Ամանորին ընդառաջ. «Փաստ»
«Փաստ» օրաթերթը գրում է.
Ամանորյա տոներին ընդառաջ քաղաքացիները որոշում են, թե այս տարի ինչպե՞ս պետք է կազմակերպեն իրենց հանգիստը: Տանն անցկացնելու և ավանդույթները չխախտողների կողքին քիչ չեն նաև արտերկիրը նախընտրող քաղաքացիները: Թեև մինչ Ամանոր դեռ մեկ ամիս ժամանակ կա, բայց արդեն նշմարվում է այն պատկերը, թե մեր քաղաքացիներն այս տարի հատկապես որտեղ են գերադասում անցկացնել տոնական օրերը:
«Հայաստանում շատ ճոխ ենք նշում Ամանորը, և այդ պատճառով շատ հաճախ Նոր տարին տանը նշելու ցանկություն չենք ունենում: Հոգսերից, խնդիրներից խուսափելու համար ՀՀ քաղաքացիներն արդեն հասկացել են, որ տանը պետք է Նոր տարի չանեն: Եվ քանի որ ամանորյա տոները նաև հանգստի հետ են կապվում, մարդը պետք է հանգստանա և վայելի այդ օրերը: Ամանորն ավելի հետաքրքիր անցկացնելու համար նախընտրում են այլ տարբերակներ գտնել: Մասնավորապես՝ ո՞ր երկիր պետք է գնան: Ասեմ, որ հիմնականում ամենամատչելի տարբերակն առաջարկում է Վրաստանը: Այս երկիր այցելելու համար բավականին շատ հարցումներ են լինում: Վրաստանից հետո երկրորդ տեղում Եգիպտոսն է: Ես այս տարի նկատեցի, որ Եգիպտոս մեկնողների շարժը բավականին շատ է: Եգիպտոսից հետո արդեն Դուբայն է, և այն պետությունները, որոնք ավելի մատչելի տարբերակներ են առաջարկում»,–«Փաստ»–ի հետ զրույցում ասաց «Ռիմա թրավլ» տուրիստական գործակալության տնօրեն Ռիմա Խաչատրյանը:
Վերջինիս խոսքով, հազվադեպ քաղաքացիներ կան, ովքեր նախընտրում են բարձր գներով մեկնել, օրինակ, Թաիլանդ կամ որևէ այլ երկիր. «Իսկ եթե խոսենք Հայաստանի մասին, ապա մեր երկրում գները բարձր են: Հաշվարկենք անգամ մեկ անձի համար նախատեսված 150 կամ 200 հազար դրամ արժեքը: Հաշվի առնենք, որ այդ արժեքի մեջ ներառված չեն ավիատոմսերը: Կարծում եմ, ամեն դեպքում, այդ արժեքը բավականին թանկ է»:
Ինչ վերաբերում է եվրոպական երկրներին, Ռիմա Խաչատրյանը նշեց. «Իհարկե, եվրոպական երկրներ մեկնելու ցանկացողները կարող են ավելի լինել, բայց այս դեպքում մենք շենգեն վիզայի խնդրին ենք բախվում: Յուրաքանչյուր քաղաքացի չէ, որ կկարողանա ստանալ վիզա և մեկնել: Բացի այդ, մարդը տոնական օրերից առաջ պետք է մտածի, արդյո՞ք փաստաթղթերը հավաքելուց հետո վիզա կստանա: Իսկ, օրինակ, Հնդկաստանի, Հորդանանի, թեկուզև Եգիպտոսի և Դուբայի դեպքում վիզայի հետ կապված խնդիրներ չկան: Երկրներ կան, որ ընդհանրապես վիզայի անհրաժեշտություն չկա: Մարդիկ նախընտրում են այն երկրները, որտեղ ընթացակարգերն ավելի հեշտացված են և խնդիրների առջև չեն կանգնի: Եվրոպական երկրներ մեկնողները շատ կլինեն, եթե մենք չունենանք վիզայի ռեժիմի խնդիր»:
Հարցին, թե զբոսաշրջիկներին գրավելու առումով մեզ մոտ հետաքրքիր առաջարկներ կա՞ն, թե այդ ուղղությամբ աշխատելու անհրաժեշտություն կա, մեր զրուցակիցը պատասխանեց. «Ամեն ինչ անում ենք, որ ՀՀ–ում կարողանանք զարգացնել ներգնա տուրիզմը, զբոսաշրջիկներ բերել և ներկայացնել Հայաստանը: Բայց առաջնահերթ պետք է հյուրանոցների գների առումով ավելի մատչելի տարբերակներ ունենանք: Հյուրանոցներում նաև ժամանցը պետք է ապահովենք: Տոնական, անիմացիոն շոուներ պետք է լինեն, որ զբոսաշրջիկների համար հետաքրքիր լինի Հայաստանում: Ձմեռ է, ցուրտ: Զբոսաշրջիկների համար այդքան էլ հետաքրքիր չի լինի դրսում՝ պետք է միայն ձյուն տեսնեն: Իսկ միայն Ծաղկաձորով տուրիզմ չենք կարող զարգացնել: Երևանում ևս պետք է հետաքրքիր պահեր ստեղծել, որ զբոսաշրջիկը տպավորվի, պատմի այդ մասին իր ծանոթներին ու հաջորդ տարի արդեն նրանց հետ գա մեր երկիր: Պետք է բարձրացնել նաև մեր գիդ–էքսկուրսավարների և վարորդների սպասարկման որակը: Սա ամենակարևորն է: Զբոսաշրջիկն առաջինը նրանց է տեսնում, նրանք են ներկայացնում երկիրը: Ինչպես ներկայացրեցին, այդպիսի կարծիք էլ կկազմեն երկրի մասին»:
Շարունակությունը՝ «Փաստ» օրաթերթի այսօրվա համարում
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
