Զգոն լինենք. Նեռի գալուստն է նախապատրաստվում. «Փաստ»

«Փաստ» օրաթերթը գրում է.

Մեր հյուրն է հասարակական, քաղաքական գործիչ, «Քրիստոնյաներն ընդդեմ մարդկանց համարակալման» միության նախագահ Խաչիկ Ստամբոլցյանը

– Պարոն Ստամբոլցյան, աշխարհում ցանկանում են 13 տարեկան աղջիկներին պատվաստել Պապիլոմա կոչվող վիրուսի դեմ: Հակասական են կարծիքներն այս նախաձեռնության վերաբերյալ: Դո՞ւք ինչպես եք սա գնահատում. ինչի՞ համար է այն:

– Այն համաշխարհային առողջապահական կառույցների ծրագիրն է, որը պարտադրում են ողջ աշխարհին: Ե՛վ ֆինանսական առումով մեծ բիզնես է, և՛ միաժամանակ մարդկության համար ապահովում են անպտղություն ու կորուստներ:

Փաստորեն Ամերիկայի Միացյալ Նահանգներում իրականացրել են այս ծրագիրը, որի հետևանքով բազմաթիվ մարդկանց մահացության դեպքեր են գրանցվել: Նաև շատերը գամվել են անկողնուն, շատերն ունեցել են խոսքի խանգարումներ:

Իսկ ճապոնական տվյալներով, այս երկրում երկու–երեք տարի աղջիկներին պատվաստելուց հետո երևան եկան հիվանդ կանայք, որոնք ապրում են գլխապտույտներով ու օրգանիզմի այլևայլ խանգարումներով:

Ընդհանրապես, միջազգային բժշկության մեջ հայտնի է, որ այդ պատվաստանյութը շատ վտանգավոր է և որևէ դրական բան չի պարունակում իր մեջ:

Իսկ եթե հիշում եք, մի քանի ամիս առաջ Ռուսաստանի Դաշնության առողջապահության նախարարը եկել էր Հայաստան: Նա այդ պատվաստանյութի վերաբերյալ պաշտոնապես հայտարարեց, որ դեռևս ոչ ոք չի ապացուցել՝ տվյալ պատվաստումը դրակա՞ն հետևանքներ է ունենում, թե բացասական: Բնականաբար, Ռուսաստանը ևս հրաժարվում է դրանից:

Այն, որ տվյալ պատվաստումը շատ ծանր հետևանքներ է թողնում, ասում են նաև միջազգային և տարբեր երկրների այն կազմակերպությունները, որոնք զբաղվում են այս հարցերով: Վերջիններս ևս նշում են, իհարկե, բերելով հսկայական փաստեր, որ տվյալ պատվաստանյութն առաջին հերթին առաջացնում է անպտղություն, նաև՝ տարբեր օրգանական խանգարումներ:

– Իսկ մեր բժիշկները, ապացուցելու համար, որ դա բացարձակապես անվտանգ է, ուզում են առաջինը պատվաստել իրենց երեխաներին:

– Ես չեմ հավատում, որ նման բան կանեն: Ինքս էլ շատ ծանոթ բժիշկներ ունեմ, որոնք ակնհայտորեն այդ պատվաստումը համարում են անիմաստ: Եվ ես չեմ կարող հավատալ, որ որևէ մարդ, սեփական կարիերայի համար, թույլ կտա իր երեխային նման փորձության ենթարկել: Նման բան չի լինելու: Կապրենք՝ կտեսնենք:

– Աստվածաշնչում այս մասին զգուշացում կա՞: Եվ եթե կա, ապա ի՞նչ ձևով է այն արտահայտվում:

– Աստվածաշնչում պարզապես գրված է, որ պետք է դուրս գան մարդկության դեմ, այսինքն՝ Աստծո դեմ: Դե, սա էլ հենց Աստծո դեմ դուրս գալ է, չէ՞:

Եվ այս հարցերին մեծ հայացքով պետք է նայենք, տեսնենք, թե այսօր աշխարհում ի՞նչ է կատարվում ընդհանրապես: Իսկ խնդիր է դրված, որպեսզի միասեռական ամուսնությունները և նրանց որդեգրումները դառնան օրինական ու ավելի առավել, քան աստվածային օրենքներով կնոջ ու տղամարդու միությունն է: Աստվածաշնչում գրված էր, որ կանայք իրենց բնական տեսքը անբնականով պետք է փոխեն, տղամարդիկ իրար նկատմամբ պետք է խայտառակություն գործեն: Եվ իրենց մարմնի հաշվին վայելած հաճույքի դիմաց նրանք պետք է հատուցում ստանան: Իսկ այդ հատուցումը սպիդն է: Որովհետև այդ հիվանդությունն առաջացավ միասեռականների մեջ, դա 1973 թվականին էր, որ նկատվեց: Եվ այն Աստծո պատիժն էր այդպիսիների նկատմամբ:

Նաև այսօր դրված է մարդկանց համարակալման հարցը. բոլորին ուզում են չիպավորել: Իսկ Հայտնության գրքում է գրված այդ մասին՝ մարդկանց պետք է կոդավորեն և այդ կոդը 666–ն է: Ով այն չունենա, ո՛չ կարող է առնել, ո՛չ կարող է ծախել:

Եվ հիմա այս ամենը մեր աչքի առաջ կատարվում է:

Կամ սատանայի կողմից մարդկության ոչնչացման ծրագրի բաղկացուցիչ է ցորենի հարստացման նախաձեռնությունը, երբ նրանում ավելացնում են երկաթ ու ֆոլաթթու:

Տեսնում ենք, որ մարդկության պետական կառույցները ծառայեցված են այդ խնդրին՝ մարդկությանը ոչնչացնելու խնդրին: Նրանք նախապատրաստում են Նեռի գալուստը:

Այսինքն՝ այս ամենն արվում է ընդհանրապես մարդկության դեմ և ոչ թե առանձին Հայաստանի կամ հայ ժողովրդի:

– Իսկ մենք, մեր իշխանությունները կարո՞ղ ենք խուսափել, թե ընդամենը պետք է ինչ–որ կերպ հետաձգենք այդ վիճակները:

– Կարող ենք խուսափել: Եվ դրա փաստը կա: Երբ Եվրոպան պարտադրեց, որ Խորվաթիան ընդունի միասեռականների ամուսնությունների օրենքը, այս երկիրը պարզապես հարցը դրեց հանրաքվեի: Եվ ժողովուրդը մերժեց այն: Իշխանություններն էլ հայտարարեցին՝ մենք ամեն ինչ արեցինք ժողովրդավարական կարգով. հասարակությունը դեմ դուրս եկավ դրան:

Այսինքն՝ մենք կարող ենք հանրաքվեների միջոցով խուսափել պարտադրվող այս պղծություններից ու այլանդակություններից:

Շարունակությունը՝ «Փաստ» օրաթերթի այսօրվա համարում