Հնարավորությունները նվազել են, սպառնալիքը՝ ոչ. «Փաստ»
«Փաստ» օրաթերթը գրում է.
«Իսլամական պետություն» ահաբեկչական խմբավորումը նոր սպառնալիքներով տեսանյութ է հրապարակել: Տեսանյութում ցուցադրվել են 60 երկրների դրոշներ, որոնք ներառված են ահաբեկչական խմբավորման դեմ կոալիցիայում: Ի դեպ՝ հակաահաբեկչական կոալիցիայում այս անգամ հայտնվել են երկրներ, որոնք կապ չունեն սիրիական կոնֆլիկտի հետ, այդ թվում՝ Լեհաստանը, Լիտվան, Մոլդովան և Ուկրաինան:
Իր սպառնալիքներում ընդգրկելով նաև այլ երկրների, «Իսլամական պետությունն» ընդլայնո՞ւմ է դիրքերը: Թեև 2018 թվականին հնարավոր ահաբեկչական սպառնալիքների տեսանկյունից արաբագետ Արմեն Պետրոսյանի կանխատեսումները բացասական են, այնուամենայնիվ, հարցի շուրջ այս պահին հակառակ տեսակետն ունի:
««Իսլամական պետություն» խմբավորումը չի ընդլայնում դիրքերը, հակառակը՝ այդ կառույցի դեմ իրականացվող բավականին հաջող հակաահաբեկչական պայքարով պայմանավորված՝ խմբավորման հնարավորությունները նվազել են: Ինչ վերաբերում է նման տեսուղերձների տարածմանը, ապա այն ընդունված գործելաոճ է այդ կառույցի համար: Գրեթե ամեն տարի նախատոնական այս շրջանում նման ուղերձներ են հղվում: Իսկ ավելի շատ երկրներ ընդգրկելու հանգամանքը փաստում է հետևյալի մասին. Սա ««Իսլամական պետության»–ը քարոզչական պատասխանն է իր դեմ իրականացվող հակաահաբեկչական պայքարին»,–«Փաստ»–ի հետ զրույցում ասաց Արմեն Պետրոսյանը:
Այդուհանդերձ ըստ արաբագետի՝ ահաբեկչական սպառնալիքն ամբողջ աշխարհում դեռևս շարունակվում է բավականին բարձր լինել. ««Իսլամական պետության» կողմից նման զարգացումները, բնականաբար, առարկայական են և հնարավոր: Միաժամանակ պետք է նշել, որ այն երկրները, որոնք գտնվում են թիրախում և գիտակցում են ահաբեկչության հնարավորության բավականին բարձր մակարդակը, համագործակցության միջոցով փորձում են կանխել իրենց երկրների տարածքներում հնարավոր ահաբեկչական մարտահրավերները»:
Արմեն Պետրոսյանը նկատում է, որ վերջին շրջանում ավելի հաճախ է հայտարարվում այն մասին, թե «Իսլամական պետության» դեմ ռազմական պայքարը հասել է իր ավարտին. «Թեև այդ հայտարարությունների՝ պետք է փաստել, որ «Իսլամական պետությունը» շարունակելու է իր գործունեությունն արդեն որպես դասական ահաբեկչական խմբավորում»:
Հարցին, թե ամեն դեպքում, որքանո՞վ էին արդյունավետ ««Իսլամական պետության» դեմ իրականացված վերջին մեկ տարվա հակաահաբեկչական գործողությունները, մեր զրուցակիցը պատասխանեց. «Թեև ահաբեկչության դեմ բավականին գործողություններ կատարվեցին, ահաբեկչական սպառնալիքն ամբողջ աշխարհում շարունակում է բարձր մակարդակի վրա մնալ: Ի դեպ, հակաահաբեկչական գործողություններ են կատարվում տարբեր եղանակներով, որոնք ընդգրկում են թե՛ ռազմական գործողությունների, թե՛ կանխարգելիչ–հետախուզական, և թե՛ հետաքննչանան գործողություններ: Այդուհանդերձ, ինչպես Սոչիում, Բաղդադում և Թեհրանում հայտարարվեց, «Իսլամական պետություն» ահաբեկչական խմբավորումը որպես «խալիֆայություն» գոյություն չունի: Բայց և այնպես, այն շարունակելու է մնալ և անհանգստացնել ամբողջ աշխարհին: Վիճակագրական հստակ տվյալներ չկան, որոնց միջոցով կարելի է ասել, թե ի տարբերություն նախորդ տարիների, ինչ վնասներ է կրել աշխարհը: Բայց ահաբեկչական գործողությունները շարունակվում են: 2017 ահաբեկչություններից աշխարհը տուժել է: Վստահաբար կարող եմ ենթադրել, որ հաջորդ տարին ևս ահաբեկչական սպառնալիքի տեսանկյունից անմասն չի մնա»:
Շարունակությունը՝ «Փաստ» օրաթերթի այսօրվա համարում
«Лакмусовая бумажка» для оппозиционного поля и избирателей: «Паст»
Только стыд и позор из-за властей: «Паст»
Освещения мероприятия блока «Армения» набрали около 15 миллионов просмотров: «Паст»
От Арцаха к Еревану: следующий этап азербайджанской экспансии
Фонд развития «Керон» и фонд «Музыка во имя будущего» сотрудничают во имя молодых талантов
Сюникцы обеспокоены: ситуацией вокруг Ирана могут воспользоваться враждебные силы, создавая риски че...
Наапетян: выборы превращаются в референдум — за «кандидата Азербайджана» или против
Кто такой Марио Науфал, которому дал интервью Нарек Карапетян? «Паст»
За два месяца девять лет восполнится? «Паст»
Угроза национальной идентичности армянского народа: «Паст»
