«Դեղերի մասին» նոր օրենքն ի՞նչ հետևանքներ կունենա բնակչության և արտադրողների համար. «Փաստ»
«Փաստ» օրաթերթը գրում է.
Հակաբիոտիկների վաճառքը դեղատներում առանց դեղատոմսի կարգելվի: «Դեղերի մասին» նոր օրենքն ուժի մեջ կմտնի 3 ամսից:
«Փաստ» օրաթերթը փորձեց պարզել՝ դա ինչ հետևանքներ կունենա բնակչության և արտադրողների համար:
Նոր օրենքն արտադրողներից շատերի սրտով չէ: Դա, ըստ նրանց, բացասական հետևանքներ է թողնելու: Արարատի մարզում դեղերի արտադրությամբ զբաղվող ընկերության ներկայացուցիչը, ում տվյալները հասկանալի պատճառներով չենք հրապարակում, ասաց, որ տուժողը հայրենական արտադրողն է լինելու:
«Մեզ որևէ առավելություն չի տալիս և շատ վատ է անդրադառնալու հայրենական արտադրության դեղերի վրա, որովհետև օրենքում հատուկ կետով չի նշվում, որ նախապատվությունը պետք է տեղականին տալ: Ամբողջ աշխարհում, նման օրենք ընդունելուց առաջ, այդ կետն են ավելացնում»,– նշեց ընկերության ներկայացուցիչը: Օրենքի հետ կապված իրենց առաջարկությունները ներկայացրել են առողջապահության նախարարությանը, սակայն չի ընդունվել:
Միայն դեղատոմսով վաճառք իրականացնելու դեպքում, ըստ նրա, դեղերի պահանջարկը կնվազի: Առևտրի ծավալները՝ նույնպես:
«Դեղ չի առաջարկվելու: Ինչպես բոլոր հարցերում, այստեղ էլ մենք ենք տուժում: Արտադրողները շատ վատ վիճակում են հայտնվելու»,– նշեց մեր զրուցակիցը:
Դեղատներից մեկի աշխատակիցը հայտնեց, որ հակաբիոտիկների վաճառքի խստացման որոշումը կկարգավորի ոլորտը, բայց կհանգեցնի պահանջարկի կրճատման:
«Երբեմն մարդիկ մեզ նկարագրում են հիվանդության ախտանիշները, իսկ մենք խորհուրդ ենք տալիս այս կամ այն դեղամիջոցը: Այժմ նրանք կգան դեղատոմսերով` հստակ իմանալով, թե ինչ է իրենց անհրաժեշտ»,– ասաց աշխատակիցը:
Նորարարության վերաբերյալ մարդկանց մեծամասնությունը դժգոհություն է հայտնում: Կարծում են՝ դա լրացուցիչ դժվարություններ կմտցնի իրենց առանց այդ էլ դժվար կյանքում:
«Ես շատ լավ գիտեմ, թե ինչպիսի հակաբիոտիկներ են պետք ինձ կամ իմ երեխային: Դրա համար պոլիկլինիկա դիմելն անիմաստ է»,– ասաց քաղաքացիներից մեկը:
Օրենքով սահմանվում է դեղատոմսերի ձևերը, դեղատոմսեր գրելու, դեղեր բաց թողնելու (ներառյալ՝ էլեկտրոնային եղանակով) կարգը:
Նոր կարգով դեղատոմսերում գրվելու են դեղերի համընդհանուր (ջեներիկ) անվանումները: Դեղատանը դեղ ձեռք բերող անձին պարտավոր են ներկայացնել առկա նույն բաղադրատարրը պարունակող, նույն դեղաչափով և դեղաձևով փոխարինելի բոլոր դեղերի վերաբերյալ տեղեկատվություն, այդ թվում՝ գների մասին` առանց ուղղորդման: Միաժամանակ պարզեցված է թմրամիջոցների նշանակման կարգը։ Դրանք կարող են դուրս գրել բժշկական օգնություն և սպասարկում իրականացնող հաստատությունների ընտանեկան բժիշկները, ինչպես նաև պացիենտին բուժող բժիշկները` անկախ մասնագիտությունից:
Հանրապետությունում գրանցված 4723 դեղից 3632–ը, որոնց թվում են նաև հակաբիոտիկները, բաց կթողնվեն դեղատոմսով: Դեղատոմսը մնում է դեղատանը՝ հետագայում պատշաճ վերահսկողություն և մշտադիտարկում իրականացնելու նպատակով:
Շարունակությունը՝ «Փաստ» օրաթերթի այսօրվա համարում
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
