Բացառում ենք ՔՊ-ի հետ համագործակցությունը․ «Լուսավոր Հայաստան»
Մենք բացառում ենք իշխող «Քաղաքացիական պայմանագիր» կուսակցության հետ համագործակցությունը, իսկ մնացածը ժամանակը ցույց կտա։ Այս մասին ապրիլի 23-ին լրագրողների հետ զրույցում հայտարարել է «Լուսավոր Հայաստան» կուսակցության լիազոր ներկայացուցիչ Դավիթ Խաժակյանը։
Նա Կենտրոնական ընտրական հանձնաժողով էր ներկայացրել հունիսի 7-ին նշանակված խորհրդարանական ընտրություններին քաղաքական ուժի մասնակցության համար անհրաժեշտ բոլոր փաստաթղթերը։
Կուսակցության կառավարման խորհրդի փոխնախագահի պաշտոնը զբաղեցնող Խաժակյանը հայտնել է, որ ընդգրկված չէ պատգամավորության թեկնածուների համամասնական ցուցակում։ Հիշեցնենք, որ ցուցակը գլխավորում է կուսակցության նախագահ Էդմոն Մարուքյանը։
Դավիթ Խաժակյանը նշել է, որ կուսակցության հնարավորությունները պետք է գնահատեն քաղաքացիները, ովքեր տեսել են, որ իրենց քաղաքական ուժը, ի տարբերություն շատերի, ակտիվորեն ներգրավված է եղել երկրի քաղաքական ու հասարակական կյանքում։ «5 տարվա ընթացքում «Լուսավոր Հայաստան» կուսակցությունը որևէ մակարդակով «հովհարային անջատման» չի ենթարկվել։ Ենթարկվել են այն ուժերը, որոնք ամիսներ շարունակ հանրային-քաղաքական նշանակություն ունեցող կարևորագույն հարցերի չեն պատասխանել։ Մարդիկ մոռացել են իրենց ինչ-որ մի ընթացք, մեկ էլ ինչ-որ պահի հայտնվել են, կամ առհասարակ հինգ տարվա ընթացքում գործունեություն չեն ծավելել և հիշել են, որ հիմա ընտրություններ են»,- հավելել է նա։
«Լուսավոր Հայաստան» կուսակցության կողմից վարչապետի թեկնածու չառաջադրելը ընդդիմադիր գործիչը բացատրել է նրանով, որ մեծ է հավանականությունը, որ քաղաքական ուժը խորհրդարանում մեծամասնություն չի կազմի։ «Եթե խորհրդարան պետք է անցնի 4-5 ուժ, էն մնացած ու չանցած 10-20 վարչապետի թեկնածուները ինչով են զբաղվելու, եթե չդառնան վարչապետ։ Հետևաբար, մենք մեր առաջ նման խնդիր չէ, որ դնում ենք»,- նշել է նա՝ պարզաբանելով, որ առաջնահերթ նպատակը իշխող կուսակցությանը հեռացնելն է։ Դավիթ Խաժակյանը հստակեցրել է, որ այդ հարցում «Լուսավոր Հայաստանի» դերը կորոշվի այն քվեներով, որոնք քաղաքացիները կտան իրենց օգտին։
Նախկինում իրենց գրանցման փաստաթղթերը ներկայացրել էին նաև իշխող «Քաղաքացիական պայմանագիր» կուսակցությունը, «Բարգավաճ Հայաստան» կուսակցությունը, «Շնորհապետական» կուսակցությունը, «Հզոր Հայաստան» դաշինքը, «Բոլորի դեմ» կուսակցությունը, «Ժողովրդավարական համախմբում» կուսակցությունը և «Միասնության թևեր» կուսակցությունը։
Փաստաթղթերի ներկայացման ժամկետը լրանում է այսօր ժամը 18.00-ին:
Не помогла даже откровенная поддержка ЕС и США: выборы стали также своеобразным референдумом: «Паст»
Политическая месть ценой экономической безопасности: «Паст»
Пропасть в сфере безопасности и необходимость спасения государственности: предупреждение Аршака Кара...
ВТБ (Армения) выступил спонсором армянского издания знаменитого романа А. Дюма «Три мушкетера»
ВТБ (Армения) отмечает рост спроса на продукты агрокредитования
Тотальный цифровой контроль над гражданами: власть хочет получить доступ ко всем данным мобильных те...
Оппозиционная консолидация: инициатива Самвела Карапетяна становится осью поствыборного периода: «Па...
Почему Аветик Чалабян вновь оказался в центре внимания властей? «Паст»
Россия полностью остановила импорт рыбы из Армении
Выборы также развеяли миф об антироссийских настроениях: «Паст»
