Փաշինյանը նոր շոուներ է պատրաստում ընտրություններից առաջ
Խորհրդարանական ընտրություններին մնացել է երկու ամսից մի փոքր ավելի ժամանակ, և գործող իշխանությունները կրկին որոշել են թարմացնել հին քրեական գործերը, նոր քրեական գործեր հարուցել՝ այդկերպ գոնե ապահովելով շոուների և տեսարանների դոզան։
Մեր աղբյուրների փոխանցմամբ՝ քրեական գործեր են հարուցվելու կամ վերաբացվելու ոչ միայն հիմնական ընդդիմադիր դերակատարների, այլև տարբեր քաղաքական գործիչների, նույնիսկ իշխանությանը ժամանակին կամ ներկայումս մերձ քաղաքական, հասարակական հայտնի դեմքերի, գործարարների դեմ։
Մեր աղբյուրները հայտնեցին, որ Փաշինյանն օրերս հանդիպումներ է ունեցել Քննչական կոմիտեի նախագահ Արթուր Պողոսյանի, գլխավոր դատախազ Աննա Վարդապետյանի, Հակակոռուպցիոն կոմիտեի նախագահ Արթուր Նահապետյանի հետ և հստակ հանձնարարել զբաղվել բացառապես այդ գործերով։ Առաջնայինը, բնականաբար, հոկտեմբերի 27-ի և մարտի 1-ի գործերն են, որոնք կրկին վերաբացվելու են, տարբեր հայտարարություններ են հնչելու տարբեր անձանց հասցեին՝ այդ կերպ փորձելով ներքաղաքական դաշտում առկա զարգացումները ստվերել, փոխարենը ընդդիմադիրներին և տարբեր գործիչներին մեղադրել հնարավոր ու անհնար բոլոր մեղքերի մեջ։
Իշխանությունն ինքն էլ հասկանում է, որ այդ քրեական գործերի առյուծի բաժինը նույնիսկ դատարան հասնելու որևէ շանս չունի, բայց սա իրականացվելու է մեկ նպատակով՝ հանրային կարծիքը իշխանության ընդդիմախոսների դեմ տրամադրելու, ինչպես նաև օրակարգը լցնելու համար։ Փաշինյանը, ըստ էության, չի կարող ամեն օր նոր բան ուտելով օրակարգ լցնել և շեղել հանրության ուշադրությունը, իսկ պատերազմով սպառնալն էլ այնքան արդյունավետ չէ, որքան ենթադրում էր իշխանությունը, ուստի գործի է դրվելու «հին ու բարի մեթոդը»՝ քրեական գործերի հարուցումը։
Սոնա Գալստյան
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
