Փաշինյանն ավելացնում է հանրությանն ահաբեկելու դոզան
Նիկոլ Փաշինյանը շարունակում է ամենօրյա պարբերականությամբ պատերազմով սպառնալ ՀՀ քաղաքացիներին։ Երեկ խորհրդարանում նա հայտարարել է՝ հունիսի 7-ին կայանալիք ընտրություններում հայ ժողովուրդը պետք է ընտրություն կատարի՝ շարունակել ղարաբաղյան շարժումը, թե ոչ։ Հենց դա էլ, ըստ Փաշինյանի, կկանխորոշի՝ պատերազմ կլինի, թե ոչ։
«Մյուս բոլոր ուժերը ասում են, որ իրենք շարունակելու են ղարաբաղյան շարժումը, և ժողովուրդը դա պետք է որոշի։ Եթե որոշում է, որ ղարաբաղյան շարժումը շարունակվում է, դա նշանակում է պատերազմ, որովհետև ղարաբաղյան շարժումը պատերազմ է։ Եթե որոշում է, որ խաղաղություն է, ուրեմն ղարաբաղյան շարժումը չենք շարունակում, շատ պարզ ընտրություն է»,- ասել է նա։
Փաշինյանը նաև հեռակա մեղադրել է նախկիններին, այդ թվում՝ Ռոբերտ Քոչարյանին՝ Արցախի ժողովրդին տասնյակ տարիներով պատանդի կարգավիճակով պահելու համար։ «Նույն Ղարաբաղի շարժման հետ կապված, մենք ի վերջո չպե՞տք է ասենք, որ Հայաստանի և Ղարաբաղի էլիտան Ղարաբաղի ժողովրդին պահել է պատանդի կարգավիճակում։ Այդ նույն մարդիկ, ում հավաքական անունը ասում եմ՝ «փախածներ»։ Մի անգամ ամբիոնից ասացի՝ վախկոտ դավաճանները, այո, վախկոտ դավաճանները և փախած էլիտաները էս պատմության մեջ պետք է իրենց գնահատականին արժանանան՝ որպես Հայաստանի պետականությունը, Հայաստանի և Ղարաբաղի ժողովրդին պատանդ պահածներ»,- նշել է Փաշինյանը, հավելել, թե ընտրություններում իր հիմնական մրցակիցները հանդես են գալիս խաղաղությունը վերաբանակցելու դիրքերից, ինչը նշանակում է բացել պատերազմի դուռը։
Չի մոռացել նաև ՀԱՊԿ-ին, հայտարարել, թե ՀՀ անվտանգության երաշխավորը 2020 թ. մեզ առաջնորդել է դեպի սպանդանոց։ Մի ելույթում, ըստ էության, Փաշինյանը բացահայտել է իր բոլոր քարոզչական նարատիվները։ Փաստացի, գործող իշխանության ղեկավարը խաղում է բաց խաղաքարտերով, գնում վա-բանկ՝ հստակ հասկանալով, որ դրանից է կախված թե՛ իր, թե՛ իր թիմի հետագա ճակատագիրը։ Գնդակը վաղուց ընդդիմության ու հանրության մոտ է, և նրանց արձագանքից է կախված՝ կհաջողվի՞ Փաշինյանին երկիրը նորից քարշ տալ դեպի ձախողում, թե՞ փոխել արատավոր ընթացքը։
Մանե Կիրակոսյան
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
