кара...
Помимо всего прочего, это просто бесчеловечно: «Паст»
